محمد السناني : سلام الله سلامٍ يليق اِبمِن تنصّاه يليق اِبسيّدي واتشرّف يوم اقوله لِيَا حِضرَ العصيمي عرفت اقصاه وادناه فنون الشّعرِ عنده ومِيزاتَ الرّجوله مستور : هلا يا مرحبا فَ اوّل المشوارِ واتلاه سنانيٍ من العِيصِ جَا يشعَب ذلوله انا ما استانِسَ اَلاّ من الشّاعر ومعناه ومِن يُومِن بِربّه يبى يعرف رسوله محمد السناني : حِضِرت اِلْ دعوة اللّي يحُوز العِزّ والجاه لِيَا مِنّه دعانا تِجَ الخطوه عجوله (.......................................) (.......................................) مستور : تهَرّج يا محمد وفيصل لا عدمناه على ميراثَ الاجدادِ مِسرِجةٍ خيوله لِيَا راح السّناني مَراحِ اِمقَيطِ وِارشاه ترى ما هُو بِفايز بها في كِلّ جوله محمد السناني : هذا خيرٍ سوات السّحاب اِلْيَا نِثَر ماه وانا غنّيت بيت القصيد حسب اصوله لِيَا راح العصيمي ترانا ما فِقدناه عتيبه كلّهم مِشتهين اِفراقِ زوله مستور : اَبَسُوقَ السّناني دقايق واتِحَدّاه وانا اللّي يا عرب ماخِذِ اِحزامَ البطوله عطيتك درسِ ي ابنَ السّناني كيفِ تنساه لِيَا عاملتني حافظٍ حَقّ العموله محمد السناني : عليكَ الهُونِ ي العَودِ فنجالك شِربناه تحاول تاخِذَ الكاسِ وانته م انتِ حوله انا ما اعامِلَ الرّجلِ لين اُومِن بِمَبداه خروج اِسمِك من الصّفّ خيرٍ مِن دخوله مستور : انا ماني بِ مِنغَرّ مِن دِينه ودنياه طريقَ المَجدِ خابر طلوعه مِن نزوله لِيَا مَدّيتِ يمناكِ غيرك مَدّ يمناه محمّد كِلّ ما قالِ كلمه صَفّقُوا له محمد السناني : تقوله بَعدِ ما ضاعِ مِنكَ اللّي تمنّاه وَ احِد عَقّل ذلوله وَ احَد فَلّت ذلوله تِعبتُ وشِبتِ والوقت يا ما اكثَر ضحاياه لكنّك مِن عتيبه تَعَزوى في حموله مستور : انا عاقِل ذلولي على النّهرِ وعلى ماه ذلولِك ذَبّتَ الرّيعِ ما هي بِمعَقُوله بقي لِك عِلمِ لِن طِعتِ شوري لا تحَرّاه لِيَا مِنّي عقَدتّ الحبلِ صعب حلوله محمد السناني : انا قبلك تراني عرفت الجرحِ وِاِدواه لكنّ انته معك حَظّ ما حصّل قبوله شليويح العطاوي لو اِنّك جِبتِ شَلفاه تِوَقّع ناسِ مثله من القبر اِطلَعَوا له مستور : ابُويَه يومِ جا له ولد بالاسم سَمّاه وابُوكَ الله يخلّيهِ ما سَمّى خبوله شليويح العطاوي فَعَل والحَظّ باراه وَلاَ هَمّه من الوقت وِش عِرضه وطُوله محمد السناني : ابوك اللّي مسمّى الولد وش هي سُواياه كِتَب مستورِ شاعر وكَلمَتك اِمعَسُوله زمان الوقت كَثّر عليكم من عطاياه وِجِيهَ النّاسِ ما هي من الطّيبِ اِمغَسُوله مستور : يبى يَسرَ السّناني بِوَسمِ فوقِ عِلباه مريضَ الرّاسِ والقلبِ والكبد اِمعَلُوله
@abonaif628
3 жыл бұрын
راجع لتعديلها واكمالها باذن الله
@xxahmadxx50
3 жыл бұрын
عساك على القوة
@خالدالثعلي-خ2ب
3 жыл бұрын
وابوك الله ^*يخليك*^ ماسمى خبوله
@محمدمحمداااَ-ت7ذ
3 жыл бұрын
ابو فهد الرياحي حاضر معهم وراك منزلت له شي أظنه لعب مع تركي
@RAl-Ghamdi
3 жыл бұрын
ونعم والله فيك يالسناني ونعم بمستور العصيمي
@MOH3MMED18
3 жыл бұрын
كتب الله اجركم يا فن القلطة ورجاء لا تحرمونا منها خاصة القديمه والطواريق المميزة، ورحم الله ابو تركي ومتع ابن متروك بالعافية.
@different8483
5 ай бұрын
عتيبة انجبت ثلاثة شعراء من العظماء النوادر رشيد ومستور ومطلق… الله يرحمهم ..
@baderalotaibu5470
3 жыл бұрын
انا ماستانس الا من الشاعر ومعناه ومن يومن بربه يبى يعرف رسوله الله يرحمك يابو تركي
@علي-ل5ل2ج
3 жыл бұрын
في يوم هالجمعه الله يرحم ويغفر ل ابو تركي ويطول بعمر ابو تركي السناني بالصحه والعافيه
@عيسىعيسى-ر5د7د
8 ай бұрын
ضحكه مستور من القلب دليل الصفاء والنقاء👏👏
@thameralqurashi7183
Жыл бұрын
الحمدلله رب اغفرلي ولوالدي واغفر لمستور العصيمي وجميع موتى المسلمين اللهم صل وسلم على نبينا محمد
@2018_swiad
3 жыл бұрын
ياسلام عزالله لعب على مستوى عسى الله يرحمه ابو تركي ويطول عمر جنييه الذهبب
@o.alkaldii
2 жыл бұрын
ليا راح العصيمي ترانا مافقدناه !! لا بالله فقيده عسى الله يرحمك يابو تركي مات وورّث بحر ،، والله يطول عمر السناني ومن نحب 💐❤️
@M5aOE1234
3 жыл бұрын
هييييه ... يبا يسري السناني بـ وسمن فوق علباه مريض الراس والقلب والكبد امعلووووله يامال الجنه
@أبوهادي-ل7ت
3 жыл бұрын
مستور الله يرحمه ويرحم والدينا وجميع اموات المسلمين ماحد يقدره الي يلعب معه اذا كان شاعر قوي جاراه ولا ماحد يقدره خصوصاً قبل 10 سنوات كان كلاً يحسب حسابه مثل مطلق وصياف والمسعودي والرياحي وحبيب وكل شعار المحاورة
@GalkA12-g4o
Жыл бұрын
الله يرحم من مات ويبقي الحي في خير حق الله كلهم كفو شعار كبار طاروق جميل
@عاشقالماضي-ك2ض
3 жыл бұрын
ابدعت وامتعت نتمنى المزيد من المحاورات في هذي المغتره حيث لا يوجد لها ماقاطع وشكرا
@عمرالصمداني-س3ط
3 жыл бұрын
الله يرحم الي ماتوا ويطول بعمر الباقين ❤❤
@hmmh6540
3 жыл бұрын
شعراء كبار في المحاورة ولكل منهم جماهيره والعصيمي رحمه الله تعالى وكذلك السناني حفظه الله تعالى لا يحتاجان تعريف واطراء.
@احمدبنمريط
2 жыл бұрын
قاف مميز جدا رحم الله مستور وطال الله في عمر محمد
@alasoofalasoof9790
11 ай бұрын
رحم الله العصــيمي المعلم والأستاذ الاسطووووورة
@BaderAs-bx5uk
3 жыл бұрын
مع اني علقت وانحذف مني التعليق السابق لكن الشهاده لله ان شيباننا ما يحبون ويعرفون احد من شعراء الشمال بعد خلف بن هذال الا مستور العصيمي ولا اعرف وش سبب لكنهم يذكرون انه تتطلع محاورات بالتلفزيون يوم الجمعه زمان والشعراء الثانيين المعروفين لا يعرفونهم
@Dewas_
Жыл бұрын
رحم الله شاعرنا مستور العصيمي ❤ والسناني خطير وشاعر علم طال الله بعمره جنيه الذهب 🌺👉🤚😂😂
@faisal5383
3 жыл бұрын
محمد السناني استغل ترحيبة العصيمي الله يبيحه وسرا القاف عليها ، لا هنت يا ابو خالد قاف طيّب ويكتب بماء الذهب
@ضيفاللهالثبيتي-ح9ب
Жыл бұрын
الله يرحم مستور ويغفر له ويحسن الختام لنا وللسناني
@ابنالبلد-ب3ي
3 жыл бұрын
الله يرحمه يااسد المحاوره يازين بيته اللي يقول سنانين من العيص جاء يشعب ذلوله
@abdullah-kw6ts
3 жыл бұрын
ياوجه الله يالسناني بيوته سم ، رحمة الله على المستور
@عينالحق-ظ6ب
3 жыл бұрын
ونشهد رمح
@عبدالعزيزالغوازي-ف7س
6 ай бұрын
ماشاءالله تبارك اسعدالله ان عادي الايام موجوده ☹️
@سبحاناللهوالحمدالله-ي3ظ
3 жыл бұрын
السناني في البدايه هجومي وبنص المحاوره قلبها مستور صار هجومي والسناني يدافع وكلهم شعار ومبدعين م شاء الله الله يرحم الميت ويطول بعمر الحي
@ahmedalfaidy469
3 жыл бұрын
عز الله هاذي الطواريق
@سبحانالله-ت2ط8ض
3 жыл бұрын
الله يرحم مستور، ويطول بعمر شاعر المعنى السناني.
@محمدالقرني-ع9ق2ه
Жыл бұрын
الله يرحمك يا ابا تركي أشهد انك أعظم شاعر عرفته ساحات الشعر
@different8483
5 ай бұрын
أنا والله حربي ومتذوق لشعر المحاورة واقول مستور ركن من أركان الشعر العظيمة ويطربني عسى الله يرحمه..😢
ليا راح العصيمي ترانا م فقدناه عتيبه كلهم مشتهين فراق زوله عزالله انه فقيده الحين ابو تركي لعتيبه وللقبايل كلها عسى الله يرحمه ويغفرله
@محمدالجهني-و5ر
3 жыл бұрын
السناني يدري أن العصيمي هرم من اهرام الشعر لكن هذا ميدان المحاوره لازم السناني يدافع عن نفسه رد على بيت مستور لما قال ليا راح مقيط وراشاه ترى ماهو فايزه بكل جوله
@different8483
5 ай бұрын
عيب كيف مستور ما نفقده والله انه فقيدة واتعب وانا اقول فقيدة😢
@المهاجر-ض5ي
3 жыл бұрын
ابى اسوق السناني دقايق واتحداه وانا الي ياعرب ماخذ حزام البطوله رحمة الله عليك ي ابو تركي
@صالح-ث2ط7ق
3 жыл бұрын
الله يرحم مستور وجميع الأموات المسلمين
@عبدالرحمنالعنزي-خ3ك
3 жыл бұрын
محاورة كايفة بحر يصافق بحر 👍
@عيسىعيسى-ر5د7د
Жыл бұрын
السناني يا ماشاءالله عليه وكفى والله يرحم مستور
@mus.22
3 жыл бұрын
يا وجه الله يا مستور عسى الله يرحمك ويغفرلك
@518الجهني-د9ج
3 жыл бұрын
بحور شعر الله يرحم مستور ويطول عمر السناني شاعر غزير المعنى
@وافيالمطيري-ن5ز
3 жыл бұрын
ومن يومن بربه يبا يعرف رسوله يعني اذا عرفت شعرك عرفت معناك الله يرحمك يامستور
@faisal5383
Жыл бұрын
اتوقع ان ومن يومن بربه المقصود شعر المحاوره ، و يبا يعرف رسوله .. يقصد نفسه
@Ahmed-711.alyami
3 жыл бұрын
لك فضل عندنا كبير في حفظ المحاورات القديمه وحقك محفوظ🌹🌹
@Ahmed-711.alyami
3 жыл бұрын
فن القلطه**
@oay5147
3 жыл бұрын
اول مره اشوف السناني يبدأ طاروق قادح بعيد عن الفلفسه وتصنع الثقافات لكن من اول بيت رجع يدافع ومستور قاد الطاروق
@عبداللهالعتيبي-ط3ذ8ل
5 ай бұрын
صدقت مستور اقتاد الطاروق الله يرحم مستور مايجي شاعر مثله
الله يرحم مستور ويطول عمر السناني كلهم شعار من الوزن الثقيل لاكن مستور ماجاء في الساحه مثله شاعر تابعته مع المسعودي ومع الثبيتي ومع كبار شعار القلطه مستور أفضل شاعر مر على ساحة المحاوره ميزة مستور يقلب بيت الخصم عليه
@abedabed5939
2 жыл бұрын
تريد المعنى صح تسمع في محاوراته العصيمي شاعر بحر تلاطم أمواجه داهيه من دواهي الشعر
الله يرحمك ي مستور والسناني عز الله مصيبه وبعض العرض اشغلنا بالمسعودي 😂😂
@العود1
3 жыл бұрын
زاد الكيييله عليكم حتى وهو ميت قبل 40 سنه مانسيتوووه ههههههههههههههههههههههه رحمه الله على عبد الله المسعودي وعلي مستور وحفظ لنا السناني
@aliturki3321
3 жыл бұрын
ياصغر عقلك وعفاك
@meeesspuzzle_5551
3 жыл бұрын
الله يرحمهم جميعًا ويحفظ السناني لكن والله ان عبد الله المسعودي ماجا قبله ولا بعده في المحاوره والله انني ماني من قبيلته ولا اقرب له شاعر في كل بيت له فيه حكمه وهو من اصدقاء مستور رحمة الله
@alisadi7557
3 жыл бұрын
الله.يرحم.مستور.ويكتب.له.الجنه.ويعفي.عنه
@malialjhne4672
3 жыл бұрын
شليويح العطاوي لونك جبت شلفاه الله يطول عمرك ياجنيه الذهب
@الناقدالمحترف-ذ6ذ
2 жыл бұрын
وابووك الله يخليه ماسمى خبوله 😂😂😂😂 الله يرحم مستور ويطول عمر محمد عزالله انهم شعار وجزليين 👌🏻
كلهم فحول شعر الله يرحم الميت ويبقي الحي ٠ لاكن توضح القوه بمن يقود الطاروق ٠ وواضح قيادة مستور لطاورق من ثالث بيت ٠ جعل عظامه فالجنه ٠ حربي محايد ويعد الحق 🖐🏻
@واحد-ي1ق
2 жыл бұрын
عليك الهون يالعود فنجالك شربناه ركز في (عليك الهون) هذا فخ وتمريرة وطاح فيه مستور
@عابرسبيل-ش5ش5ح
3 жыл бұрын
يبا يسري السناني بوسم ٍ فوق علباااه 👌🏻 عز الله وسمته يا أبوتركي
@abdulrhmansalem12
3 жыл бұрын
عليك الهون يالعود فنجالك شربناه الله يرحم مستور ويغفر له
@عبداللها-ط2ش
3 жыл бұрын
بيت السناني المحذوف وش هو ؟؟
@mohammedalmaraee2707
Жыл бұрын
اعطنا ويش وسمه به؟
@Naif-w5o
28 күн бұрын
بيوت السناني القويه دايم تحذف. من قوت البيت ف الفتل والنقض اكثر بيوت السناني ف المحاوره مفقوده
@الحجاج-خ1ط
3 жыл бұрын
يكفي العصيمي الله يرحمه قوله....... محمد كل ما قال كلمه صفقوا له تحطببييييييييم . .............................. السناني شاعر بدون شك لاكنه يجيد.صف الكلام وخصمه لايتأثر لان كلامه مثل طراطيع العيد . بيوت الشعر اللي تكسر العظم لايجيدها (ركزوا في كل محاوراته )
@مشعلالجهني-ل3ه
3 жыл бұрын
تحليلك ممتاز صراحة بصراحة يبغالك تصفيق حار على وجهة نظرك
@ابونايفالسلمي-و6ش
3 жыл бұрын
انا من كلامك عرفت انت من وين ولكن ما الومك عسى الله يطول في عمر السناني ويزيد من جروحك
@1993-i3n
3 жыл бұрын
انت ماتعرف تكتب وجاي تقيم الشعار😂
@عينالحق-ظ6ب
3 жыл бұрын
ليكون حد نقلك الكتابه قلط ياسلمه
@مستر518-ح4ج
3 жыл бұрын
الحجاج والله من تحليلك ذا مااحد يحطك بصف وتلعب دون تقيم علم من اعلام المحاوره وصل مرحله يقيمم الشعار بشاعر المعنى وانت تتفلسف واضح عنصريتك
@asamki81
4 ай бұрын
لا والله فقدنا مستور وفقدته عتيبة رحمة الله عليه
@عليالقحطاني-ج8ق
3 жыл бұрын
مستور مستور
@himsel2515
2 жыл бұрын
تكفون ثم تكفون اللى يعرف محاورات بنفس هاللحن يكتب عنوان مقطعها تحت تعليقي ..
@فوازالمسعود-ح8خ
Жыл бұрын
كل محاورات المغفرة موجودة عندي على اشرطة الفيديو القديم...هههههه
@بدرالنفيعي-ط3ت
Жыл бұрын
مستور عندما كشر على انيابه ....... الله يرحمه وجميع موتى المسلمين
@user-uc1gv6tk8c
Жыл бұрын
العصيمي كلامه جعله الجنه اشد وقعاً من ضرب المشاعيب
@MONEEF89
Жыл бұрын
الله يرحم الميت ويبقي الحي
@majedaljhnei479
3 жыл бұрын
دايم البيت القوى للسناني اللي يحشر به الشاعر يحذفونه بالواسطه
@M5aOE1234
3 жыл бұрын
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههه الله يشفيك
@binabd0
3 жыл бұрын
يا المحياوي أنت وش ترجع ؟ مرجعك ع وين مسعودي ولا سناني 😭😂
@عواضالعتيبي-ق1ض
3 жыл бұрын
االبيت الثاني مايمديهم يبدون بسياق المعناء . يعني دور غارها
@sltndosry2822
3 жыл бұрын
كلام سليم
@فلاحء-ع2ع
9 ай бұрын
ايسسس كلاااام هزا سناني مسكين موجود واحد بيتي قوي مخرج سوي قص (ماعنده الا بيت واحد يحشر فيه الخصم وانحذف؟!! ) (انت بتعليقك تذم السناني ماتمدحة)
@ابورايدالمطيري-ي1ر
3 ай бұрын
ماهو الوسم اللي وسم به مستور .. السناني
@baderalotaibu5470
3 жыл бұрын
ابسوق السناني دقايق واتحداه وانا الي ياعرب ماخذ حزام البطوله الله يرحمك يابو تركي انشهد انك ماخذ حزام البطوله
@وأن-ت4ك
Жыл бұрын
العصيمي مايقدر عليه غير ربه شاعر مداه بعيد
@صيافالقحطاني
3 жыл бұрын
فيه محاوره في نفس الحفله ذي بين زيد العضيله والرياضي تكفى نبيها
@askm951
10 ай бұрын
قصدك الرياحي
@عابرسبيل-ش5ش5ح
3 жыл бұрын
و أبوك الله يخليك ما سمى خبوله 😂 الله يرحمك ياامستور
@ابورايدالمطيري-ي1ر
3 ай бұрын
وسم فوق علبه اين الوسم في المحاوره
@الاستيف
Жыл бұрын
وش جاب الجاب مستور كارثه على الشعار اقسم بالله ماني عتيبي لكن الصحيح يقال
@hassb
3 жыл бұрын
والله الطاروق انا اشهد
@خالد-ق9م7س
3 жыл бұрын
أهم بيت مفقود
@ahmedalfaidy469
3 жыл бұрын
حافضه؟
@خالد-ق9م7س
3 жыл бұрын
@@ahmedalfaidy469 للأسف لا
@moty7413
3 жыл бұрын
مستور خذر السناني كذا مره وأصر السناني على رأيه فقرر مستور ارسال الصاروخ 😆 ابويه يوم جاله ولد بالاسم سماه وابوك الله يخليه ما سمى خبوله 😂
@alfridi
3 жыл бұрын
ابوك الي سمّى الولد وش هي سواياه ؟ 😂😂😂😂😂 اعوذ بالله يالنقض لله در السناني والله يرحم العصيمي
@واحد-ي1ق
2 жыл бұрын
عليك الهون يالعود فنجالك شربناه
@Al-sk2lj
3 жыл бұрын
عمالقه
@user-ft9fm6mb5h
10 ай бұрын
عوايدهم حذف البيوت واحيان حذف الطاروق كامل الله من الضعافه في روسهم
@apoapdullah1504
2 ай бұрын
مستور رحمه الله كرر كلمة ( السناني ) خمس مرات وهذا عند النقاد يعتبر مأخذ على الشاعر ان يكرر الكلمه بشكل خارج عن المعقول
@الاستيف
22 күн бұрын
السناني دعس القاف في كلمه ذلوله وهذا عيب قوي في الشاعر فهمت ياللي ماتعرف الشعر
@apoapdullah1504
22 күн бұрын
@@الاستيف خذ لك كوب ليمون يهدي أعصابك
@عابرسبيل-ش5ش5ح
3 жыл бұрын
الله يرحمك رحمةٍ واسعة يا مستور و الله ما يقواك غير ربك تكفوون يااالربع مع احترامي للسناني و ربعه اللي يمدحونه ومن حقهم لكن و الله ما هووب حوول العصيمي الفرررق شاااسع جدًا مستور مثل ما قال ( أبا أسوق السناني دقايق و اتحدااه الخ و البيت اللي يقول عطيتك درس و غيره و غيره السناني يااادوب يحاول يكافح
@mohammedalmaraee2707
Жыл бұрын
انت من جد تتكلم؟ قاتل الله العصبية
@abdlaziz1413
Жыл бұрын
❤😂😂😂😂😂😂😂😂
@abdlaziz1413
Жыл бұрын
صح😂😂😂😂😂😂
@الاستيف
Жыл бұрын
السناني اذا قابل العصيمي يطلع رجال اما مع غيره تشوفه يتثقف ويتفلسف
@ابوتركي-خ5ص4ي
10 ай бұрын
يطلع رجال اجل
@Kaly553
2 жыл бұрын
يقول السناني انا جيت للحفله ماعرفت وش معنها المغتره
الان بدا اللعب على كلمه اسم فيصل اللي جاب العصمي في بيوته
@fas3259
Жыл бұрын
يقول ليا حضر العصيمي وانت تكتب ليا شفت العصيمي هذا والمحاوره مسجله صوت وفيديو اجل لو ابيات مكتوبه كان حرفتوها اكثر من كذا😂😂
@FUN-ALQALTAH
Жыл бұрын
🙃 تم العديل، اشكرك
@himsel2515
2 жыл бұрын
البيت ماهو مفقود البيت تم شطب يا ان السناني جاب العيد أو انه بسبب ان البيت ماهو من البيوت اللى متفقين عليها قبل لان واضح وضوح الشمس ان المحاوره مرتبينها قبل وحافضينها
@awd7094
Жыл бұрын
ياولد يامصيبه ياذكي
@محمدالاحمدي-ح1ي
5 ай бұрын
عز الله ان مستور لعب قي السناني لعب ودوخه
@MM-iy7ui
3 жыл бұрын
اللحن كايف لكن المعنى وتركيب اللبيوت ضعيف
@JustMe-gd5hu
3 жыл бұрын
ليا راح السناني ماراح مقيط ورشاه . الخ .. الله اعلم ان المعنى في حظرت فيصل مافيه مزايده على تاريخ القبايل في الجزيره لكن مصير الملعبه تجمعهم
@JustMe-gd5hu
3 жыл бұрын
على الهون يالعود فنجالك شربناه .. الخ ..السناني. قبل التحدي في الملاعب الاخرى
@JustMe-gd5hu
3 жыл бұрын
طريق المجد خابر طلوعه من نزوله ..الخ ... قبيلة عتيبه معروف تاريخها
@JustMe-gd5hu
3 жыл бұрын
لكنك من عتيبه تعزوى في حموله ..الخ ... ماتهايط الا وسط ربعك هههه اسف ع التعبير ع فكره تراني عصيمي
بعد التطرق لشليويح العطاوي خروج عن النص الاول وبقووووهه واعتقد مقصوده من كلا الشاعرين
@فؤادالحربي-غ9ض
3 жыл бұрын
السناني يمشي في الملعبه على خطه مرسومة
@abdlaziz1413
Жыл бұрын
ابوسيف
@naief181
3 жыл бұрын
السناني هذا مصيبه الله يرحم مستور لكن واضح من ردوده ان السناني تفوق في هذا الطاروق
@askm951
10 ай бұрын
ههههههه
@حسامالراشدي-ج1د
3 жыл бұрын
..............
@محمدالاحمدي-ح1ي
Жыл бұрын
مستور الله يرحمه شاعر كبير دوخ السناني
@عابرسبيل-ش5ش5ح
3 жыл бұрын
الله يرحمك يااامستوور ماا يقواك غير ربك و لا قد شفت أحد قدر عليك أما السناني مع احترامي له و لربعه اللي يمدحونه ماا عنده اللي يكافح و ياطا القيفان مثل ( ذلوله ) و العصيمي فعلًا طبّق اللي قال له ( أبا أسوق السناني دقايق و أتحداه )
@عبداللها-ط2ش
3 жыл бұрын
حليلك من عقلك
@تللتلعع
2 жыл бұрын
ظلمت نفسك يالبهيمه رحمه الله على مستور وأطال الله بعمر جنيه الذهب
Пікірлер: 167