• மன்னிப்பாயா மைதிலி|ஸ்ர...
மன்னிப்பாயா மைதிலி..?
டீசர் -
அவனுடைய உடலோ தன்னைப் பிடித்தவர்களை உதறித் தள்ளத் தொடங்கியது.
அவனுடைய வேங்கை விழிகள் அழுது கொண்டிருந்த பெண் மானை வஞ்சத்துடன் வெறித்துப் பார்த்தன.
அதற்குள் விக்ரமனை போட்டுத் தரையில் தள்ளி மிதிக்கத் தொடங்கினர் அங்கே நின்ற ஆண்கள்.
அடுத்த கணம் உச்சகட்ட சினத்தில் தன்னை அடித்த ஆண்களைத் தூக்கிப் போட்டு பந்தாடத் தொடங்கினான் அவன்.
கராத்தே பழகியிருந்தவனுக்கு தன்னை அடிப்பவர்களை சமாளிப்பது ஒன்றும் பெரிய விடயமாக இருக்கவில்லை.
தாங்கொணாத அதிர்ச்சியில் அடிகளை வாங்கியவன், அடுத்த கணம் அவர்களைத் திருப்பி அடிக்க, அங்கே பிரச்சனையோ பெரிதாகிப் போனது.
“ஒரு பொண்ணு மேல தப்பா கையை வெச்சுட்டு தட்டிக் கேட்க போனவங்களையும் இப்படி போட்டு அடிக்கிறானே.. இவனெல்லாம் மனுஷனா..? ச்சீ காமப் பிசாசு.. த்தூ...” என ஒரு வயதான பெண் நின்று திட்டி விட்டு அவன் மீது காறி உமிழ்ந்து விட்டுச் செல்ல, இடிந்து போனான் விக்ரமன்.
அடுத்த கணம் அவமானத்தில் அவனுடைய கால்கள் தொய்ந்து மடிந்தன.
தன் விரல் நுனியில் கூட அழுக்குப் பட அனுமதியாதவனின் மீது யாரோ ஒருவரின் எச்சில் பட்டதும் அவனுடைய உடல் அசிங்கமாக மாறிப் போனதாக அருவருத்துப் போனான் விக்ரமன்.
அவன் தொய்ந்து அமர்ந்ததும் மீண்டும் அவனை ஆட்கள் அடிக்கத் தொடங்க, எதிர்த்து போராடும் மன நிலையில் அவன் அப்போது இல்லை.
அவனுடைய மனமோ அவமானத்தில் கொஞ்சம் கொஞ்சமாக செத்துக் கொண்டிருந்தது.
விக்ரமன் தங்களை அடித்த கோபத்தில் அவர்கள் அவனை மிக மோசமாகத் தாக்க, அதில் ஒருவனோ விக்ரமனின் கரத்தை தன் செருப்புக் காலால் மிதிக்க, அவனுடைய சுண்டு விரலோ நசிந்து போனது.
அவன் கத்தவில்லை, கதறவும் இல்லை. அத்தனை அடிகளையும் வலிகளையும் வாங்கியவாறு தரையில் விழுந்து கிடந்தவனுடைய பார்வையோ அழுதவாறு ஓடிச் செல்லும் மைதிலி மீதே நிலை குத்தி இருந்தது.
அவள் அவனுடைய பார்வை வட்டத்தில் இருந்து மறைந்த அடுத்த நொடி தன் விழிகளை இறுக மூடிக் கொண்டான் அவன்.
“இவனெல்லாம் ஒரு மனுஷனா..? ச்சீ காமப்பிசாசு த்தூஊ...”
“ச்சீஈஈ காமப்பிசாசு த்தூஊஊ..”
“ச்சீ காமப்பிசாசு த்தூஊ...” என மீண்டும் மீண்டும் அந்த வயதான பெண் கூறிய வார்த்தைகள் இடை விடாது அவனுடைய காதில் ஒலித்துக் கொண்டே இருக்க, தன் காதுகளை இறுகப் பொத்திக் கொண்டான் அவன்.
சற்று நேரத்தில் அந்த இடத்திற்கு போலிஸ் அதிகாரிகள் மற்றும் அந்த மாலில் வேலை செய்யும் செக்யூரிட்டிகள் அனைவரும் வந்து விட, சட்டென அனைவரும் விலகி நின்றனர்.
விக்ரமனின் முகத்திலோ உதிரம் வடிந்தவாறு இருக்க,
“டேய்....” என்றவாறு அவனை நோக்கி குனிந்த அதிகாரியோ அது விக்ரமன் எனத் தெரிந்ததும் பதறிப் போனார்.
“சா.. சார் நீங்களா.?” என அதிர்ந்து அவனைத் தூக்க முற்பட, அவனோ சட்டென அந்த அதிகாரியின் கரத்தை தட்டி விட்டான்.
“நெவர் எவர் டச் மீ டாமிட்....!! டாமிட்..!! டாமிட்...!!” என வெறி கொண்டு கத்தினான் அவன்.
அவனைப் பார்த்த மாலின் மேனேஜரோ கையை உதறியவாறு ஓடிவந்து அவன் அருகே நிற்க, மிக சிரமப்பட்டு எழுந்து அங்கிருந்த சுவரோடு சாய்ந்து அமர்ந்தவன், தான் அணிந்திருந்த ஷர்ட்டை குனிந்து பார்த்தான்.
எச்சிலும் இரத்தமும் அதில் இருப்பதைப் பார்த்தவனுக்கு குமட்டிக் கொண்டு வந்தது. சட்டென தன்னுடைய ஷர்ட்டை கழற்றி தரையில் விசிறி அடித்தான் அவன்.
“ஆஆ.ஷிட்.” என மீண்டும் அந்த இடமே அதிரும் வண்ணம் கத்தினான் அவன்.
அடுத்த கணம் அங்கிருந்த மக்கள் வெளியேறிச் செல்ல முயல,
“ஏய்ய். செக்யூரிட்டி மெயின் டோரை க்ளோஸ் பண்ணு. என் மேல கை வெச்ச எவனும் இங்கே இருந்து வெளியே போகக் கூடாது.” என கம்பீரமான குரலில் உத்தரவிட, அடுத்த நொடியே அவனுடைய கட்டளை சிரமேற் கொண்டு நிகழ்த்தப்பட்டது.
பின்னே அந்த மாலின் சொந்தக்காரன் கூறினால் அங்கு வேலை செய்பவர்கள் கேட்கத்தானே வேண்டும்.
அந்த பிரம்மாண்டமான மாலின் மெயின் டோரோ இழுத்துச் சாற்றப்பட, அங்கிருந்த அனைவரும் திகைத்தனர்.
“ஹேய் அவர்தான் இந்த மாலோட ஓனராம்..” என்ற விடயம் அங்கிருந்த மக்களுக்கு இடையே காட்டுத் தீ போலப் பரவப் பட, அவன் மீது கை வைத்த அனைவருக்கும் முதுகுத் தண்டு சில்லிட்டுப் போனது.
அத்தனை பேரைப் பார்த்தும் ஏளனமாக சிரித்தவன்,
“ரவிஇஇஇஇ லிப்ட்ல இருக்க சிசிடிவி ஃபுட்டேஜை எடு. நம்ம மால்ல இருக்க பிக் ஸ்க்ரீன்ல அதை போட்டு விடு. இங்கே இருக்க எல்லாருக்கும் லிப்டுக்குள்ள என்ன நடந்திச்சுன்னு தெரியட்டும்.” என அதீத சீற்றக் குரலில் அடிபட்ட அரிமாவாக கர்ஜித்தான் அவன்.
அந்தக் குரலில் வெளிப்பட்ட சீற்றத்திலும் வெறியிலும் பயந்து போயினர் சாதாரண மக்கள்.
அவன் மனமோ தன் மீது பொய் பழி சுமத்திய மைதிலியை வேட்டையாடத் துடித்தது.
To read in kindle: amzn.in/d/019v...
Join this channel to get access to perks:
/ @srivinithatamilnovels
#tamilaudionovels
#tamilnovelsaudiobooks
#srivinithatamilnovels
#loveandromanticnovelsaudiobooks
#ramanichandrantamilnovelsaudio
#rcnovels
#ramanichandrannovels
#rjsuja
#rjadhi
#tharathinovels
#dushyandhamaraannovels
#thanvirajnovels
#adhinovels
Негізгі бет மன்னிப்பாயா மைதிலி|ஸ்ரீ வினிதா|Tamil audio novels |Tamil novels audiobook | love and romantic novels
Пікірлер: 86