Bakı Biznes Universitetində tələbə və məzunlar üçün “Karyerada ilk addım” devizi altında növbəti aktiv məşğulluq tədbiri keçirildi. Tədbirdə 3-ü dövlət, 44-ü özəl sektora aid olan 47 müəssisə 200 boş iş yeri təqdim edirdi.
Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin rəisi Anar Bədəlbəyli deyir ki, təqdim olunan iş yerləri üçün əmək haqqının məbləği 150-2200 manat arasında dəyişir.
“Sözsüz ki, yüksək əmək haqqı olan vakansiyalara daha çox təcrübəli işçilər tələb olunur. Amma eyni zamanda, tələbələrimiz artıq bilirlər ki, əmək bazarında onların ixtisasları üzrə belə vakansiyalar da var. Onlar karyerada ilk addım atandan sonra, bunu müsbət bir hal kimi qəbul edə bilərlər”.
Əmək yarmarkasında iştirak edən tələbə və məzunlar əmək bazarı, peşə və ixtisaslara olan tələblər haqqında bilgiləndirildi. Vakant iş yerlərinə göndərişlər verildi, habelə işəgötürənlər tələbə və məzunlardan şəxsi məlumatlar əks olunan CV-ləri qəbul etdilər
Bu ilin ötən dövründə 7 ali təhsil müəssisəsində "Karyerada ilk addım" devizi altında aktiv məşğulluq tədbirləri keçirilib. Bu tədbirlərdə 453 müəssisə 2,3 minədək vakant iş yeri təqdim edib.
Негізгі бет MƏZUNLAR ÜÇÜN 200 BOŞ İŞ YERİ
Пікірлер