زمراوي الفنان الرايع المتواضع قبل ست اشهر كنت في زياره لود مدني الحبيبه وانا في طريقي للسوق الشعبي اوقفت عربة امجاد مواصلات وعند جلوسي بالمقعد نظرت الي من بجواري فاذا هو شخص اشبه بزمراوي ولكن استبعدت ذلك وقلت لا اظنه هو لا شك انه يمتلك سيارة فارهة ويستحيل ان يستغل سيارات النقل العام وبعد اقل من لحظه سمعت احدهم بداخل الامجاد يقول له مرحبا بك استاذ زمراوي عندها تاكدت انه هو وسلمت عليه وعرفته بنفسي واشدت كثيرا بفنه الجميل وابداعه وقلت له مضي وقت لم نراك في التلفاز فقال لي لا احد طلبني وانا لن افرض نفسي علي احد والفن عندي هوايه اولا وتحدث معي بكل بساطة واريحيه مما ترك في نفسي شعور جميل تجاهه وعند وصولنا اخر محطه استودعته الله وتمنيت له التوفيق ودعاني لزيارته في اي وقت عندها ادركت اننا شعب لا مثيل له وفريد في كل شي تحياتي زمراوي
@sabsab8774
6 жыл бұрын
عبدالرحمن خوجلي اكيد دفعته
@shawleen20
6 жыл бұрын
زمراوي من ابسط مبدعين ود مدني واكثرهم شعبية وذلك لكمية البساطة والبشاشه التي تملاء روحه ، فليس بالغريب مثل هذا الموقف واكثر علي الرائع محمد زمراوي .
@yasserdongola9083
6 жыл бұрын
مرة في حفل زواج في نادي القناة الدولية طلعت المسرح وبشرت ليهو وشلت معاه في اغنيه ياخاين ولمن عايز امشي شداني من يدي اقيف اكمل معاه ههههه كملت معاه الحفل وشلت معاه في الخلفيه لك التحية يا فنان ي حبوووب
@sudansudani4672
6 жыл бұрын
Sab Sab ياحبيب لو سمحت رسل لي رقمو عايز اعمل لي حفله عرسي
@siddigenia5490
6 жыл бұрын
عبدالرحمن خوجلي هسي ما لقيت سؤال غير دا ياخي دفعته ليو بتاع شنو ياخ الزول بمدح فيو وقال انو مريح وشخص عادي بس ما لي درجة انك تسألو دفعت أم لم تدفع مافي داعي للإحراج، بتمنى منك طلب صغير تحذف التعليق دا انت او صاحب القناة ولك مني كل الإحترام والتقدير
@osamaeltayeb800
4 жыл бұрын
البسمع فيها 2020 لايك ود العامري مر من هنا
@arungurung8580
3 жыл бұрын
البستمع ليها في 2021 يخلط لايك😄
@amarabakarabdulbanat363
5 жыл бұрын
مدني لم تعطي إلا الجمال و الحب و الفن مدني حديقة و روضة و عرش نور كل الحب لناس مدني ودمتم بخير تحياتي من القضارف
@nazarnor280
3 ай бұрын
البيسمع ليها في2024 يخبط لايك
@user-jp5ff4xn3k
27 күн бұрын
لو إجتمعت كل اغاني الوطن العربي،، كلمات،، لحن،، موسيقي،، لا تضاهي هذا الطرب والاحساس المرهف،،.. لكن السودان مظلوم إعلاميا،، حتي لا يصل فنه العزب للعالمية،، تجد القنوات الاقليمية تستضيف هوانات عقولهم خاوية يتغنون بهراء ونعيق،، وللاسف يستضيفونهم عن قصد حتي يطمسوا ويحجبو الفن الراقي،، ذو الكلمات الشجية،، وعمالقة تغنوا بها،، ك. محمد وردي،، محمد الامين الكابلي،، مصطفي سيد احمد،، الطيب عبدالله،،، وامثالهم عشرات،، .... نحتاج ان نبني السودان،، حتي نجبر العالم ليضع لنا مكان يليق بالسمر الميامين،، اصل الكرم،، والتاريخ،، والفنون كم نحتاج ان نراك ياسودان العزة كما انت،،... 😢
@noshaswet1320
3 жыл бұрын
من بعد ماعلمني ريد فجر عواطفي غنا ونشيد بدل مراير الوحدة والهم احلي عيد ..... يلااااا تاني ماالقي لي شماشي شايل مايك وبغني 🖐🖐
@alibaiba218
4 жыл бұрын
أجمل مافي المقطع إنو كل الحضور بما في طاقم الموسيقى مستمتعين لأبعد الحدود
@mohmedalfhal2589
4 жыл бұрын
كنتا عايز اكتب نفس الكومنت
@kemoooalfateh4888
6 жыл бұрын
انا اليوم اقتنعته انها م بتدي حرييييف قمة التطريب زمراوي مافي احلي من كده
@user-fv5ru1zj9l
4 жыл бұрын
والله انا أتمني أن كل الفنانين السودانيين يكونو مثل هذه الجوهره الزمراويه
@waleedaseel1304
3 жыл бұрын
يا ربي في كم زول اتبسطت في التطريب ده و ابتسم زمراوي يا فن
@hatimahmed5783
3 жыл бұрын
بعيد والله يازمرواي ابداع..
@user-Nazir
3 жыл бұрын
استاذ كبير محمد زمراوي ليس غريباً عنك وعن أبناء ودمدني أم الفنون الجميلة
@user-zj4su9bm1s
3 жыл бұрын
من ٢٠١٨ ولسه بستمع في الاغنيه دي ولسه مامليت منها ٢٠٢١
@user-lc9fq3ee3i
6 жыл бұрын
الناس العامله دس لايك شن عرفكم بدرر زي دي ياناس تررم ترا ويا زمراوي انت حاجه مختلفه
@user-bq3fx4my9t
6 жыл бұрын
افضل من يغني لاحمد الجابري واكثر الفنانين المغنيين احساسا...مافي كلام ربنا يمتعك بالصحة والعافية
@user-xx7hy1qt1j
6 жыл бұрын
ي سلام ياخ. فنان راقي وحضورو جمييل والله. ايام كنت ف مدني الجميله وكنت نازل قريب من نادي الضباط. اسمع صوتو طوالي ديك ي اخر قشره تقول معزوم 😂 وامشي والله م بعرف زول ف الحفله غير اني جاي عشان استمتع بي زمراوي . ي حليل مدني الجميله. اللهم احفظ وطني الحبيب . هونت علينا ي ابو الزمر
@user-zl2gw1iz1t
5 жыл бұрын
احساسه جميل
@user-kg6vk2yc6f
Жыл бұрын
زمراوي من ابنا ودمدني االمتفريدين في الأداء ليك التحيه يارايع
@yzeedosman1774
6 жыл бұрын
من مدني الجمال وبغني للجابري طبيعي مبدع
@user-vw4mc9gu9e
2 жыл бұрын
الكلام لما يخرج من القلب يصل القلب، لاشك أن الفنان محمد زمراوي يخرج فنه من صميم قلبه
@king3284
6 жыл бұрын
احلي لايك لاحلي زول زمراوي النجم الذي لا يغيب بريقه
@aburami8640
4 жыл бұрын
ما اروعك من فنان مكتمل
@mohammedalrayah1631
5 жыл бұрын
طه زاتو اتكيف لما عرف حاجه هههه كبييير ي بو الزمر ي ود مدني بلدي😍😍
مدني الجمااااااااااال وزمراوي يااااااخ تطريب قمة الروعه
@abdotaha9995
4 жыл бұрын
بسمع فيها و هسي نحنا في 2020 لكن كل مره بسمعها بحس ذي السمعتها اول مره من جمالها و جمال الفن الاصيل المتمثل في شخص المبدع دوما الفنان القامه محمد زمراوي متعه الله بدوام الصحه و العافيه
@abufatna1635
3 жыл бұрын
و الله نفس احساسي انا الان يسمع فيها و طوالي انا في اللحالة دي
@mohamedbary5240
Жыл бұрын
للناس اللبتستمتع بالفن والاداء الرائع والصوت الجميل والكلمات المعبرة في ملاحظة يمكن الجميع ماعارفة كل ماتسمع الاغنية دي بتدمنها اكتر وماتشوف انو في في اغنية بتشبهها غاية التطريب والإبداع شكرا زمراوي
@AliAli-nk4mv
5 жыл бұрын
مدني الحضاره والثقافه والفن الاوليه الم التي اتررع فيه زمروي الفن الاصيل
@user-ho9xv5qf7m
6 жыл бұрын
زمراوى انت من ارض المحنه ذدنا شجن واطربنا ورجعنا للزمن الجميل وتحيا مدنى وسلام لكل اهلنا فى مدنى الحبببه
@user-ho8ty3uy7q
6 жыл бұрын
يا سلاااام عليييك يا زمراوي الليل الليل الليل الليل الليل الليل هوج الرياح ...احسساس عالي
@alnoorhamed209
6 жыл бұрын
ما تبقى من عطر الماضي
@abufatna1635
3 жыл бұрын
كلامك في الصميم..آه ثم آه على الزمن الجميل..الليل يهود بيا و ابقى تلت اخير
@mahmoudibrahim3857
6 жыл бұрын
ربنا يسعدك قدر ما اسعدتنا حرام علي الإعلام السوداني يترك اهل الفن و يأتي بأناس لا صلة لهم بالفن
@user-kh5ww8ys2d
3 жыл бұрын
لمن لايعرف زمرواي والله انسان جميييل كفنه وادائه.. نسال الله له دوام الصحه والعافيه
@elhadisafi5619
6 жыл бұрын
هوج الرياح كم انت كبير ي زمراوي مبدع اديتنا باحساس لسه عايشين
@husamm5554
6 жыл бұрын
جمهورية ودمدني منبع الفن الاصيل
@user-dn9kj6dl9s
5 жыл бұрын
بالله شوفوا الزول دا كيف اشاع الفرح بين الجميع ضيوف وعازفين يتطريبه العالي وحضوره الطاغي
@alsadigbasheer1065
4 жыл бұрын
يا زمراوي فرتقت احساسنا
@zahraarabiy3316
4 жыл бұрын
👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾👏🏾 انت أستاذ والله لو صفق ليك كل الشعب السودان تستأهل اكتر
@eltayebglal3889
3 жыл бұрын
زمراوي كل الحب والتقدير والله
@omerali4610
4 жыл бұрын
الأستاذ/ زمراوي ..سنحت لي الفرصة بأن اكون ضمن الحضور لحفل أقيم في دولة قطر عام ٢٠١٥ بالنادي الثقافي وعندما اتذكر تلك اللحظات او اشاهد الأستاذ زمراوي يحضرني ذكرى شخص عزيز على قلبي جداً (الرشيد) رحمه الله بواسع رحمته وادخله فسيح جناته .. هذا الشخص رغم انني رافقته لزمن قليل الا انه ترك فيني اثراً طيباً بشخصيته ..رحمه الله رحمة واسعة
@user-lo8je1kx4w
3 жыл бұрын
له الرحمة والمغفرة
@user-pi3nl5xu7l
5 жыл бұрын
الجزيرة عطاء لاينضب...ابداع حد الارتواء
@user-yp5so1zi7w
6 жыл бұрын
هات يازمن ياسلام عليك الاخ محمد زمراوي رجعتنا للماضي فنان بمعني الكلمة ترك البسمه في الحضور وحتي الفرقه العازفه وانا علي يقين انه ترك البسمه حتي علي الاخوه خلف الكواليس
@user-uk6kd5gi7b
3 жыл бұрын
ي سلاااااام الحبيب زمراوي الزول الفرحه كل الحوووب ي خساره هو من اكثر الفنانين المهضومين اعلاميا
@user-zx6nc5xq6s
9 ай бұрын
هات يازمن.. جيب كل احزانك تعال جيب المحن.. طول يااسى وكتر ينابيع الشجن.. جرَعني كأس من لوعه من آلامى ماالمحبوب خلاص.. خلاني ليك الليله راح.. خلَف لقلبي الحسره والشوق والجراح.. خلي النواح.. فات قلبي شمعه وحيده في هُوج الرياح.. خلاني ليك انا يازمن.. خلانى ليك راح يازمن.. وخلى الشجن.. الليل يهوّد بي ويبقى تلت اخير.. يطويني في رحابه الوثير.. انا والظنون وعذابي والصمت المثير.. خلاني وحدي جناح كسير.. انا والدموع والشكوى والليل والشجن.. رماني ليك انا يازمن.. خلانى ليك راح يازمن.. وخلى الشجن.. من بعد ماعلمني ريد.. فجر عواطفي غنا ونشيد.. بدل مراير الوحده والهم احلى عيد.. علمني ابني حياتي من اول جديد.. اشرق في عمري هواه زي اجمل صباح.. وكساني بالآمال وشاح.. قلبي المتيم بيهُ بأحلامه باح.. تاه في رياضه الرائعه في جنه إستراح.. لكنه وين الليله راح.. واصبحت ياايام حزين.. باكي العيون محتار اقول ماله الحنين.. إيه غيره بدل عواطفه صبح ضنين.. يمكن ظنون..! يمكن خلاص انا شك في قلبي الامين.. قلبي المحال في يوم يخون.. قلبي الملآن حنيه زاخر بالامل.. ومهما حصل.. املي الوحيد الحبه مكتوب في الازل.. لايمكن ابداًً مستحيل.. في يوم اميل.. لغيره واعشق تاني زول.. مهما يكون بالود بخيل.. لو حتى يجرح قلبي بالهجر الطويل.. انا برضي صابر يازمن.. جيب كل احزانك تعال.. جيب المحن.. هات يازمن..
@goldenman3594
2 жыл бұрын
هنا طه سليمان اكتشف انو لسه محتاج لي سنين ضوئية عشان يحصل مستويات زي دي 💔❤️
@user-me6do7yu8z
Ай бұрын
المتعة متكاملة عازفين وفنان راقي متواضع صاحب احساس راقي
@ahmedbashir7642
6 жыл бұрын
ي سلاااااااام ياخ ابو الزمر جايب من جوه عديل مدني الفن
@yzeedosman1774
6 жыл бұрын
لا يمكن ابدا مستحيل في يوم اميل لغيرووو اعشق تاني زوووول
@user-iy3dn3bs9l
5 жыл бұрын
وددمدني مدينه في الذاكره اتمنا زيارتها مجددا حتي التقي بهذا العملاق لدي ذكريات جميله في المدينه الجامعيه النشيشيبه
@user-gf8po3zd3z
6 жыл бұрын
زمراوي إبداع والأغنية جميلة ومريحة للمشاعر و ممتعة والأداء في قمة الروعة زمراوي مدني مارنجان السودان 9 لغات والعاشرة إبتسامة ♡
مدني دي م بتجيب الا الابداع فعلا وتر وكفر بالرغم من الظروف الصعبه دي اهتمو بمبدعي مدني كفر ووتر السودان والفرحه تعم ربوع السودان الحبيب شوفو واسمعو الابداع.. كل الجمال زمراوي
@user-pi3nl5xu7l
5 жыл бұрын
من بعد.ماعلمنى ريد فجر عواطفي غناء ونشيد بدل ليالي الوحدة والهم احلي عيد علمنى ابنى حياتى من اول جديد...... ياسلام يازمراوى ورحم الله المبدع الجابري فأنت خالد باعمالك واغنياتك
@famhyawadmohammedomer1836
5 жыл бұрын
خلاني شمعة وحيدة في هوج الرياح الكبير كبييييييييييييير ي زمرواي
نجم لا يغيب بريقه .... دمت بخير اينمااا حللت ولا اروع منك يستمع له
@bashiralwazer8804
3 жыл бұрын
ياااااخ قمه الامتاع والله...من الاغاني الصعبه جدا موسيقيا واداءا...لكن الزمراوي متمكن جداااا...وزي ما قال واحد من العلقو كل الفرقه مستمتعه
@osamaismael9046
3 жыл бұрын
والله يا الزمراوي ابدعت في الغنيه دي . وفرقه كه متمكنه
@user-qf1kj5cq7n
6 жыл бұрын
التحيه كل التحيه للفرقه الموسيقيه للسلطان طه سليمان لها الباع الاكبر في نجاح البرنامج
@famhyawadmohammedomer1836
5 жыл бұрын
ده الفن ولا بلاش يديك العافية ي استاذ زمراوي والله انا اتحدى اي فنان في الدنيا يغني اغاني الجابري احسن منك
@user-me6do7yu8z
Ай бұрын
والله ممتع يازمراوي الله يديك العافيه
@user-bq7nk7rq7o
5 жыл бұрын
زمراوي احبه كتييييير فناني المفضل
@user-cr8ng1hx1x
3 жыл бұрын
طرب طرب طرب...الله يديك العافيه يا ابو الزمر ألا رحمة الله تغشي الأستاذ والفنان الكبير أحمد الجابري
@amirshaply7869
2 жыл бұрын
ياسلام الصوت المتقن الذي يصور صوت المبدع الجابري بلا منازع زمراوي فانت مبدع بمعنى الكلمه متعك الله بالصحة والعافية
@azazazazazaz5914
5 жыл бұрын
اه لوكنت معهم لبكيت من ابداع ومراوي وتذكر الاستاذ الجابري
@M.d.edress
4 ай бұрын
الليل يهود بيا و يبقى تلت اخير.. يا سلام ياخ
@user-xm4ox1ue5f
5 жыл бұрын
زمراوي ملك الاحساس و الترطيب مبدع و متواضع و انسان مرهف يعشق الفن و شارب الموسيقي شراب بس الفرقة الموسيقية ضعيفه 😪 ابو الزمر مظلوم اعلاميا
@ahmedawadala529
4 жыл бұрын
ضعيفة شديد الفرقة الموسيقية
@abuahmad7265
6 жыл бұрын
فنان كبير انت ي زمراوي .. شكرا ي طه سليمان فعلا عرفت تختار لانك انت فنان و عرفت تختار فنان كبير
@Mohamed_algadi
3 жыл бұрын
زمراوي ،،،، مرهف لا تستفيق احاسيسه لانه يجعلها تتوسد يده حينما يضعها على واحدة من جنبات وجهه ثم يتكيء عليها معلنا استرخاء الحبال الصوتية نهاية القافية ،،، مدركا لما تجود به انهر مشاعره التواقة للمنتقى من إلياذات احمد كرمنو ( الجابري ) ،،، يتمايل على ضاربي الموسيقى لانه يستشعر بانهم غادة خميلة وهو بينهم كما الغيدوات يتمايس يأتمر للريح الريان يجيئه من ناحيتهم ،،، اما عن الكلمات تتأتى حروفها من فاهه متقاطرة كما شهد سدر جبلي ،،، اما عن هات يا زمن فهي معلقة ثبتها مؤلفها على جدر الحنين التي شيدت لكون محرابا للوله ولتقام فيه صلوات العشق المنتهي بالإلام فأئق القياس لئلا يضاهيها ما يُقاس على صعيد الانهزام ،،،، فقد بلغ السيل الزبا عند القلب الذي اخرج،،، كلماتها ،،،، اما الحيرة شاخصة في ( ايه ) و ( يمكن ) قد تكون هي مبررات لذلك الهاجر تاركا لقلبه صدق الشعور حينما كان ذاخرا بالامل ممتلئ بالحنية ،،، يالجمال الدفق من البراكين التي شكلت جبال ازلية كما المستحيل في امكانية عشق سواه ( زوووول ) مهما يكون بالود بخيل ،،،، لو حتى يجرح قلبي. بالهجر الطويل انظروا معي الى ذلك الانقباد المؤدي للصبر والسلوان حتى في احزان الزمن بمحنه ،،،هات يا زمن ،،،، حبي وتقديري لك محمد زمراوي
@user-fs5tx4rz7n
3 жыл бұрын
كلام زي هات يازمن
@emadtechnochanal8036
2 жыл бұрын
كلام كبير ✋💜💙
@mohanadmasaad7255
4 жыл бұрын
بدل مراير الوحدة والهم اجلى عيد ـ ياخ رحم الله الجابري وياريت يورثوك اغانيه دي وتحرم علي اي فنان غيرك يا زمراوي انت فعلا قامة وجبل
@alialali9532
3 жыл бұрын
ابتسم انت في ودمدني...
@amhma1113
9 ай бұрын
يا سلاااااام رجعت بينا الزكريات وهاج بينا الشجن ونحنا في هذه الايام العصيبة علي الوطن،، حفل تخريجنا من جامعة الجزيرة ٢٠٠٣م-ستاد ودمدني وزمراوي
@user-xu4ud9oc3w
6 жыл бұрын
أبدعت يازمراوي ولا أقول ليك انت الإبداع زاتو
@altahirmualtahir2683
6 жыл бұрын
أداء خرافي يا زمر يا مبدع
@khalidahmed3383
6 жыл бұрын
رهيييب يا زيزو. أنا استمتع بعفويتك الصااااادقه جداً.
@user-me6do7yu8z
Ай бұрын
السودان منبع الفن الأصيل
@ftnelshaikh837
Жыл бұрын
شي عجيب كلمات موسيقي اداء احساس تطريب عالي جدا❤
@gibreelhammadsalim8694
5 жыл бұрын
أجمل ما قيل في ود مدني الجميلة كلمة دكتور عمر الحاج موسى في افتتاح تلفزيون ولاية الجزيرة،،،عليك الله اعمل بحث اليوتيوب لتعرف مكانة مدينة مدني وأهلها السمحين إخوان البنات رجال الحوبات
والله فنان اكيد فنان لانو طلع من مارنجان السودان كفر ووتر وتسع لغات العاشرة ابسامة
@user-xm5gj9fd3s
5 ай бұрын
زمراوي زولي المبدع ❤
@sdegali4883
5 ай бұрын
عملاق ياود الجزيرة❤❤
@jamotota104
6 жыл бұрын
ياسلااام ياخ زمراوي ياقامه امتعتنا
@ahmedelsir5899
Жыл бұрын
اصدق واجمل وارقي المطربين في السودان محمد زمراوي ربنا يمتعك بالصحه والعافيه والعمر الطويل ليك يارب
@abufras92
6 жыл бұрын
لا اظن سياتى من بعدك من يحمل هذه القدرات المبالغة ف الوصف و الإحساس باغانى الاستاذ القامه له الرحمه الجابرى التحية للاستاذ المرهف زمراوى
@mohammedomer4138
5 жыл бұрын
مبدع يا زمراوى انت الفنّ انتهى فيك يا مبدع انا والدموع والشكوى والليل والشجنّ خلانى ليك راح يا زمن وخلى الشجن....💞
@awatifabbas7872
3 жыл бұрын
ابدعت عديييل زمراوي
@user-ds4jl8er5k
6 жыл бұрын
مهما يكون بالووووود بخيل ........قمه التسامح
@loloahmed4686
6 жыл бұрын
ياسلام عليك يازمراوي اسعدتنا كتير الله يسعدك ويحفظك لك كل الحب والتقدير
@user-vf6dv4wr5u
6 жыл бұрын
المرهف الفنان زمراوي قمة الابداااع
@osmanhassan6071
5 жыл бұрын
الله الله الله من هذا ما هذا يا هذا ابداعك وصوتك هم كأسي المسائي
@ahmedosman3673
3 жыл бұрын
ابتسم أنت في ود مدني
@user-jr8gp6sz5g
3 жыл бұрын
بعد اداء الاغنية دي ... الحلقة قفلت ...والفن قفل ... زمراوي عجيب يااااااخ
@user-wx4fe2mr1o
6 жыл бұрын
الله عليك ي فنان روووعه
@mohamad05030
4 жыл бұрын
زمراوي يا مبدع ياخ انت انسان بمعني الكلمه
@AHMED-cv8pg
3 жыл бұрын
غناااااااااااااي انت ياخ ..😍
@atiphasan81
2 жыл бұрын
حبيبنا زمروي
@ibrahimahmed2181
6 жыл бұрын
والله زي مدني تكون عاصمة الثقافة وعاصمة السودان مدني كل شيء فيها أصيل والشعب طيب واخلاص وكل المتعلمين والمثقفين الاوائل من مدني مدني السني أجمل وطن واجمل بقعه في السودان وتشمل الجزيره الأرض المىرويه والأرض الطيبة ومزارعهم تنظر لهم بعين الإنتاج الزراعي الكبير وفي السابق ليس ببعيد. مانت حاضنة السودان وانتاجها الزراعي يعادل إنتاج فرنسا اليوم كل رؤساء السودان الحكمو السودان الله بقطس حجرهم أصبحت مدني تمد يدها لسلة غذاء العالم امنحوني قمحا وهذا الافشال ده كلو من القروض الربوية التي ادخلهت من آل وسدت حكم آل. بشير من الصين الأطماع في مشروع الجزيرة وتدميره ليصبح محطة أنظار وتشتريه الصين وهذا هو ما خطط له. تدمير انسان الجزيره واقليم مدني بصفه خاصه لان إنسان مدني الابداع وشاربين رى روح المعنوية من جدودنا زمان وصونا علي الوطن والأرض المروريه. والله ما نقول الا ألحق البشير كلب وهو السبب الرئيسي لتدمير انسان الجزيره مدني الحاضر والمستقبل ولكن لا ننعي مدني ولكن ننعي البشير آل مزبلة التاريخ والتاريخ سوف يلعنك كما ولعن. الترابي لا رحمه عليه ولا شفغه علبه في جهنم خالدون بالله عليك مثل مدني الناس والدول التي لا تساوي دول تتآمر في تدمير انسان الجزيره واقليم مدني بصفه عامه ولكم الثبات با إنسان مدني سوف تشرق الشمس ويكون من عهده الاول والوطن أجداد شكراً أخي العزيز محمد زمراوي أمد الله في عمرك وتعالى نمنح مدني بهاء وسلم الأمان
@nasermargni9675
5 жыл бұрын
امدرمان بس امدر الجبار وبراهيم عوض وكل الحقيبه انت مسكين
@esamalsiddig6502
5 жыл бұрын
مدني الجمال ..مدني العلم الثقافة الحضارة وكل السودان جميل ..ومتعدد الثقافات والحضارات
@mohammedalrayah1631
4 жыл бұрын
مدني وامدرمان كلهم ينابيع فن للوطن
@mohamedaasim3291
6 жыл бұрын
هوج الرياح أغنية في قمة الإحساس
@bushifrench308
5 жыл бұрын
ابداع يا زمراوي ربنا يعافيك يارب
@famhyawadmohammedomer1836
5 жыл бұрын
انا والظنون وعذابي والصمت المثير مبدع ي زمراوي والله العظيم
@famhyawadmohammedomer1836
5 жыл бұрын
ي سلام عليك ي طه لأنك فنان عشان كده عرفت تختار الفنان الصاح تحية خاصة ليك
@mahmoudeldabi6846
3 жыл бұрын
لاحظ تطور زخم الموسيقي مع تطور اداء الفنان، فعلاً قادهم رويداً رويداً ليتفاعلوا مع الاداء والاحساس العميق بصدق المشاعر وفي اخر ٣ دقائق تألق كل عازف في الاداء بالته الي ان صار الفنان والموسيقي في تناغم عالي والحضور دخلوا مع الفنان والأوركسترا قمة الابداع، والرحمه والمغفرة لاحمد الجابري
@user-wg9sp7oq6j
6 жыл бұрын
اداء ممتاز تسلم ي زمراوي
@mamazeada6296
4 жыл бұрын
زمراوي فنان رائع وموهوب شديد احب الاستماع له ودمو خفيف
Пікірлер: 323