ӨСТӨӨХ
1. Хас олох быһылынна?
Хас дьиэ кэргэн ыһылынна?
Хас уол оҕо аҕатыгар
Өс-саас санааны ылынна?
Төһө омук көмүлүннэ?
Төһө норуот кута көттө?
Төһө киһи сүттэ-өллө?
Өстөөх арай онно күллэ!
Хос ырыата:
Өлөр өстөөхпүт - арыгы!
Ону өйдүөх бука бары!
Өстөөх үйэлэр тухары
Эһэр санаалаах саханы!
Өрө туруохха утары!
Көмүскүөххэ ыччаттары!
Хара дьайтан, абааһыттан,
Киэр хайыһыах букатынныы!
2. Киһи иһэр арыгыны
Тумнаары кыһалҕалары,
Дьонтон туспа буолумаары,
Көртөн-күлтэн матымаары.
Киһи иһэр арыгыны,
Булаары быстах тапталы,
Кыра кэмҥэ тэһийээри,
"Эр бэрдэ бу уол!" дэтээри.
3. Испэт киһи (биллэн турар)
Үүнэр-сайдар, үөһээ тахсар.
Сүүрэр-көтөр, булар-талар.
Төрүт омугун аатырдар.
Иһэр киһи эрэйдэнэр,
Чугас дьоннорун кэлэтэр.
Үгүс доҕорун тэйитэр.
Дьиэ кэргэнин дьэ иэдэтэр!
4. Арыгы дьону аһыммат,
Оҕо, дьахтар диэн араарбат,
Күүстээх, мөлтөх диэн билиммэт,
Өһөрбүтүттэн кэмсиммэт.
Ону өйдүөҕүҥ доҕоттор,
Күүстээх омук тыыннаах ордор.
Норуот чөл олоҕу ордор,
Үтүө куһаҕаны хотор!
Хос ырыата:
Өлөр өстөөхпүт арыгы!
Ону өйдүөх бука бары!
Өстөөх үйэлэр тухары
Эһэр санаалаах саханы!
Өрө туруохха утары!
Көмүскүөххэ ыччаттары!
Хара дьайтан, абааһыттан,
Киэр хайыһыах букатынныы!
Негізгі бет Музыка Мэҥэ уола - Өстөөх
Пікірлер