Madina!!!
Madina! Madina! Shahri nubuvvat.
Senla hayollarda qurardim suhbat.
Dunyoda eng aziz, sokin makonsan.
Oshig'ing, mashuqing, ishqu, muhabbat.
Qovog'im solmayman, qattiq kulmayman.
Bag'ringdan bir dona giyoh yulmayman.
Quchog'inga kirsam mahkamroq quchgin.
Sendanda sokinroq joyni bilmayman.
Shivirlayman so'zlar sarasin terib
O'tirmayman aslo oyog'im kerib.
Sarvari Koinot sening bag'ringda.
Men nechun ishqingda ketmayin erib.
Bahtliman jilmayib turib yig'lasam.
Salom salavotni tilga bog'lasam.
Munavvar, Musharraf, Muslima Shahar.
Goho tushlarimga kirgin uhlasam.
Asri saodatdan qolgan yodgorsan.
Rosulullohga hesh bo'lgan Ansorsan.
Sening quchog'ingda sahobiylar bor.
Munavvar, muzayyan Gul Gul bahorsan.
Qushdek osmoningda uchgim keladi.
Gul bo'lib poyingni quchgim keladi.
Sendan ketmay turib seni sog'inib.
Aziz tuprog'inga ko'chgim keladi.
Madina! Madina! Shahri nubuvvat
Senga yetib olsam, sendan ketmayman.
23. 02. 2024
✍️Abdugaffor Ahmad
Негізгі бет Фильм және анимация Madinani soginganlar biladi
Пікірлер: 1