نعالج القبح بالجمال…
ـــــــــــــــــــــــــــــــــــــ
ماهو الفافنوس
ـــــــــــــــــــــــــــــــــــــ
كلمات: بنونة بنت المك نمر
بروفايل: عماد عبد الله
ـــــــــــــــــــــــــــــــــــــ
إن أدَّاك وكَتَّر ما بيقول أديت
أب درق الموشح كلو بالسوميت
أب رسوة البكر حجَّر شراب سيتيت
كاتال في الخلا وعُقُبن كريم في البيت
ماهو الفافنوس ماهو الغليد البوص
ود المك عريس خيلك بيجن عركوس
أحيا عليه سيفو البحد الروس
***
ما دايرالك الميتة أم رمادا شح
دايراك يوم لُقى بدميك تتوشح
الميت مسلوب والعجاج يكتح
أحيا عليه سيفو البسوى التح
***
إن وردن بجيك في أول الوردات
مرنن مو نشيط إن قبلن شاردات
أسد بيشة المكربت قمزاتو مطبقات
وبرضع في ضرايع العُنَّز الفاردات
***
كوفيتك الخودة أم عصا بولاد
درعك في أم لهيب زي الشمس وقاد
سيفك من سقايتو استعجب الحداد
قارحك غير شكال ما بيقربو الشداد
***
يا بُقَّة عقود السم
يا مقنع بنات جعل العزاز من جم
الخيل عركسن ما قال عدادن كم
فرتاك حافلن ملاي سروجهن دم
وماهو الفافنوس ماهو الغليد القوص
ود المك عريس خيلا بجن عركوس
أحيا عليه سيفو البحد الروس
……
إنا لله ياخ
Негізгі бет Музыка ماهو الفافنوس.. عبد الكريم الكابلي (عود)
Пікірлер: 6