"İrəli" İctimai Birliyinin təşkilatçılığı, Azərbaycan Gənclər Fondunun dəstəyilə baş tutan "Müzəffər Əsgərimiz" layihəsinin əsas məqsədi 44 günlük Vətən müharibəsində qələbəni bizə yaşadan qəhrəmanlarımızı tanıtmaq və onların xatirəsini hər zaman yad etməkdir.
Bu filmin qəhrəmanı - Əliyev Fərid Hamlet oğlu 22 mart 2001-ci ildə İsmayıllı rayonu Kürdmaşı kəndində anadan olub. 2018-ci ildə orta məktəbi bitirib İsmayıllı Dövlət Humanitar və Texnologiya Kollecinin "Turizm və Onun Təşkili" ixtisası üzrə qəbul olub. 2019-cu ildə təhsilinə fasilə verərək hərbi xidmətə gedib. Azərbaycan Ordusunun əsgəri olan Fərid Əliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Füzuli uğrunda gedən döyüşlərdə qəhrəmancasına vuruşaraq şəhid olub. Fərid Əliyev sentyabrın 28-də doğulduğu İsmayıllı rayonunun Kürdmaşı kəndində dəfn olunub.
Vətən sağ olsun!
#MüzəffərƏsgərimiz #ireli2022 #AzGF #hərşeyVətənüçün
Негізгі бет Müzəffər Əsgərimiz - Fərid Əliyev
Пікірлер: 20