رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
زوجه نرجسي بقالي تلت سنين وعندي منه طفلين هو اكبر مني ب ١٣ سنه
انا مش عارفه ابدا التشافي من اي جهه وهل انا ماشيه صح معاه ولا غلط انا من قبل ماشوف التشافي بتعامل معاه بطريقه الند بالند الحمد لله الموضوع بينا موصلش لمد الايد ولا السب بالاهل ولا الكلام دا والحمد لله انا عندي ثقه بنفسي كويس جداا وعارفه اني احسن منه بكتير ف كل حاجه كتعليم ومظهر وتعامل مع الناس وكمان الحمد لله اهلي واهله ف صفي بس طبعا مبيكبرش لحد ولا عاجبه كلام حد معاه انا دايما بقول له وجودك معانا مش هيفرق كتير لان النتيجه واحده طبعا لاني متحمله مسؤليه الطفلين طبعا فيه انتقادات وطبعا برضوا برد عليه مش عاجبك قوم اعمل انت ومثلا انا مش مستنيه منك تقولي دا حلو ولا وحش لاني عارفه انه حلو من غير ماتقول وعارفه اني ف البيت دا الست والراجل انت مجرد مكنه صرف وبس ولما يتطاول عليا بالكلام برد عليه الكلمه بعشرة وباخد حقي ف وقتها وطبعا هو مش عاوز كدا وهيموت من كدا عاوز يفضل يهبهب زي ا..... وانا مردش عليه وانا مبستحملش الاهانه حتي لو كلمة انتي مبتفهميش او غبيه
المشكله اني ببقي قدامه مش مبينه اني متاثرة بحاجه وبلعب مع العيال ولا كأن حصل حاجه بس بعد مايغور ف داهيه بفضل اعيط وبزعل جدا ع نفسي وانا شخص رومانسي وعندي مشاعر وطبعا هو بيمنع العلاقه بالشهور انا مش قادرة ابقي زي الطوبه مش قادرة اشيل قلبي واحط مكانه لوح تلج ومش عارفه اعمل ايه ومينفعش اتطلق منه لاني عندي طفلين رضع لا ينفع حضانه ولا غيرة دلوقتي ، علشان كدا مش هعرف اشتغل انا عندي احساس عالي جدااا اني هموت واقتله من كتر غيظي منه
حد يقولي اسلوبي دا صح ولا غلط ولا انا كدا ماشيه صح ولا لا علما ان عنده زوجه تانيه بس طوبة زيه وممكن يسيبها بالشهور برضو ميجيش جنبها وهي مستغنيه عنه ف كل حاجه لا مصاريف ولا علاج حتي مبتتكلمش معاه ف اي حاجه بمعني اصح لوحين تلج عايشين مع بعض وهي مريضه فشل كلوي
وطبعا فيه مقارنه رهيييبه بينا لانها مبتطلبش حاجه خالص ومبتردش عليه لما يهبل وانا طبعا العكس بس انا عملت وقفه ع المقارنه دي ومبقاش ينطق اسمها حتي ف البيت
الحقيقة البوست ده محتاج يتقسم لكذا جزء عشان نرد عليه الجزء الأول طريقة التعامل معاه الرد على النرجسي كلمة بكلمة ولا كلمة بعشرة وإنتي لسة أول تلات سنين جواز قدام شوية الموضوع هيوصل مد الإيد هيوصل لسبب الأهل لإن انتي ماشية فعلا في الطريق لكدة هو بيقول كلمة إنتي بتقولي عشرة هو طبيعي مش هيسكت على عشرة هيقول لك عشرين وهكذا دة حيوصلنا لمد الإيد عشان كده دي طريقة أنا ما بحبش أنصح بيها دي أول حاجة أنا بحب قوي إن إنتي تردي عليه بكلمة واحدة وتردي كل عشر مرات تردي مرة واحدة ليه؟ لان طول ما إنتي بتردي عليه ومدياله اهتمام فهو بياخد منك وقود سلبي وهو مبسوط جدا فمش حيبطل يقول وكمان حيعلي ليفل الاستفزاز عشان ياخد وقود اكتر ،يعني طريقتك قطعا غلط
طيب الحاجة التانية والأهم بقى ان انتي لسة مش متعافية انتي لسة جواكي غضب رهيب لدرجة إنك عايزة تموتيه إحنا قلنا إن دي المرحلة التانية من التشافي يعني إنتي لسة قدامك اد إللي قطعتيه كمان شوط عشان توصلي للتعافي التام اللي هو لا حباه ولا كرهاه لا مبسوطة منه ولا غضبانة منه مفيش أي مشاعر مهما هو عمل مطلوب إن إحنا نوصل لدة إن هو يهمكيش رأيه ميهمكيش كلامه ومايهمكيش أي حاجة يقولها مهما اتنطط قدامك إنتي مش هتتأثري مش هتتعصبي فدي النقطة التانية إللي هي بتخليها بعد ما يمشي تنهار بكا
اللي بتبدأ تدخل المعارك بتاعة النرجسي وهي لسة مكسورة زيها زي اللاعب إللي رجليه فيها كسر وينزل ملعب هيحصله إيه رجليه ح يحصلها كسر مضاعف و ممكن يتحرم من اللعب بعد كده ، هو ده إللي أنتم بتعملوه لما تنزلي المعارك بتاعت النرجسي وإنت لسة مكسورة لسة ما تعافيتيش هيكسرك بزيادة يا إما هتلاقي نفسك خرجت من الملعب هتلاقي نفسك اتطلقتي أو إنت وصلتي لأخرك فبتطلبي الطلاق طب إحنا مش مش عندنا الأوبشن ده هي نفسها بتقول أنا مقدرش أتطلق عشان أنا عندي أطفال فمحتاجة وقت عشان تقدر تخرج من العلاقة طيب يبقى ماتدخليش المعركة قبل التعافي دلوقتي تلتزمي الصمت ولا تدخلي في المعارك كأنه مش موجود خالص يا إما خدي هدنة خدي أطفالك وروحي عند اهلك شهر ولا شهرين ترتاحي هو عنده مراته التانية أو إنه يروح لها هو المهم إن إنتي تحاولي تبعدي تحاولي تتجنبيه تماما وكأنه مش موجود قدامك عشان تقدري تتعافي
طيب النقطة بقى الأخيرة إللي أنا بصراحة كنت عايز أبدأ بيها الفيديو وبعدين دايما بتردد إن أنا أتكلم فيها يا بنات يا بنات محدش يتجوز واحد متجوز الزواج من أربعة حلال ربنا محلله ومحدش يقدر يتكلم في ده أنا مش بحرمه لكن أنا بقول إنه ده ماينفعش في الزمن بتاعنا ، سيدنا النبي عليه الصلاة والسلام كان بيركب الحمارة صح أو بيركب الناقة بتاعته هو ده الزمن كان وقتها ما فيهوش غير ده ده المتاح خلاص تيجي إنت النهاردة تقولي لي أنا هركب الحمارة أروح بيها الشغل أنا مش هقول لك الحمار لا عشان الحمار مينفعش تروحي بيه الشغل والمظاهر والمناظر والكلام ده لأ خالص الحمارة بطيئة وهتوصلك الشغل تاني يوم فإذا ما تركبيش الحمار فأنا لما أقول لك متركبيش حمارة تروحي بيها الشغل يبقى أنا بحرم الحلال أنا مش بحرم الحلال أنا بقول لك إللي يناسبك دلوقت دلوقتي الحمار مش تناسبك تركبيه نفس الكلام طبقوا الزواج . ....الباقي في اول تعليق
0:00-0:33 المقدمة
0:33-2:29 سؤال
2:29-3:31 تعليقى على البوست
3:31-4:16 المفروض تتصرفي ازاي
4:16-5:09 انتي في اي مرحلة في التشافي
5:09-6:33 امتى تدخلي المعركة
6:33-13:20 اهم نقطة في الحلقة
13:20 للاخر الخاتمة
#صحةـنفسية #القوة #الاكتئاب #النرجسي #النرجسية
Негізгі бет لو هتكملي مع النرجسي اوعي تعملي التصرفات دي قبل التشافي التام
Пікірлер: 91