معاد فـيني للعتب و الـمشاريه
يا ليتني عن جملة الناس سـالي
الـعمر لـو ينباع بـريال و جـنيه
ببـيع عمري كان يـسوى ريـالي
والحين حتى خاطري ما يواسيه
اقـرب عـيال العم ولا الـخوالي
راحت حياتي بين هذي و هذيه
والله يستر من صدوف اللـيالي
والخاطر الي كنت احنه واداريه
هذاك يوم إنِّي أحـنّه و غــــالي
واليوم لا مرّيت باسمه وطاريه
امـر و أتـعدّى و لانـي أبـــــالي
القلب لامن عاف هذي مـواريه
و إمـن المواجع مستريحٍ وخالي
يا بـو محمد جاك علمي وقافيه
مما حصـلّي فالـزمان و جــرالي
لا تنشدوني عن ضميري ومافيه
انا ضمـيـري قام يصـلاه صـالي
بكره يدور الوقت والوقت يمحيه
همٍ يهد عـزوم بـعـض الـرجالي
Негізгі бет ماعاد فيني كلمات الشاعر /سعد النملان اداء المنشد صقر آل عوض
Пікірлер