21.05.2014 Ұлы Дала Жорығы👍
Бүгін өзіміздің қоста дем алып таңертең сағат 5:40 та тұрдым. Уақыт ерте болса да күн көтеріліп кеткен, жалпы осы жорық басталғалы күн салқын. Өздері Бөкен-құралайдың салқыны деседі. Жорыққа келген командалардың дайындығы жақсы. Әсіресе Жетісу облысы, Алматы қаласының, Қостанай, Жамбыл, Ақмола облыстары мен Астана қаласы командаларының кез-келгені 1-2-3 орындарға таласа алады.
Бүгін командаға Көкмойнақ командасының белді атсейістерінің бірі Бұғабай келіп қосылды. 250-ші шақырымды қаттырақ шапқан Жетісу облысы 3 атпен бірінші келді. Мен өкшесін басып 5 секунд қалып мәреге келдім.
Түскі демалысқа біздің қос Бапан би - Саққұлақ шешен кесенесі тұсына тоқтаған екенбіз.
Түскі тамағымызды ішіп алып, Айзада екеуміз зәулім биік кесенесіне барып әйет оқыдық. Жалпы қорымда Қанжығалы Бөгенбай батырдың баласы, немере-шөберелері жатыр екен.
Бүгінгі Ұлы Дала Жорығын ұйымдастырушылар, атбегі сейістер, шабандоздар ұлттық спортты дамыту жолында, сол кешегі бабалар ат ауыздығымен алысып қорғаған киелі жерінің иесі екенінәң дәлелі іспетті.
Түсқайта негізгі тартыс Жетісу облысы шабандоздарын қанша қуса да жете алмай 15 минуттай кейін, қатар келген қос команда Маңғыстау мен Алматы қаласы командалары арасында болды. Бірақ мен Жетісуге түске дейін жіберген 5 сек есемді 12 минут бұрын келіп қайтардым.
Ертеңгі шешуші күн алдында дұрыс демалу үшін біз Қанжығалы Бөгенбай батыр елі Ерейментауға 40 шақырым кері жүріп келіп, Едіге қонақ үйіне орналастық.
Ертеңгі жорықтың 4-күні Жетісу, Маңғыстау, Алматы қаласы, Жамбыл мен Қостанай облыстары командалары арасында нағыз жан беріп, жан алысатын жойқын шабыс болатыны анық…
Астана қаласында щтетін V Дүниежүзілік көшпенділер ойынының басталуына 107 күн қалды. Раббим👍
Негізгі бет Ұлы Дала Жорығы👍
Пікірлер: 3