Маңғыстау облысында Жарма, Сазды, Сауысқан ауылдарын құм басу қаупі төніп тұр. Тұрғындар сонау 1996 жылдан бастап көшіп жатқан құмның, бүгінде таудай болып үйіліп, үйлерінің маңына таяп қалғанын айтып дабыл қағуда. Тіпті соңғы уақытта үдей түскен құм көшкіні екпінді желмен келіп, топырақ қораларды да қирата бастаған. Үрейленген халық өз күштерімен ақша төлеп құмды күретіп көріпті. Алайда, одан да нәтиже жоқ дейді. Тіпті бұл мәселені қанша жылдан бері шырылдап билікке айтсақ та, еститін құлақ болмай отыр деп ренжулі. Ал, әкімдіктегілер мәселені шешуге дайынбыз, тек қаражат қол байлап отыр деуден әрі аспады.
Бүгінде жетпістің үстіне шыққан Игілік Өтесінов Жарма ауылына бала күнінде көшіп келген. Қария ол уақытта мынадай тау боп үйілген құм ауылдан 300 метр әріректе болатын. Қазір асық ойнап, асыр салған тегіс жерін түгел құм басып қалған. Қария құмның көшуі осыдан 26 жыл бұрын басталды дейді. Шығыстан соғатын жел үйілген топырақты ауылға жылжытып, содан қоралар мен үйлердің ауласы құмға көміліп қалады екен. Қатты екпінді желдің әсерімен жиналған көшпелі топырақ тіпті ауылдағы мал қораларының қабырғасын бірнеше рет бұзып тастаған.
ИГІЛІК ӨТЕСІНОВ, Жарма ауылының тұрғыны:
- Мына қора құмның астында қалды. Құдық құмның астында қалды. Енді осыған көмек сұраймыз. Енді бұған анау-мынау көмек емес. Жел дейтін мына шығыстан болады мінекей. Мына құмнан бастап арғы шетпе дейін тоқтатса, сонда бір бетіне жетер еді. Сөйте-сөйте ақыры жаңағы жырғымыз бүтінделер еді. Ал мынаны қоршап тастаса соның ортасынан шөптің өзі шығады. Жабайы шөптер. Сонымен құм тоқтар еді.
БАҚЫТЖАН БИМАҒАМБЕТОВ, Жарма ауылының тұрғыны:
- Шарбақ салсақ құм басып қалады. Жылма жыл осы жерде техника жалдап трактар бар, құм таситын көлігі бар әркім өзінің қалтасы көтергеніне қарай құм тасытады. Оны бәрі бірдей осы жердегі тұрғылықты халықтың қалтасы көтере бермейді. Бәрі де айтып кетіп жатыр алдағы жылдан басталады, келесі жыл бастайды деп. Бірақ енді сол жасалып жатқан ешқандай жұмыс жоқ бұл жерде.
Табиғи апаттан зардап шегіп отырған бұл ауылда 100-ге жуық тұрғын бар. Олар соңғы уақытта құм көшкіні жиілеп, үйлерді басып қалу қаупі төніп тұрғанына алаңдаулы. Сондықтан, халық шенділерден ауыл маңына сексеуіл егуді сұрайды. Ал облыстық табиғи ресурстар басқармасының өкілдері құм құрсауындағы елдімекендерді құтқару үшін 2018 жылы жоба дайындадық. Бірақ, содан бері облыстық бюджеттен қаражат бөлінбеді дейді. Былтыр облыстық әкімдік құм басу қаупі төнген Жарма, Сазды, Сауысқан ауылдарына ағаш егуге 6 жылға 408 миллион теңге қаражат бөліпті. Алайда, сексеуіл егумен айналысатын мердігер мекеме табылай отыр екен.
ЕРБОЛ ДЕНОВ, Маңғыстау облыстық табиғи ресурстар басқармасының бөлім басшысы:
- Жыл басынан бастап біз төрт рет конкурс жариялаған болатынбыз. Өкінішке орай мердігерлер түспеді. Бір апта бұрын біз қайтадан бесінші рет конкурс жариялаған болатынбыз. Негізі ондай опыт бар бізде 2004-тен бері жүргізіп келе жатырмыз. Сенектен бастап. Қазіргі уақытқа дейін Сенек, Тұщықұдық, Шебір және Ұштаған ауылдарына 3236 гектар сексеуіл еккен болатынбыз.
Басқарма өкілінің айтуынша, мердігер компания табылса сексеуіл егу жұмыстары биыл басталуы мүмкін. Жоспарда 135 гектар аумақты қоршап, сексеуіл егу көзделген.
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
Негізгі бет Маңғыстау облысындағы бірқатар елдімекен құмның астында қалуы мүмкін
Пікірлер: 34