نوعين من الحلوى بذوق القهوة وبحشوين مختلفين والذوق من أروووع مايكون ، اعطيتكم افكار وانتم لكم الاختيار
المكونات
العجينة----‐------------------------------------------------------------
125غ زبدة طرية ، بيضة كاملة،2 ملاعق كبار زيت (20غ)
3 ملاعق كبار بومبي سكر ناعم (70غ) ، 3 ملاعق كبار بومبي نشاء (70غ) ، ملعقة كبيرة كاكاو (15غ) ، ملعقة صغيرة قهوة سريعة الذوبان أو عطر الكابتشينو ، رشة ملح ، ملعقة صغيرة خميرة كيميائية ، فرينة (طحين)
(قسمت العجينة على 2 ، النوع الأول خرجتلي 15 حبة بكريمة الزبدة إذا درتوه بالعجينة كاملة تخرجلكم 25 حبة كاملة ، والنوع الثاني خرجلي 15 حبة بريستيج)
كريمة الزبدة------------------------------------------------------------
120غ مرغرين اوبلين أو أي نوع أخر ، 4 ملاعق سكر ناعم (80غ) ، ملعقة صغيرة قهوة سريعة الذوبان مذابة في القليل من الماء الساخن
غاناش القهوة (بقاتلي كمية ممكن تنقصو)-------------------------
300غ شوكولا (150غ سوداء + 150غ بالحليب) استعملو لاسافوغ ولا امبسادور
225غ كريمة سائلة نسبة الدهون 30% (هوبلا)
نصف ملعقة كبيرة زبدة طرية ، عطر الكابتشينو أو قهوة سريعة الذوبان
الحشو المقرمش (يكفي ل15 حبة)---------------------------------
100غ شوكولا سوداء للطلي ذائبة ، 100غ براليني
(حوالي 2 ملاعق كبار مملوئتين)
عطر الكابتشينو أو قهوة سريعة الذوبان
فويتين + بندق محمص ومطحون (المهم الحشو يبقى طري و مايكونش ناشف)
التغلييف ----------------------------------------------------------------
200غ شوكولا بذوق الكابتشينو (لاسافوغ)
250غ شوكولا بيضاء الوجدان + قطعة صغيرة شوكولا سوداء
(لاسافوغ تجي ثقيلة خففتها بالوجدان الافضل تذوبو كل نوع لوحده وتضيفوهم على بعض)
إذا لم تتوفر الشوكولا بذوق القهوة نكتفي فقط بالشوكولا البيضاء مع قطعة صغيرة شوكولا سوداء)
حبيبات الشوكولا بذوق القهوة متوفرة في المحلات
#حلويات_العيد_2023
#صابلي_بريستيج_بذوق_القهوة
Негізгі бет #حلويات_العيد_2023
Пікірлер: 121