عندى تعليق على عدد 6 ربما يُفهم خطأ من احد المشاهدين لاَ تُعْطُوا الْقُدْسَ لِلْكِلاَب، وَلاَ تَطْرَحُوا دُرَرَكُمْ قُدَّامَ الْخَنَازِيرِ، لِئَلاَّ تَدُوسَهَا بِأَرْجُلِهَا وَتَلْتَفِتَ فَتُمَزِّقَكُمْ. ما المقصود ب (لاَ تُعْطُوا الْقُدْسَ لِلْكِلاَب؟) طبعاً القدس بيتكلم عن المقدسات مش مدينة فى فلسطين، ازاى مانديش المقدسات للكلاب ولو دُرَرَكُمْ قُدَّامَ الْخَنَازِيرِ، ايه هى المقدسات ايه هما الكلاب ايه هما الخنازير؟
نبتدي بأيه هما الكلاب وايه هما الخنازير؟ الكلاب حيوانات تتميز بالشراسة والخنازير حيوانات تتميز بالنجاسة، هل يليق باشخاص يميزهم الشراسة ان نطرح قدامهم المقدسات؟ وهل ناس يميزها النجاسة نطرح الدرر قدامهم؟ طبعاً بيتكلم عن ناس مش عن كلاب حرفية وخنازير حرفية، إذا كان شخص شرس هذا الشخص لا يصلح ان أقدم له الامور المقدسة. عنده حكم مسبق على الأمور المقدسة ورفضها.
على سبيل المثال بيلاطس أظهر شراسة فى تعامله مع المسيح أمر بجلده، بعد أن قال إني لست اجد فيه عِله ده بار، طب تجلده ليه؟ والجلدات الرومانية كانت فى منتهى القسوة لذلك تلاحظ ان بعد كده لما سأله بيلاطس بكلامٍ كثير لم يجبه يسوع ولا عن كلمة واحدة أرى فى بيلاطس صورة اللى بقصدهم الرب هنا شراسة الكلاب. وأرى فى هيرودس نجاسة الخنزير فكان يعيش مع زوجة اخيه فى حياة زوجته وفى حياة اخوه ، طبعاً ده فى منتهى النجاسة لذلك أيضًا عندما وقف المسيح امام هيرودس وترجىَ ان يرى منه آيه لم يجبه لانه لازم ينفذ الكلام هنا لاَ تُعْطُوا الْقُدْسَ لمن لهم شراسة الْكِلاَب لاَ تَطْرَحُوا دُرَرَكُمْ من لهم نجاسة الْخَنَازِيرِ.
ينبغى ألا نعتمد على هذا القول فنبكم افواهنا عن الشهادة امام الاخرين بالانجيل، ناس كتير جداً مش بتكلم حد ابداً ويقولك لاَ تَطْرَحُوا دُرَرَكُمْ قُدَّامَ الْخَنَازِيرِ يعني تصمت عن الشهادة فى كل الأحوال.
فالحقيقة القدس والدرر مش بالظبط الإنجيل، والكلاب والخنازير مش بالظبط الخطاة ، لكن عندما يظهر شخص شراسة فى مقاومة الحق.. الرسولين مثلاً بولس وبرنابا نفض غُبار ارجلهما نفضوا هدومهم خلاص مكلمهمش تاني ، والشخص الذى يستهين بالمقدسات نصمت ولا نكلمه، لكن أي خاطئ احنا محتاجين نقدمله الإنجيل طبعاً وده واجب علىَ.
تابعونا على:
Facebook Page: / kolelketab
KZitem Channel: / kolelketab
Soundcloud Channel: / kolelketab-program
Twitter: / kolelketab
instagram: / kolelketab
tiktok: / kolelketab
Website: www.kolelketab.com
لينك الحلقة كاملة
• برنامج كل الكتاب | انج...
Негізгі бет ما معنى "لاَ تُعْطُوا الْقُدْسَ لِلْكِلاَب، وَلاَ تَطْرَحُوا دُرَرَكُمْ قُدَّامَ الْخَنَازِيرِ" ؟
No video
Пікірлер: 21