-
هواجيس بالي طوقتني سرب واحلاف
وباب الفرج توفيق ربي وتيسيره
يقولون عبدالله من العام ما ينشاف
ويا كبر تقصيره ويا كثر تبريره
وعبدالله ليا تعبت ومالت الاكتاف
من سنين شايل غير حمله حمل غيره
يابو فارس ابشر بي لو ان الحمول اضعاف
انا محزمك وقت الطلب شره وخيره
هلا مرحبا في حلة النادر المضياف
تراحيب شيخٍ يوفي الضيف تقديره
عدد من نصى مكه وصلى بها واطاف
هلا من ضميرٍ صادقٍ في تعابيره
حلال السعد حية على منهج الاسلاف
على ترثة الشايب سلومه وتاثيره
عرفنا سفران .. وكل حرٍ سليل اشراف
يعرف الكريم اللي تتداحم مساييره
هذا والله التاريخ يوم السنين عجاف
بياض السريرة زود عن طيبة السيره
يعيش الكريم وفي ظلاله تعيش اطياف
يكمل مواجيبه ولو ينحر بعيره
ويموت البخيل ضعيف لو ما عليه خلاف
ياربي دخيلك من رداته وتدبيره
وليا عدّ في الشدات خيالة الاطراف
نعدك لنا يا فارس سلاح وذخيره
عليك الهقاوي يالسنافي ماهي بخفاف
تحيزم يا راع الاولة واشعل النيره
على جدك الاول تحية وفا وانصاف
وفي جدك الثاني لقى المجد تصويره
والك شايبٍ ما ينثني حزة الميقاف
والك لابةٍ فالحرب تطرب على زيره
وش العذر من ربعي ليا رزت الاهداف
على مدحهم ما والله ادوّر الخيره
سلامي على بيت الشرف معقل العراف
مشاهير بدوٍ وسط دجنه لها ديره
ديار الفخر ماهي بحاجة ذكر واوصاف
وبيوت السعد يلقى بها المبتلى جيره
على صفحتك يا المجد وش باقيٍ ما انضاف ؟؟
زحول الرواجح سادةٍ من اساطيره
كبار الاسامي لا حصل فالزمان ارجاف
ثقال الجبال الراسية ساعة الحيره
نهار اللقاء نقلط سطر والجموع الاف
لنا فيه تهليله .. لنا فيه تكبيره
جزال النوادر فالنشامى تصير اوقاف
وشعرٍ بلا يمه وجب فيه تكفيره
واذا الوقت راحت بي سنينه وشاب القاف
يخلدني الشعر الجزيل لجماهيره
Негізгі бет معقل العُراف 2023 | عبدالله براز - مسلط الجبلي
Пікірлер