ФУТБИГ арнасына тіркеліңіздер!
Португалия құрамасының және «Аль Насрдың» шабуылшысын қалағаныңызша сынауыңызға болады, бірақ оның аңыз адам екенін мойындамау мүмкін емес. Бірегей спортшы, керемет мотиватор. Роналду жүздеген голдар мен ондаған жүлделердің арқасында ғана танылған жоқ. Оның алаңның сыртында да тұлға ретінде қалыптасқанын айтуға болады. Армысыздар, құрметті көрермендер! Бұл Футбиг арнасы. Бүгін біз неге Әлем Криштиану Роналдуды жақсы көретінін түсіндіріп береміз. Сіз КРироның фанаты болсаңыз, лайк басыңыз. Ал хейтері болсаңыз, соңына дейін көріңіз. Видео аяқталғанда, ойыңыз өзгеріп, Ронға деген махаббатыңыз ашылады.
Балалық шағы.
Криштиану дос Сантос Авейро 1985 жылы Мадейрадағы Фуншал деген шағын қалада дүниеге келген. Футболшының балалық шағы елдегі экономикалық қиын кезге тұспа тұс келді. Криштиану отбасындағы төртінші және ең кенже бала. Оның ата анасы материалдық жағдайларына байланысты төртінші баланы асырай алмаймыз деп қорыққан. Сол үшін анасы баланы алдырып тастауға шешім қабылдайды. Португалияда аборт жасау нақты әрі маңызды себептермен ғана рұқсат етілген. Роналдудың анасы абортқа келісім ала алмаған. Тағдырдың жазуымен аман есен босанып, таршылықта және жоқшылықта өмір сүруге тура келді. Отбасының сол кездегі күн көрісі нашар еді. Роналдудың бала кезіндегі жалғыз ойыншығы футбол добы болды.
Ал әкесі маскүнемдіктен зардап шеккен. Десе де, болашақ футбол жұлдызының әкесі елдің тағдырына қатты алаңдап, сол кездегі президент Антонио Энистің саясатын АҚШ тың президенті Рональд Рейганның саясатымен салыстыратын. Әрине, Рональдтың беделі мен мансабы әлде қайда мықты болса керек. Сондықтан балаға есім беру мәселесі көп талқыланбады. Роналду - америкалық көшбасшының құрметіне қойылған есім.
Ауруды да жеңе білді
Роналду жас кезінде жүрек әлсіздігімен ауырды. Бұл оның шамадан тыс жұмыс істейтіндігінің салдарынан туындаған. Дәл осы диагноз футболды тастауға мәжбүрледі. Бірақ Лиссабондағы медициналық орталық оған лазерлік операция жасап, емдеп шығады. Хирургиялық араласу арқасында жүректің бірнеше жолдарын бір сингулярлы жолға ауыстыруды қажет етті. Қуанышқа орай, жас Роналдудың операциясы сәтті өтті. “Ол тағы да футбол ойнауды жалғастыра алады және өзінің балалық армандарын орындау үшін жұмыс істейді” деген дәрігерлердің рұқсатын алды. Ол тағдырдың осындай да қиындығын жеңіп шыққан.
Қажымас қайрат пен ерік жігер
Криштің бала кезден футболға бейім екені тез белгілі бола бастады. Алғашқы командасы елдің төменгі дивизионында ойнайтын жергілікті «Андориньо» мен «Насьональ». Сол жерде Роналдудың негізгі үш ерекшелігі қалыптаса бастады. Біріншіден, оның жұмысқа қабілеттілігі мен шыдамдылығы. Табиғатынан арық бала болса да, өте төзімді. Командаға берілген тапсырмаларды екі есе артығымен жасап, бапкерлердің көзіне түсе бастады. Екіншіден, ол алаңда жылдам қозғалып, қарсыластарын оңай алдап өтетін. Көз ілеспес шапшаңдығының арқасында шабуыл шебінің нағыз қауіпті ойыншысы болды. Үшіншіден, ол эмоционалды болған. 10 жасар Криштианудың әр ойыны оның көз жасымен аяқталатын. Неге десеңіз, түрлі шешімдерге келісе алмай өзінің наразылығын солай жеткізетін. Ол қосалқы құрамда қалып қалса, командасы жеңілсе жылайтын. Тіпті оның пасынан кейін әріптесі гол соға алмаған кезде де эмоциясына ерік беретін. Осыған қарамастан, ол алаңдағы үздік ойыншылардың бірі болды және әрқашан өз қатарластарынан ерекшеленетін.
12 жасында Роналду Португал футболының алпауыт командаларының бірі «Спортингке» қабылданады. Бала өмірінде алғаш рет Лиссабонға бару үшін үйін және сүйікті ата-анасын тастап кетуге мәжбүр болды. Мадейра аралынан келген жас футболшы бірден сіңіспеді. Өйткені, Криш келген аралдың сөз саптауы мен акценті Лиссабондағы португал тілінен біршама ерекшеленеді. Сөйтіп Роналду академияда күлкі мен мазақтың ортасында қалды. Ол осындай хэйтке тек өзінің ойынымен жауап қайтаратын. Маусым сайын кем дегенде он гол соғып, көре алмайтындардың ауызын жабуға тырысты. Алдына менің есімімді әлі талай естисіңдер деген мақсат қойды.
Әр кеш сайын анасына қоңырау шалып, жылап, үйіне алып кетуін өтінетін. Ал келесі күні жаттығуға барып, есінен танып қалғанша жұмыс істейтін. Академия тәлімгері мен бапкерлер оны шамадан тыс жаттығатыны үшін штраф жазып беруге мәжбүр болатын.
Негізгі бет Спорт МЮ қатты ӨКІНІП қалды. Елдің бәрі Роналдуды қолдап жатыр
Пікірлер: 215