ആദ്യമായി ടൂർ പോകുന്നവരും ബസ്സിൽ കയറുന്നവരും ആദ്യമായി പുറത്തുള്ള ആളുകളുമായി സംസാരിക്കുന്നവരും അങ്ങനെ ഒരുക്കൂട്ടം സ്വപ്നജീവികളുടെ സ്വപ്നയാത്ര. അവരെല്ലാവരും ഒരുപാട് മാറിയിട്ടുണ്ട്. ഒരുപാട് സന്തോഷിക്കുന്നുണ്ട്. എല്ലാവരുടെയും ആത്മവിശ്വാസം കൂടിയിട്ടുണ്ട്. ഒറ്റക്കാണെങ്കിലും ജീവിക്കാം എന്നായിട്ടുണ്ട്. എല്ലാത്തിനുമുപരി ഞങ്ങളുമായി അവർക്ക് ഒരാത്മബന്ധം ഉണ്ടായിട്ടുണ്ട്. കൂടെപ്പിറപ്പുകളെക്കാൾ ഏറെ അവർക്ക് ഞങ്ങൾ പ്രിയമുള്ളവരായിട്ടുണ്ട്. ആഘോഷങ്ങളൊക്കെ കഴിഞ്ഞു എല്ലാവരും ഉറങ്ങി. ചിലരപ്പോഴും യാത്ര അവസാനിക്കരുതേയെന്ന് പ്രാർത്ഥിക്കുന്നുണ്ടായിരുന്നു. രാവിലെ 7.30 മണിയോടെ തിരൂരിൽ എത്തി. എല്ലാവരെയും വീടുകളിലെത്തിച്ചു. ഒരാഴ്ച്ചക്ക് ശേഷം ഒരു ഒത്തു കൂടൽ നടത്തിയിരുന്നു. ടൂർ പോയവരുടെ അനുഭവങ്ങൾ കേൾക്കാനായി. കണ്ണ് നനയിക്കുന്ന ഓരോ അനുഭവങ്ങളും ഞങ്ങളിങ്ങനെ ഹൃദയത്തിൽ ചേർത്തു വെച്ചിട്ടുണ്ട്. വീണ്ടും വീണ്ടും ഓർത്തോർത്തു കിടക്കാനായി...!! സ്നേഹതീരം വോളണ്ടീയർ വിംഗ് 8086346346
Пікірлер: 5