(දඹුල්ල කාංචන කුමාර ආරියදාස 0773416157 )
2023 12.06
මැලේසියාවේ ලොන්ඩරියක රැකියා ලබා දෙන බව පවසමින් තරුණයන්ගෙන් ලක්ෂ ගණනින් මුදල් ලබාගෙන සැඟවී සිටින ගල්ගමුව ප්රදේශයේ ව්යාජ විදේශ රැකියා ආයතනයක් පවත්වාගෙන යන පුද්ගලයෙකු පිළිබඳ විමර්ශනයක් ආරම්භ කළ බව දඹුල්ල විදේශ සේවා නියුක්ති කාර්යාංශය කියයි
ගලේවෙල ප්රදේශයේ තරුණයන් හත් දෙනෙකු මෙම පුද්ගලයාට රැවටී එක් අයෙකුගෙන් තුන් ලක්ෂ අසූ පන්දහස බැගින් මුදල් ලබාගෙන වංචාවට හසුවූ එම තරුණයන් පිරිස දඹුල්ල විදේශ සේවා නියුක්ති කාර්ය කාර්යාංශයට 06 දින පැමිණිල්ලක් ඉදිරිපත් කොට තිබේ.
ඒ අනුව මෙම විමර්ශන කටයුතු සොයා බැලීමේදී සම්පූර්ණයෙන්ම මෙම පුද්ගලයා තරුණ තරුණියන් රැසක් ඉතා සූක්ෂම ලෙස මුදල් උපයාගෙන ජාවාරමක් ලෙස රැකියා සිහින පෙන්වමින් ක්රියාත්මක වී ඇති බව මූලික පරීක්ෂණවලදී හෙළි වූ බව විදේශ සේවා නියුක්ති කාර්යාංශයේ දඹුල්ල කාර්යාලයේ ස්ථාන භාර නිලධාරි ධම්මිකා කෝනාර මහත්මිය සඳහන් කළාය.
ගලේවෙල ප්රදේශයේ තරුණයන් හත් දෙනෙකු උදෑසන දඹුල්ල විදේශ සේවා නියුක්ති කාර්යාංශය ඉදිරිපිට පැමිණ ගල්ගමුව ප්රදේශයේ පදිංචි මෙම ජාවාරම්කරු මුදල් ලබාගත් ආකාරයත් නිවෙස්වලට පැමිණි ආකාරයත් එමෙන්ම ව්යාජ ලෙස ගුවන් ටිකට් පත්ර මෙන්ම මැලේසියාවේ වීසා බලපත්ර සකසා මෙම තමන්ට ලබාදුන් බව එම තරුණිය පවසති.
මැලේසියාවේ තවත් පුද්ගලයකු හරහා සේවා ස්ථාන වීඩියෝ තාක්ෂණ මඟින් පෙන්වමින් තවත් විදේශ ගතව සිටින තරුණියකගේ උදව්වෙන් මෙම තරුණයන් පිරිස හසු කර ගෙන ඇතැයි විමර්ශනවලදී හෙළිවී තිබේ.
දඹුල්ල විදේශ සේවා නියුක්ති කාර්යාංශයට පැමිණි තරුණ පිරිස කියා සිටියේ ජාවාරම් කරුගේ ගල්ගමුව ප්රදේශයේ නිවසට ගිය බවත් එහිදී ඔහුගේ දෙමව්පියන් පමණක් සිටින බවය. කෙසේ වෙතත් තමන්ට මුදල් ලබා ගැනීමට හෝ රැකියාව පිළිබඳව කිසිදු තොරතුරක් නොමැති බව ද කිසිදු පුහුණුවක් තොරව මෙම පිරිස මැලේසියාවට යැවීම සඳහා සූදානම් වූ බවද ඔවුන් සඳහන් කරන්නට වූහ.
විදේශ සේවා නියුක්ති කාර්යාංශයේ දඹුල්ල කාර්යාලයේ ස්ථාන භාර නිලධාරී ධම්මිකා කෝනාර මහත්මිය තරුණියන්ට දැඩි ලෙස අවවාද කරමින් කියා සිටියේ මෙවැනි රැකියා ජාවාරම් පිළිබඳව විමසිලිමත් වියයුතු බවය . ඕනෑම රටක රැකියා අවස්ථා පවතින්නේ නම් විදේශ සේවා නියුක්ති කාර්යාංශයේ වෙබ් අඩවියේ සඳහන් වන බවත් එවැනි ජාවාරම් කරුවන්ට හසු නොවී විදේශ රැකියාවක් ඇනවුම් ලැබුණු සැනින් ළඟම ඇති විදේශ සේවා නියුක්ති කාර්යාංශයෙන් විමසන ලෙසය . එසේත් නොමැති නම් නිල වෙබ් අඩවියට ගොස් ඒවා පරීක්ෂා කිරීමකින් පසුව මුදල් ගනුදෙනු සිදු කරන ලෙස ද ඇය මෙම තරුණියන්ට උපදෙස් ලබා දී තිබිණි.
මෙම මැලේසියාවේ රැකියා ලබාදෙන බවට ප්රකාශ කරමින් මුදල් ලබාගෙන සැඟවී සිටින ගල්ගමුව ප්රදේශයේ ව්යාජ රැකියා ඒජන්සි පවත්වාගෙන යන පුද්ගලයා පිළිබඳව කඩිනමින් මහනුවර සහ කොළඹ විමර්ශන ඒකකවලට ලබා දුන් බවත් තරුණයන් කිහිප දෙනෙකුගේ විදේශ ගමන් බලපත්ර මෙම පුද්ගලයා සතුව තබාගෙන ඇති බවට පැමිණිල්වල සඳහන් වීමත් සමඟ ලගම ඇති පොලිසියට ගොස් ඒ පිළිබඳව පැමිණිල්ලක් කරන ලෙසට තරුණයන්ට උපදෙස් ලබා දී තිබිණි.
මෙම තරුණයන් පැමිණිල්ල ඉදිරිපත් කිරීමෙන් අනතුරුව මාධ්ය වෙත අදහස් දක්වමින් කියා සිටියේවිදේශ සේවාවේ නියුක්ති කාර්යාංශයේ නිලධාරීන් තමන්ට පැමිණිල්ල බාරගෙන එහි ඇති බරපතලකම මෙන්ම විදේශ ගතවන ක්රමවේදය සියල්ල උපදෙස් ලබා දුන් බවය
මෙවැනි ජාවාරම්කරුවන්ට තරුණයන් අසුනොවීන් විදේශ සේවා නියුක්ති කාර්යාංශය හරහා රැකියා සිහිනය සැබෑ කරගන්නැයි මෙම තරුණයන් රටේ සමස්ත තරුණායන්ගෙන් පැමිණිල්ලෙන් පසු ඉල්ලීමක්ද කරන්නට වූහ.
Негізгі бет malasiya sihinaya මැලේසියාවේ රැකියාවකට ලේසියෙන් යන්න හදපු තරුණයෝ
Пікірлер: 26