Павлодар облысында «Майқайың-Алтын» кенішіне құлап кеткен автобус ішіндегі екі адам әлі табылмай жатыр. Іздеу жұмыстарының жүргізіліп жатқанына бүгін тура 19 күн болды. Бұған дейін Балқаштан жеткізілген георадар арқылы жер астын сканерлеп, автобустың болжамды орны анықталған еді. Алайда ол жерден автобус емес, екі метрлік құбыр сынығы шыққан. Ал, екі құтқарушының тірі екеніне сенімдіміз деген туыстары Президентке үндеу жолдап, шетелдік құтқарушыларды көмекке шақыруды сұрап отыр.
19 тәуліктен бері табылмай жатқан Айдос Шаймерденді үйінде бес баласы күтіп отыр. Ең кенжесі екі жаста. Үйінді астында қалған құтқарушының әйелі Нұрсулу Шаймерден күйеуінің тірі екеніне сенімді. Үнсіз жата алмадым деген келіншек президентке үндеу жолдау, шетелдік құтқарушыларды көмекке шақыруды сұрайды. Себебі, іздестіру жұмыстары өте баяу жүргізіліп жатыр дейді.
НҰРСҰЛУ ШАЙМЕРДЕН, Айдос Шаймерденнің жұбайы:
- Біз 18 күннен бері қайғыдан қан жұтып отырмыз. Адам өмірі басты құндылық емес пе? Неге өзге мемлекеттерден көмек сұрамасқа? Неге техника алмасқа? Маған қазіргі таңда жүргізіліп жатқан тергеу жұмыстары маңызды да, қажет емес. Оны кейін зерттеп үлгересіздер. Маған азаматым, бес баламның әкесі, отбасы қорғаны керек. Құрметті Президент, сізден осы апатқа байланысты жұмыстарды ерекше жеке бақылауыңызға алуды сұраймын.
Автобустағы екінші адам - жақында 56 жасқа толған Айып Тілеубергенов. Ол жедел құтқару көлігінің тізгіншісі. Екі ұл, бір қыздың әкесі. Жақындары автобус құлаған кезде екі күннен бері еш жұмыстар жүргізілмегенін, ал қазір жерді қазуға арналған техниканың жеткіліксіз екенін айтады. Жүргізушінің інісі еліміз мұндай жағдайларға дайын болмағаны ма деп күйініп отыр.
АМАНГЕЛДІ ТІЛЕУБЕРГЕНОВ, Айып Тілеубергеновтың інісі
- Нәтиже жоқ вообщем қазба жұмыстарынан. Бізді қағаттандырып тұрған жоқ. Қаншама күннен бері осында тосып отырмыз. Жанымыздағы көршілес мықты-мықты елдерде бір құралдар бар шығар, соны шақыруды өтінеміз. Бізге көмек керек. Ағамыз астында, біз жердің үстінде көрермен сияқты жүрміз.
Бұған дейін Балқаштан жеткізілген георадар арқылы жер астын сканерлеп, автобустың болжамды орны анықталған еді. Сол жерді бірнеше күннен бері қазған құтқарушылар автобус емес, екі метрлік құбыр сынығын тапты. Енді мамандар шұңқыр түбінен бірнеше жерді қазу жұмыстарын бастады.
ОЛЕГ ТРЕЩЕВ, Павлодар облыстық төтенше жағдайлар департаменті бастығының орынбасары:
- Біз кеше шұңқыр ішіне екінші экскаваторды түсірдік. Қазір екі техникамен бірнеше жерден қазып жатырмыз. Алдында сканер көрсеткен жерден құбыр шықты. Одан кейін тағы бірнеше рет сканер жасадық. Құрылғы жер астындағы кез келген темірге реакция береді. Сондықтан автобустың нақты жатқан орнын анықтау мүмкін емес.
Бүгін іздеу жұмыстарының жүргізіліп жатқанына тура 19 күн болды. Оқиға орнында 147 құтқарушы жұмыс істеп жатыр. Сондай-ақ 45 техника мен үш ит жұмылдырылған.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал
Негізгі бет «Майқайың-Алтын» кенішіне құлап кеткен автобус ішіндегі екі адам әлі табылмай жатыр
Пікірлер: 16