معلقات المدح
في .مقام .ولي .العهد .الأمير #محمد_بن_سلمان #عراب_الرؤية
شعر سعود بن شالح
غناء نياف تركي
عزف ناصر الشيباني
تصميم وتنفيذ سمو للإنتاج المرئي
كلمات العمل :
يالله ياللي ماعدا حكمه على الواقع يزول
ياللي لك عبادك من الخشيه تفيض عيونها
يا ناشرً جندك على وجه البسيطه عرض طول
ما خاشرك في هيبتك هامانها وفرعونها
موجد دلايل قدرتك في دورة الاربع فصول
وأجرام سابحْة الكواكب في مغبّة كونها
اذعنت لك من خيفتي يا باعث محمد رسول
لك سكة ًطلّابة الغفران ما يخطونها
من بعد هذا يا إلاهي صدّ بي عن كل قول
ما يرفع النفس الكريمه للعلا و يصونها
الشعر ديوان العرب حافظ بطولات الزحول
تِحفظ به حقوق الرجال اللي تجير حصونها
تِثبت به وقوع الرجال وتنرسم فيه الفعول
منظومةٍ للأولين .. أحفادهم يروونها
والشعر مزمار الخطر لامن قرع صوت الطبول
ساعة شياطين الوغى تومي بروس قرونها
كم حاديٍ من فوق فيح وفوق مسرجة الخيول
يلعب على صوت المعارك لا اطّحن طاحونها
اليا حدا من فوقهنّه راغت أذهان الفحول
لين الثقال مْن الدهايا تستجن اجنونها
وانا ملكت مْن الشعر ندراً وصايفها تهول
ذلايلٍ من بدع فكري بايح(ن) مكنونها
وقلّطت من هجني لـ مادك ياحلي جدّه ( ذلول )
تستقطب اسماع العرب في وصفها وفنونها
أصيلةٍ تزها الأصيل اسْلالة اصحاب الأصول
النادر اللي كل كلمة مستحيل يكونها
سلام يا محمد بن سلمان يا المجد المهول
تسليمتن على جناح المفخره موزونها
تنقاد فيك معلّقات المدح يا الغيث الهطول
سحابة الأمداح في دربك اتهل مزونها
يا محقّق اهدافٍ لها تصبو لبيبات العقول
ادركت غايات النفوس اللي كبار ضنونها
مع الجميع بْلا كلافة زايده وابروتيكول
تواضعك مضرب مثل للشيخه وقانونها
حضيت في حب الجميع وحزت منهم بالقبول
تكتب نجاحاتك بكفّك والعرب يقرونها
يالريِض ان لزْم الأمر ياللي على الفزعه عجول
وعين الأعادي من نجاحك تكتحل من نونها
تضرب على صم الحجر وتفجّر عيون الحقول
حتى درج ماها وبلّل يابسات غصونها
يا امير من خلّا الصحاري القاحله عقب المحول
مثل الجنان اللي طموح العالم يزورونها ؟
بالماجدات مْن الفعول الغر موجبْة الذهول
حتى اصبحت مقصد عباد الله وريف اضعونها
لقيتها وجه السعد بالاهتمام وبالشمول
مافيه نافذتن شعاعك ما استباح دجونها
سمّيت بالملهم وركْب الاسم يا رمز الحلول
لمعقّداتن ما لغيرك قدره يفكونها
حيثك ولد من شبر كفّه طايلن في كل طول
عقاب نجد اللي رفع فوق السحاب متونها
ابا الحزم وابا العزم وابا الظفر ليث الشبول
مقعد شبا عِيّالها ومصعّطن مجنونها
سلمان سلم لمن صحب شرّن على كل امعلول
سليل من لايم قبايلها ووحّد شونها
عبدالعزيز امهّجد الفتنه على امات الحجول
مِركد زلازل نجد لامنْه اصطفق من دونها
لين اذعنت عقب التغطرس واستجابت للمثول
من زعزع العوجا ولد مقرن وضم ركونها
حتى رعى الذيب الجويع وخاشر الضبي الجفول
واستادبت له كل عاصيتن تحد سنونها
وانت الحفيد اللي مرامي رؤيتك ماهوب حول
خمسة عشر حول ووراها راسمن مضمونها
سؤال من باب العجب ماهوب من باب الفضول
هو باقيً قمة فخر فالأرض ما ترقونها ؟
حرايرً ما ينجبن مثلك يا فكّاك القفول
يالله عساها للرهيف اللي يطرّ بطونها
ــــــــــــــــــ
تنبيه لآصحاب القنوات :جميع الأعمال حصرية ونسخ أو تحميل المحتوى وإنتهاك حقوق النشر يعرض حسابك وقناتك للإغلاق
____________________
لايكـ + أشتراكـ + تعليق
وترقبوا المزيد و الجديد
يسعدنا تواصلكم على:
جوال [ واتس آب ] : 966550690666+
تويتر : / smotube
إنستقرام : / smotube
ايميل : smotube1@gmail.com
سناب شات : / smo.tube
تيليجرام : telegram.me/smotube
Негізгі бет Музыка معلقات المدح شعر سعود بن شالح غناء نياف تركي 2024
Пікірлер: 12