هل ده يكون من ضمن الحلول المثالية اللي تحل ازمة ومشكلة الشحن لناس كتير معندهاش جراج خاص بيها ؟ 🔌
واحدة من اكبر التحديات اللي بتقابل المستخدمين لسيارة كهربائية هو شحن العربية الكهرباء يوميا بسهولة و خاصة في البيت واللي بيكون محتاج وجود باركينج خاص علشان توفر الميزة دي والشحن overnight.
و التحدي ده مش بس للناس اللي عايزين يركبوا شواحن لبيوتهم ولكن كمان شركات الـ CPO او مقدمي خدمات الشحن والشواحن اللي بتركب على الطرق العامة..
بيبقى التحدي ان الى جانب وجود كهرباء كافية للمحطات لازم كمان تركب في مكان امان على سبيل المثال في البنزينات او المولات ومينفعش تسيب شاحن لوحده كده على الطريق لآنه هيبقى عرضة للسرقة او التخريب.
و من هنا جت فكرة بتنفذها شركة توزيع حاليا في امريكا اسمها The National Grid لحل الازمة دي وهي عمل شواحن على عمدان النور على ارتفاعات عالية صعب الوصول ليها..
و في الفيديو ده خلونا نشوف ازاي قدروا ينفذوا الموضوع بطريقة ابداعية وعملية و كمان ناقشنا Case Study لو تم عمل المشروع ده في مصر وتنفيذه في احد الجراجات العامة كـ Pilot Phase و ازاي الدولة تقدر تستفاد منه لانه هيقدر يوفر اكتر من ٧٠٪ من التكاليف و شرحنا برده ازاي.
هسيبكم تستمتعوا بالمشاهدة واتمنى الفيديو يعجبكم وفي انتظار تعليقاتكم لو في افكار تانية تحبوا تضيفوها ومش محتاج افكركم ان امتى طريقة تقدر تعبر بيها عن دعمكم للمحتوى واستمراره هو بـLike و share وانا بوعدكم من ناحيتي ان كل مرة المحتوى يتطور و يكون افضل من اللي قبله.
وده الموقع هتلاقوا عليه كل العربيات الكهرباء الموجودة في مصر بآسعارها ومواصفتها والشواحن وكل الخدمات الخاصة بيها:
www.electrifiedev.com
#electriccars #evchargers #شحن_منزلي #عربيات_كهرباء
Негізгі бет Автокөліктер мен көлік құралдары معندكش جراج خاص تشحن فيه؟ حل جديد من شركة امريكية ممكن يساعدك
Пікірлер: 12