ADAL Adam youtube арнасына Қазақстанның Еңбек Ері, жазушы, драматург Дулат Исабеков сұхбат берді. Ол өзінің шығармашылығы, тәуелсіздік жылдары еліміздің мәдениет және әдебиет саласында жеткен жетістіктері мен кем-кетіктері туралы, драматургияның дамуы, қазіргі қаламгерлердің қарқыны, поэзияның дәурені өтіп жатқаны, рушылдық індеті туралы ойларын бөлісті. Сұхбат барысында жазушы Мұхтар Мағауинге де тоқталды. “Екеуміз тату болдық дейік, содан пайда түсе ме?” дей келе, Түркияның Кемеріне көшіп келген қаламгерге қатысты көзқарасы өзгермейтінін айтып, “шетелде жүріп түк бітірмеді” деп айыптады. Сонымен қатар, Назарбаев жүйесі кезіндегі жер мәселесі, Алтынбек Сәрсенбаев пен Заманбек Нұрқаділовтің ажалы, Қаңтар оқиғасы туралы пайымын жеткізді. Экс-президент пен өзінің арасында болған әңгімелер, ерегістер жайлы да сөз қозғады. Жазушы қазіргі президент Тоқаевтың саясатын қолдайтынын және оның жұмысына астыртын кедергілер болып жатқанын тілге тиек етті.
#ДулатИсабеков #МұхтарМағауин #НұрсұлтанНазарбаев
Негізгі бет Мұхтар Мағауинге жауап. Сәтбаев пен Әуезовті кім өлтірді? НӘН-нің оң қолы кім болды? - Д.Исабеков
Пікірлер: 1,3 М.