“Ұлттық киiм - ұрпаққа мұра” деп бекер айтылмаған. Ұлттық киім бай тарихи-мәдени мұра. Біздің киімдеріміз басқа ұлттардан өзгеше өзiндiк қасиетке толы. Мұның басты себебi: қазақ халқының табиғат төсiнде өсiп, еркiн ғұмыр кешуімен байланысты.
Бүгін мен сіздерге халқымызды әйел қауымына арналған ұлттық киiмдерін таныстырайын. Қазақ әйелдердің ұлттық киім-кешегі ғұрыптық салтқа негізделген. Ұлттық нақыштағы ою-өрнектермен әшекейленіп, әлеуметтік дәрежені көрсететін.
Әйелдер де ерлердің киімдері сияқты пішілген көйлек пен шалбар киеді, бірақ әйелдердің көйлегі тобығына дейін жететіндей ұзын болып келеді (әйелдер, қыздар мен кемпірлердің көйлектері бірдей пішілген күйде болады). Көйлектің сыртынан жеңі жоқ бешпент- қамзол киеді. Мерекелік жағдайларда жібек шапан киіп жүреді.
Композициясы жағынан қарапайым, атпен жүруге ыңғайлы, өйткені бұрынғы кезде атсыз өмір сүру мүмкін емес болатын, денесі суықтан, ыстықтан аптап желдерден қорғауға бейімделген.
Әйел киімдерінің қазақ елінің бәріне мәлім ортақ түрлері: көйлек, кимешек, жаулық, сәукеле, желек, тақия, қамзол, көзекей, кебіс, мәсі, кәкірекше сияқты киімдер.
Сондай-ақ, әшекей, ажар жағынан қыз киімдері, келіншек киімдері, орта жастағы әйелдер мен қарт бәйбішелердің киімдері деп жас ерекшеліктеріне қарай тігіледі. Қазақтың ұлттық киімін сипатына қарай іштік, сырттық, сулық, бір киер, сәндік және кейбірінде салтанат ғұрып киімі деп бөледі.
Мереке, той-думандарда, аста, дүбірлі жиындарда әжелеріміз үстеріне ақ шағидан жалбырлы көйлек, жалаң бешпет, сыртынан оқалы шапан, түлкі ішіктерін киіп, белін жібек белбеумен буып, оюлы кебіс мәсі киіп төрден орын алған.
Қымбатты көрермен мен сіздерге қазақ әйелдердің ұлттық киім-кешегін қалай, қандай жағдайда кигенін дәстүрімізге сүйене отырып таныстырдым. Ұлттық құндылықтарымызды ұлықтап дәріптеу біздің мақсатымыз. Қазақтың ұлттық киімдерін біле жүріңіздер.
Қорытындылай келе айтсақ, қазақ киімдері қазіргі уақытқа, заманға сай жаңа әдіс-тәсілдермен тігіліп, өзіндік бұрынғы сюжеттік элементтерін ұмытпау керек.
Видео ұнаса, лайк басып, пікір қалдырыңыз.
Және мені Бахаргүл Төлеген атты ютуб арнама жазылуды ұмытпаңыздар. Келесі кездескенше!
Негізгі бет «Ұлттық киiм - ұрпаққа мұра». Қазақ әйелдердің ұлттық киім-кешегі
Пікірлер: 3