👉 Tontosa ny 11 jolay 2024 tao Mahajanga, Faritra Boeny ny atrikasam-paritra ho fanaingana amin’ny fomba ofisialy ny Teikasa FSRP.
Tetikasa eo ambany fiahian’ny Minisiteran’ny Fambolena sy ny Fiompiana izay vatsian’ny Banky Iraisam-pirenena vola, miompana amin'ny fanohanana ny fanovàna sy faharetan’ny rafitra ara-tsakafo eto Madagasikara amin’ny alalan’ny fikarohana ho amin’ny fampandrosoana.
🎯 Faritra miisa 17 no iasan’ny Tetikasa FSRP fiaraha-miasan amin’ny CGRAI izay vondron’ireo mpikaroka amin’ny sehatry ny fambolena sy ny fiompiana eto Afrika iarahana amin’ireo ivon-toeram-pirenena momban' ny fikarohana toy ny FOFIFA izay itondrana fanohanana amin’ny fanatsarana sy fampitomboana ny masomboly ho an’ny fambolena; ny tohana hoan’ny FIFAMANOR eo amin’ny fikarohana eo amin’ny sehatry ny fiompiana ny sakafo ho an’ny biby fiompy, ary ny fiaraha-miasa amin’ny CFFAMMA amin’ny fikarohana ireo fitaovam-pamokarana hoenti-mamokatra.
🎯 Tanjon’ny Tetikasa FSRP ny fanatsarana:
- ny famokarana mba ahafahana miatrika ny fiovaovan’ny toetrandro,
- ny toeram-pambolena,
- ny fotodrafitrasa ara-pambolena,
- ny masomboly indrindra ho an’ny ao amin’ny Faritra Boeny
👉 Ho an’Andriamatoa RAKOTONIRINA Augustin, izay mpamboly sady Filohan’ny Banky fitehirizana masomboly vary ao Ankazomborona Marovoay dia tombony ho azy ny fisian’ny Tetikasa FSRP ao amin’ny Faritra Boeny satria hampitombo ny famokarana masomboly atao ny fiaraha-miasa amin’ny Tetikasa.Mahatratra 40 taonina ny masomboly vary novokarin’ny Banky fitehirizana ao Ankazomborona ankehitriny izay ahitana karazana masomboly toy ny sebota 281,X 398 sy ny maro hafa.
Hitondra fampandrosoana sy fampiroboroboana ny famokarana maharitra ny Tetikasa FSRP.
#MINAE
#FSRP
Негізгі бет Mahavokatse MINAE-FSRP : HITONDRA FAMPANDROSOANA MAHARITRA HO AN'NY FARITRA BOENY
Пікірлер