Еліміздің кеншілері мен металлуртері 50 жасында зейнеткерлікке шыға алады. Мұндай мүмкіндік еңбек өтілі толық жеткілікті жұмысшыларға берілмек.
Сондай-ақ мүгедек балалар бағып отырған аналардың баласына қараған жылдары еңбек өтіліне қосылады. Бұл туралы бүгін Парламент Мәжілісінің жалпы отырысында Денсаулық сақтау және әлеуметтік даму министрі Тамара Дүйсенова мәлім етті.
Оның айтуынша, сәбиі мүгедек болып дүниеге келген аналар баласы 18 жасқа келгенге дейін жәрдемақы алатын. Ал баласы кәмелеттік жастан асқаннан кейін жәрдемақы беру тоқтатылып, анасы баласына қараған жылдар еңбек өтілі ретінде саналмай келген. Яғни ол жалақы алмағаны өз алдына, қаншама жыл жұмыссыз отырғандықтан, зейнетақысы да мардымсыз болатын. Тіпті зейнетақы тағайындалмайтын жағдайлар да кездеседі.
Енді жаңа заң жобасына сәйкес мүгедек балаға қараған анаға еңбек өтілін есептеу туралы өзгеріс енгізу көзделіп отыр. «Яғни мүгедек балаға анасы немесе әкесін әлеуметтік қызметкер ретінде рәсімдеп, оған орташа жалақы төлейміз», - деді министр.
Тамара Дүйсенова, ҚР Денсаулық сақтау және әлеуметтік даму министрі
-Бұл мәселе жұмыс тобында қаралған. Жалпы мүгедек балаларға қарап отырған аналардың сол кеткен уақыты еңбек өтіліне кіргізілетін болды. Бұл жұмыс тобында шешілді. Яғни ананың жалақысынан зейнетақы қорына ақша бөлініп отырады.
Негізгі бет Фильм және анимация Мүгедек бала баққан анаға жалақы төленетін болады
Пікірлер: 40