Түркістан облысы, Төле би ауданының “Балдыберек” демалыс аймағында Сақ моншасы ашылды. Мұнда келушілерге алдымен мол дастархан жайылып, ыстық тамаққа қой етінен пісірілген бір кесе сорпа береді. Бұдан соң жұрт моншаға кіреді. Нысанның төбесі мен қабырғалары қамыспен қапталған. Ауасы жеңіл - артық буы сыртқа шығып тұрады.
Монша ортасында пештің үсті 9 түрлі таспен толтырылған. Тасқа су сепкенде әлгі тастардан жұпар иісті буы шығып, монша ішін жайлайды. Моншашы әрбір адамды қайың жапырағынан жасалған екі сыпырғымен желпіп сабалап шығады. Бұл процедура моншаға түсу барысында екі мәрте жасалады.
Ал тереңдігі 2 метрге жуық шағын бассейнге түскенде, адамның бүткіл денесі шымырлап сала береді. Бұдан кейін моншаға түсушілер астына от жағылған алып тайқазанның ішіне отырып, 9 түрлі шөп пен жидекті қосып қайнатқан шайға бал салып ішеді.
Моншаға түсу аяқталған соң, жұрт арнайы кабинадағы душқа түседі. Сүртініп, таранып болған соң, тағы да дастарханға отырады. Бұл кезде ыстық тамаққа сірне береді, шөлді дәрумен шөптер мен жидек қосылған шаймен басады.
Сақ моншасының рахатын тілмен айтып жеткізу мүмкін емес. Оны тек мұнда келген адам ғана сезіне алады...
Толық ақпарат: +7700 658 43 39 Ринат
Негізгі бет МҰНДАЙ МОНША ҚАЗАҚСТАНДА САНАУЛЫ-АҚ | “САҚ МОНШАСЫ” ҚАНДАЙ БОЛАДЫ?
Пікірлер: 118