يا الشايل شمسك فى جواك
خليها تبين للناس تطلع
وياالنازع فرحة والده هناك
غير حس آهاتك مابتسمع
يا الناسى اللبقة المفتوحة
هي بلاك طوريتك ماب تقرع
والمنجل فى راس التمرة
ناسيه.. وامك ماب تطلع
الكتقة وقعت ..والحملان
فى اللوبى بقت تجرى وترتع
والجر الفى بيت الضيفان
حرمان لا نزه ولا نقع
ياالسبت عقابك ..روحته
وحياة عز بلدك لاتنجع
الواطة تقولك لاتنجع
الحبل الماتميت مسيرو
ينادي يقولك لاتنجع
والحوض الما رفعت سرابو
يهاتى يقولك لاتنجع
والنيل الفى واطاتنا ترع
يقولك ازرع ولا تنجع
ماك فاكر يوم داير ترحل
وابوك الحاج شايللو عصا
لاحيلو وقف ..طقش اللبريق
اندفق سال فوق المصلاه
وقام بارى الحيطة واتوكل
يقوم فد مرة ومية يقع
ويقولك يا المبروك أرجع
ارجع ارجع آزول ارجع
غير بلدك عاد ماب تلقه بطاح
شن داير فى بلدا ..والناس
مافيهم حاس ..ومافيها صباح
الليل الويل مليان اتراح
الويل الليل مليان اتراح
بياع بيقول افراح ..افراح
زي البيقول تفاح .. تفاح
مجلوبة الفرحة ومفروشة
من ضحك الناس دايرين ارباح
لو كان فى ايدم ملك الكون
كان لمو عبير الزهر الفاح
كان علبو نفس الزول العاش
فى صدر الليل داير يرتاح
كان حجزو الغيم فى واطاطتهم
كان يامسكين باعو الارواح
وين تلقى الفرحة وتتهنئ
فى دارا ضيقي ومافى براح
وجم ناسا من عين العطشان
تخطف ومضات البرق اللاح
سايب أهلك ونخلك راحل
قول لي وين ماشى وين يا صاح
الشمس النايرى أبت تطلع ؟
النيل آ زول أصبح رحراح؟
الضل قصصر؟ماغتا رويس ولدا ساكب عرق الكداح؟
الواطة ابت تديكا الخير؟
أم إنت عليك ماهابي رياح؟
قول لي وين ماشي
ووين م
وليشن سايب وطن الصلاح؟
النسمة ان جاتك.. بتجيكا
مليانى عبير عند البياح
الموية إن داير .. تلقاها
نقاعا واطيب من الراح
الضحكة هناك من جوة الجوف
والفرحة هناك مافيها الخوف
والشقا ارحم فى ضل النيم
وبعيد من بلدا واقفى صفوف
جم ناس احباب ..تلقه المكسور
مشيول ف اكتاف واحد مكفوف
والجن اللحمر فاقد الحيل
فى خلوة حاج الخير مكتوف
ودكان الشيخ فوق الواطة
كيمان كيمان مافيه رفوف
Негізгі бет محمد النصري يا الشايل شمسك فى جواك
Пікірлер: 14