#وردة_الجزائرية#ماعندكش_فكرة
حفل نادي الترسانة 1978
كلمات الشاعر الغنائي عبد الوهاب محمد
ألحان الموسيقار حلمي بكر
غناء مطربة الأجيــال وردة
عزف الفرقة الماسية قيادة الموسيقار أحمد فؤاد حسن
----------
كلمات أغنية مــاعندكش فكــره
ماعندكش فكرة هواك قد إيه بيهدى زمانى هنا قد إيه
ماعندكش فكرة رضاك قد إيه بيغنى حياتى غنا قد إيه
ماعندكش فكرة أنا إزاى في حبّك بضحي كتير
وبنسى عشانك قلوب ناس تدوب ومنك تغير
بحبك لوحدك من الدنيا ديَّه كأنك هواها ونورها وزهورها
ماهو إنت هوايا وأول منايا وآخر منايا ياللي ماعندكش فكرة
ما هو إنت هوايا وأول منايا وأقول بس إيه ماعندكش فكرة
أيوه يا أحلى الناس في عنيا أيوة يا أغلى الناس أيوه
أيوه يا أحلى الناس فى عنيا أيوة يا كل الناس
أنا إحساسي بحبك أكتر من كل الإحساس
فوق الحب بحبك حب عجيب وغريب
لو قسموه على كل جراح الدنيا تطيب
وإنت ح اقولك مين في حياتى ما إنت أحب سبب لحياتي
إنت ظلي في صيف أيامى إنت .. وأنت نجمي في ليل أوهامي إنت
وإنت اللحن اللي في أنغامى إنت إنت
وإنت اللي بقولك يا غرامي
بحبك لوحدك من الدنيا ديَّه كأنك هواها ونورها وزهورها
ماهو إنت هوايا وأول منايا وآخر منايا ياللي ماعندكش فكرة
ما هو إنت هوايا وأول منايا وأقول بس إيه ماعندكش فكرة
حبيبي حياتي وجودك بيملا علي الوجود
ويخلق قصادي من الشوك ورود
ويفتح لي عالم مفيش له حدود
حبيبي حياتي يا ريتك تشوف روحك إنت بعيوني حبيبي
عيون المحبة اللي فيك دوبوني عيوني
تشوف إنت عندي حبيب قد إيه
تشوف إنت مني قريب قد إيه
تشوف اللي فاتني أقولك عليه
وإيه السبب تشوف حب أعجب كمان من العجب
ده أنا لو مفيش لأجل أحبك سبب
ح اعيش برضه أحبك لأنك حبيبي
وأنا جنب منك بحس بأمان كإن في إيديا الوجود والزمان
ومهما يلومني ح اقولك كمان
إنت ظلي في صيف أيامى إنت .. وأنت نجمي في ليل أوهامي إنت
وإنت اللحن اللي في أنغامى إنت إنت
وإنت اللي بقولك يا غرامي
بحبك لوحدك من الدنيا ديَّه كأنك هواها ونورها وزهورها
ماهو إنت هوايا وأول منايا وآخر منايا ياللي ماعندكش فكرة
ما هو إنت هوايا وأول منايا وأقول بس إيه ماعندكش فكرة
------------
Негізгі бет Ma Endakche Fekra - Warda 🌹💕 ماعندكش فكرة - وردة | حفل نادي الترسانة 1978
No video
Пікірлер: 57