١-ليه النرجسي في المناسبات والتجمعات العائلية تلاقيه انسان جميل ومحترم ويساعد الناس ويعدل الكرسي لو حد كبير في السن جه يقعد و يجامل دي ويشكر في اكل دي ويظهر كأنه شخص مثالي والناس كلها تبقى حاسداكي عليه واول ماتروحوا البيت تلاقيه قلب ع الوش التاني فورا وممكن يحصل انه يقلب وانتوا اصلا مروحين في الطريق؟
دكتور راماني بتقول ان التصرف دة يتعد من الجاسلايتينج ، ازاي ؟ ،هو اصلا برة كان لابس الماسك ،ليه ؟
١-عشان ياخد وقود كل الاهتمام والتقدير اللي ناس ادتهوله وكلامهم لكي انك محظوظة بيه كل دة وقود نرجسي
٢-عشان يلخبطك ويخليكي مش فاهمة هو وحش ولا حلو لانه كمان بيعاملك ادامهم كملكة ويبتسم في وشك ويتكلم عنك كويس فانتي تقولي ماهو كويس اهه يبقى هو اكيد بيكون زهقان والعيال مضايقينه او حد من اهله مزعله المهم انتي بتشكي فورا في نفسك ، وفي نفس الوقت بيعمل ارضية عن الناس وخصوصا اهلك عشان هم كمان يلخبطوكي لما يقولوا لك انتي محظوظة انتي عندك زوج عظيم وحنون و….
٢٢-ليه النرجسي مش بيقول انه متضايق او يحكي او يقول هو بيفكر في ايه ؟
تيودور بيقول انا مش عايز اعرفك انا بفكر في ايه عشان تفضلي تسألي نفسك هو ماله ، ياترى انا زعلته ،وطبعا دة يشكك في نفسك ،او انك تقولي طب ياترى هو عرف اني عملت الحاجة الفلانية اللي هو قال متعمليهاش و خصوصا انك لو سألتيه ممكن يرد عليكي رد سخيف او يكسفك او يزعق لك بالتالي انتي مش عايزة تسأليه عشان خايفة وفي النفس الوقت عايزة تعرفي ماله عشان برضه خايفة يكون عرف حاجة انتي مخبياها او سمع مكالمة بينك وبين صاحبتك بتشتكي لها منه ، المهم انك خايفة ، ودة هو عايزه هو عايزك خايفة وقلقانة عشان تبقي مستهلكة ومجهدة فيقدر يتلاعب بيكي بسهولة وبالتالي يتحكم فيكي ويسيطر عليكي اكتر ، وممكن تكوني عايزة تعرفي عشان تحلي له المشكلة عشان تحافظي على هدوء الحياة عشان اولادك مثلا ، كمان هو مش بيحب يعرفك ماله عشان تفضلي تلفي وراه او تفضلي تفكري فيه وكل دة بالنسبة له اهتمام يعني وقود ، الحاجة الغريبة جدا بقى ان النرجسي مقتنع تماما انك مفروض تعرفي هو بيفكر في ايه وتقرأي افكاره وتلبي احتياجاته بناء على انك حتقرأي افكاره وتعرفي هو بيفكر في ايه وعايز ايه ودة طبعا لانه حد مميز جدا ومهم جدا لدرجة انه لازم تكوني كدة معاه ولو مكنتيش على هذا المستوي من الخدمة اللي هو اصلا جابك عشانها فدة معناه انك مش بتحبيه (دة مش كلام تيودور لوحده دة كمان د. راماني وكارتر وجريندي قالوا نفس الكلام دة ) ، كمان النرجسي عايز يبان مهم وبيفهم وبيفكر بعمق ودة اللي بيحس انك بتشوفيه لما يقعد يسرح كدة ، وطبعا عمره ما حيقولك انه سارح في اللاشيء لانه سطحي جدا في تفكيره فحيفكر فيه ايه ، غير حاجة واحدة انه يتلاعب بيكي ازاي ويحصل على وقود منين وازاي
٣-كمان لما تيجي تشتكي مين حيصدقك بقى والناس شايفينه ملاك بجناحين اهه
طيب ليه بيقلب فورا مش بيقدر يصبر لما يروح حتي؟ لانه الشخصية اللي بيتقمصها دي اللي مغايرة تماما لنفسه بتجهده جدا وبتستهلك طاقته لانه طول الوقت بيمثل فمابيصدق يخرج من المكان عشان يرتاح ويكون على طبيعته بالظبط زي اللي لابس جزمة ضيقة ورجله مهروسة جواها اول مايركب العربية حيخلعها فورا ، طيب دي وفهمناها طيب ليه بيهبشك بقى اول ماتروحوا وتقفلوا بابكم ؟ هو بعد التمثيل اللي مثله دة هو مدرك تماما انه نافق كل الناس دي ومدرك انه مثل عليهم وبالتالي بيدخل في شعور بالعار لانه مدرك انه مش قادر يكون الشخص دة اللي هو اظهره للناس ودة طبعا متعلق بالطفولة والاب او الام النرجسية اللي زرعت فيه الاحساس بالعار ، المهم هو دلوقتي حاسس بالضعف والخواء والعار يهدي نفسه ازاي بقى ازاي يرجع يحس انه كويس ويخرج شحنة الغيظ من نفسه دي ؟ يعمل هجوم عليكي ويتهمك بكل الصفات السيئة اللي هو حاسسها في نفسه (اسقاط) يقوم يهدا ويرتاح
٣- مين البنت اللي بتجذب النرجسي؟
المتعاطفة ، المنقذة ، الايجابية ، المتسامحة ، بنت النرجسيين
٤-ليه النرجسي بيسرع في الارتباط والزواج ودايما فترة الخطوبة بتكون قصيرة ، وليه كمان بيكون مستعجل جدا ع التقارب الجسدي حتى ان بعض النرجسيين العقلانيين (اللي ملهمش اصلا في موضوع العلاقة الحميمة ) برضه بيكونوا مستعجلين ع التقارب الجسدي .
النرجسي طول ماهو لسة مربطكيش بالتزام هو مضطر يكون لابس الماسك طول الوقت ادامك عشان متهربيش منه ودة موضوع مرهق جدا ومستنزف لطاقة النرجسي ، وكمان هو عايز يستفيد منك باكبر قدر ممكن من الفايدة بسرعة ويقلل مصاريف وهدايا ومواسم والكلام دة ، دة غير انه بيكون عايز يحكم سيطرته عليكي وطبعا مش عارف يعمل دة طول مانتي في بيت ابوكي ، في النفس الوقت عايز التقارب الجسدي بسرعة لانه دة اكتر حاجة حتربطك بيه وتخليكي ملتزمة تجاهه وحتعملي له اي حاجة عايزها يعني بالعربي حتكوني خاتم في صباعه ( دة لو حصل تقارب جسدي قبل الزواج ) وهو بيكون عايز دة عشان كدة بيفضل يزن ويهددك شوية ويعمل لك صمت عقابي شوية وهكذا وتاني البنات الصغيرة تاخد بالها من نفسها
Негізгі бет ليه النرجسي لازم ينكد عليكي بمجرد ماينتهي اي تجمع عائلي او مناسبة ..... كوثر سند
No video
Пікірлер: 183