#НартайАралбайұлы #NartayNews #НартайНьюс #nartaynews #Еңбекадамы
🔹Спикер: Ахмедияр Қуанұлы Батырханов - Мәншүк Мәметова мемориалдық музейінің меңгерушісі.
Сіз мұражайға барып көрдіңіз бе? Өзіңіз барған боларсыз, балаңызды апардыңыз ба? Әр өңірде тарихи өлкетану музейі бар. Онда сол аймақтың ғана емес, тұтас елдің, қазақтың тарихын көруге болады. Рас тура мағынада тарихты көзбен көресіз. Өкінішке қарай, біз балаларымызды музейден гөрі киноға апарғанды жөн санаймыз. Өткенде бір журналист, қазақстанның барлық аймақтарындағы мұражайлар туралы бағдарлама әзірлепті. Сол әріптес маған кеп, “Нартай сенесің бе, музейде бала-шағасымен жүргендердің бәрі өзге ұлт өкілдері. Қазақтар тым аз екен. Неге біз сондаймыз”,-деп күрсінді. Ұлтжанды адам ойланатын дүние. Өйткені, өз тарихын біліп өскен бала ғана елжанды, ұлтжанды болады. Өз жеріндегі тарихын біліп өскен бала ғана сол жердің егесі екенін сезінеді. Музей - шаң басып, жаңғырық кезетін жер емес. Музей- идеологияның, тәрбиенің құралы. Қазақ айтады, түбін білмеген түгін білмейді деп. Музейдегі әр жәдігер талай ғасырдың сырын бойына бүккен. Сол музейде, ұлт басынан өткерген небір нәубеттің, қайғы-қасіреттің қаны қатып, жасы сіңген экспонаттар бар. Олардың бәрін өскелең ұрпақ көзімен көріп, санасына сіңіргенде жүрегіне патриотизмнің дәні себіледі. Хош, мен музейдің мән мағынасына терең бойлап кеткен сияқтымын. Ары қарай сол музейдің жұмысы жайлы кейіпкеріміз Ахмедияр Батырханов баяндайды.
Жалпы, Қазақстанда 271 мұражай бар. Оның 48-і - тарихи, 109-ы - өлкетану, 65-і - мемориалдық, тағы 14-і - қорық мұражай деп бағытына қарай жіліктеліп кете береді. Бірақ, солардың бәрі де ел үшін аса қажет. Өйткені, музей - тірі тарихтың қоймасы. Қазақстандағы мұражайларда барлығы 2 миллион 600 мың экспонат сақтаулы тұр екен. Ғылымның ауасы факті дегендей. Тарихтың ауасы - жәдігер. Біз өткенімізді өзгелерге көрсетіп, дәлелдеу үшін сол экспонаттарды көзіміздің қарашығындай сақтауымыз тиіс. Өкінішке қарай, елдегі музейлердің ахуалы күрделі. Ірі шахарлардағы ірі орталықтар ғана оңалып, шағын қалалардағы музейлер тоз-тоз болып барады. Сол музейлерде еңбек етіп жүрген қызметкерлердің де жалақысы мардымсыз. Сондықтан, бұл салада сең қозғалып, жүйелі жұмыс істелуі керек. Бұл іске өзім де мүдделімін. Оған дейін, ең бастысы бүгінгі кейіпкеріміз Ахмедияр Қуанұлы сияқты өз мамандығын шын сүйіп, адал еңбек атқаратын азаматтар саладан сырт айналмаса жақсы.
Музей - ел шежіресі.Тарихқа бойласақ, қазақ қадым заманнан мұраларды ұрпақтан ұрпаққа аманаттай білген ел. Жазық далада көшіп, қонып жұрсе де қаншама мұра жоғалмай осы күнге дейін жетті. Мысалға, бір киіз үйдің өзі тұтас бір мұражаймен пара пар емес пе?! Ендеше, жүздеген, мыңдаған жылдардың илеуінен өтсе де, сақталған жәдігерлерді келесі буынға аманаттап, тарихтың жаңа бетіне айшықтау біздің міндет. Сөз соңында айтарым, балаларды жетектеп, музейге барыңыз. Ондағы қызметкерлер ғасырдан ғасырға бойлап, экскурсия жүргізгенде, ойын-сауық орталықтарындағы қыдырыс бос болып қалады. Бердібек Соқпақбаев “Көне заттар музейі” деген әңгімесінде “Қаңсыған көне заттардың әрқайсысының әріге кетіп жатқан тарихы бар”, деп түйіндегендей, қазақтың әр тау-тасы тұнған тарих. Тек, соны сақтай білсек игі.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: instagram.com/nartay_aralbayu...
Фейсбук: / nartai.sarsengaliyev
Негізгі бет Мәншүк Мәметованы соңғы рет тірі көрген қазақ | Соғыста 70 қазақ газет шығарған | ЕҢБЕК АДАМЫ #13
Пікірлер: 104