መግለጺ ምንቅስቓስ ንብሩህ መጻኢ ንኤርትራውያን
14 የካቲት 2024
ሰላምን ስኒትን ንኣባላት ምንቅስቓስ ንብሩህ መጻኢ ንኤርትራውያን፣ ንኹሎም ተቓለስትን ደገፍትናን፣ ከምኡ 'ውን ንኹሉ ህዝብና ብሓፈሻ፣
ኣማኻሪ ኣቦ-ወንበርን ወሃብ-ቃል ምንቅስቓስ ንብሩህ መጻኢ ኤርትራውያን ኣቶ በየነ ገረዝግሄር ፣ ኣብ ወርሓት ጥርን ለካቲትን 2024 ኣብ ሃገራት ካናዳን ሕቡራት መንግስታት ኣሜሪካን ነዊሕ ትካላውን ውልቀሰባውን ጻዕርታትን ግዜን ዝሓትት ዓቢ ዑደት ከካይድ ተመዲቡ ምንባሩ ዝፍለጥ’ዩ። ኣብ ሓሙሽተ ከተማታት ሃገረ ካናዳ ዘካየዶ ዕውትን ድሙቕን ህዝባዊ ኣኼባታት፣ ዝምስገን ሰፉሕ ዲፕሎማሰያዊ ተቐባልነት ዝረኸበ ብምግባሩ ብስም ምንቅስቓስና ነቲ ዘየቋርጽ ጻዕሩን ኣብነታዊ ተወፋይነቱን ልባዊ ምስጋናን ሞጎሰን እንዳገለጽና እንቋዕ ናብ ስድራቤትካ ብሰላም ተመለስካ ንብል ።
ይኹን እምበር ነቲ ኣብ ሕቡራት መንግስታት ኣሜሪካ ንኽካየድ ብቡዙሓት ደገፍትን ፈተውቲ ትካልናን፣ ብዓቢ ህንጡይነትን ሃረርታን ዝጽበይዎ ዝነበረ መቐጸልታ ዑደት ኣቶ በየነ ገረዝግሄር ፣ መሪሕነት ምንቅስቓስ ንብሩህ መጻኢ ኤርትራውያን ብዝመጽኦ ሓበሬታን መጽናዕትን ኣብዚ ግዜ እቲ ዑደት ምክያድ ካብ ጥቕሙ ጉድኣቱ ይበዝሕ ዝብል ገምጋምን መረዳእታን ስለዝገበረ፤ እቲ ዑደት ተሰሪዙ ናብ ካልእ ኣብ ቀረባ እዋን ንክማሓላለፍ ምውሳኑ ይፍለጥ።
ኣቶ በየነ ገረዝግሔር ነዚ ትካልዊ ወሳኔ ብምኽባር፣ ካብቲ ብውልቁን ብዙሓት ሰባት ዝጻዓሩሉ መደብ፤ ንግዜኡ ብምቑራጹ ንዝተፈጥረ ዘይወግዓውን ዘይትካላውን ሓበሬታ ዘኸተሎ ዘይምርድዳእ፤ መሪሕነት ምንቅስቓስ ንብሩህ መጻኢ ኤርትራውያን ልባዊ ይቕሬታ እንዳሓተተ፤ እቲ ዑደት ኣብ ዝጥዕም ግዜ ብዝበልጸ ሓይልን ስፍሓትን ሰለዝካየድ፤ ብትዕግስቲ ክትጽበዩና ብትሕትና ንሓትት።
ውሳኔ መሪሕነት ምንቅስቓስ ንብሩህ መጻኢ ኤርትራውያን ኮነ፤ ውሳኔ ኣፈኛ ምንቅስቓስ ንብሩህ መጻኢ ኤርትራውያንን ኣማኻሪ ኣቦ-ወንበርን ኣቶ በየነ ገረዝግሄር ኣብ ሕግን ሕጋውነትን ዝተመስረተን ፤ ግሉጽነት ዘማእከለን ፣ንውልቓዊ መሰል ሰብ ዘኽብር ውሳኔ እዩ።
ሕግን ሕጋውነትን ግሉጽነትን ዝተኸተለ ኣሳራርሓ ትካልና ዘይተረድኦም ንኽርድኦምውን ዘይደልዩ ሰባትን ፣ ግሉጽነትና ከም ቅርጻዊ ድኽመት ብምርኣይ ኣብ ማሕበራዊ ሚድያ ብፍላጥ ወይ ብዘይምፍላጥ መቓልሕ ሻዕብያዊ ኣታሓሳስባ ብምዃን ኣብ ትካልና ነቓዕ ንምፍጥር ዝገብርዎ ዘለዉ ኣዕናዊ ፈተነታት ዋጋ ከይሃብና፤ ቀንዲ ድልየትናን ዕላማናን ማለት ሻዕብያዊ ኣታሓሳስባ ካብ ሃገርና ሓንሳብን ንሓውሩን ንምድምሳስ ከምዘይዓግተና ነረጋግጽ።
ህዝብና ካብ ባርነት ህዝባዊ ግምባርን ካብ ሻዕብያዊ ኣታሓሳስባን ሓራ ንምውጻእ ፣ ኣብ ሃገርና ንቡር ሕግን ሕጋውነትን ንማሓደረሉ፣ መሰረታዊ ሰብኣዊ መሰላት ዝኽበረሉ ፣ ሓርነትን፣ ማዕርነትን ፣ ሕውነትን ሰላምን ዝሰፈነሉ፤ ህዝባዊ ወሳንነትን ልዑላውነትን ዝተረጋገጸሉ ሃገር ንኽትህልወና መጻኢና ብሩህ ንምግባር ንእነካይዶ ቃልሲ ጻዊዕትና ብትሕትና ነተሓላልፍ ።
ሕጂውን መጻኢና ብሩህ ንምግባር ጸላኢና ነንጽር ።
ባይቶ ምንቅስቓስ ንብሩህ መጻኢ ኤርትራውያን*
#erisat #eritrea #fnanapp #neshneshtv #tefetawitalkshow
Негізгі бет መግለጺ ምንቅስቓስ ንብሩህ መጻኢ ንኤርትራውያን14 የካቲት 2024
Пікірлер: 184