മനസ്സിനെ ശാന്തമാക്കാൻ മനോഹരമായ ഖുർആൻ പാരായണവും അർത്ഥവും.
#islmicvideo
#quran
1) ഈസാ നബി(عليه السلام)ക്കു ശേഷം നീണ്ടകാലത്തേക്ക് പ്രവാചകനിയോഗം ഉണ്ടായിട്ടില്ല. വിശുദ്ധഖുര്ആന്റെ പ്രഥമപ്രബോധിതരെ സംബന്ധിച്ചിടത്തോളം അവരുടെ തൊട്ടുമുമ്പുള്ള അനേകം തലമുറകള് ഒരു പ്രവാചകന്റെ മുന്നറിയിപ്പ് കേട്ടിട്ടില്ലാത്തവരാണ്. അത് നിമിത്തം സത്യത്തെയും, സന്മാര്ഗത്തെയും പറ്റി അശ്രദ്ധയില് കഴിയുന്നവരായിരുന്നു.
2) സത്യം സ്വീകരിക്കുന്നതില് നിന്ന് തടുത്തുനിര്ത്തുന്ന അനേകം ഘടകങ്ങള് ചേര്ന്ന് അവരുടെ കഴുത്തില് ഒരു കനത്ത വിലങ്ങ് സൃഷ്ടിച്ചിരിക്കുന്നു. തങ്ങള്ക്ക് ചുറ്റുമുള്ള ദൃഷ്ടാന്തങ്ങളിലേക്ക് തിരിഞ്ഞുനോക്കാനോ, തലതാഴ്ത്തി കണ്മുമ്പിലുള്ള യാഥാര്ഥ്യങ്ങള്പോലും നോക്കിക്കാണാനോ സാധിക്കാത്തവിധം അവര് അവിശ്വാസത്തിന്റെയും അധര്മത്തിന്റെയും ബന്ധനത്തില് പെട്ടിരിക്കുന്നു.
3) ഈ നാട് ഏതെന്നോ, അവിടേക്ക് നിയോഗിക്കപ്പെട്ട റസൂലുകൾ ആരെന്നോ വിശുദ്ധഖുര്ആനിൽ വന്നിട്ടില്ല. സ്ഥിരപ്പെട്ട ഹദീസുകളിലും ഈ കാര്യം വിശദീകരിക്കപ്പെട്ടിട്ടില്ല. അല്ലാഹുവിന്റെ റസൂലുകളുടെ കാര്യത്തില് ആ നാട്ടുകാര് സ്വീകരിച്ച നിലപാടും അതിന്റെ അനന്തരഫലവുമാണ് ഇവിടെ ഊന്നിപ്പറയുന്നത്.
4) അന്ധവിശ്വാസികളുടെ സമൂഹങ്ങളിലേക്ക് സത്യത്തിന്റെ സന്ദേശവുമായി ചെല്ലുന്നവരെ 'കുരുത്തം കെട്ടവ'രായിട്ടാണ് ബഹുജനം എക്കാലത്തും ഗണിച്ചുപോന്നിട്ടുള്ളത്. ഈ 'കുരുത്തംകെട്ടവരെ' തങ്ങളുടെ നാട്ടില് ജീവിക്കാനനുവദിച്ചാല് ദൈവങ്ങളുടെ ശാപകോപങ്ങള്ക്ക് തങ്ങള് വിധേയരാകുമെന്ന് അവര് ഭയപ്പെടുന്നു.
5) നിങ്ങളുടെ പിഴച്ച വിശ്വാസങ്ങളും, ദുഷ്കൃത്യങ്ങളും തന്നെയാണ് നിങ്ങള്ക്ക് ദുരന്തം വരുത്തിവെക്കുന്നതെന്ന് വിവക്ഷ.
6) പട്ടണത്തിലെ പ്രമുഖന്മാരും ബഹുജനങ്ങളില് ഭൂരിഭാഗവും ആ ദൂതന്മാരെ നിഷേധിച്ചുതള്ളിയെങ്കിലും ഒറ്റപ്പെട്ട ചില വ്യക്തികള് അവരില് വിശ്വാസമര്പ്പിച്ചു. അവരില് ഒരാളാണ് ജനങ്ങളെ അഭിമുഖീകരിച്ചുകൊണ്ട് റസൂലുകളുടെ സന്ദേശത്തിന്റെ മൗലികതയെപ്പറ്റി സംസാരിച്ചത്.
7) ആ സത്യവിശ്വാസിയെ നാട്ടുകാര് കൊല്ലുകയാണുണ്ടായത്. രക്തസാക്ഷിത്വത്തെത്തുടര്ന്ന് അദ്ദേഹത്തിന്റെ ആത്മാവ് സ്വർഗത്തിൽ പ്രവേശിച്ച കാര്യമാണ് ഇവിടെ പരാമര്ശിക്കുന്നത്. ആ സന്ദര്ഭത്തില് പോലും അദ്ദേഹത്തിന്റെ മനസ്സില് നിറഞ്ഞുനിൽക്കുന്നത് തന്റെ നാട്ടുകാര് സത്യത്തെപ്പറ്റി ബോധവാന്മാരായിക്കാണാനുള്ള ആഗ്രഹമത്രെ.
8) സത്യവിശ്വാസത്തിലേക്ക് ക്ഷണിച്ച ദൂതന്മാരോട് കടുത്ത എതിര്പ്പ് പ്രകടിപ്പിച്ച ആ ജനവിഭാഗം അല്ലാഹുവിന്റെ ശക്തിയുടെ മുമ്പില് തികച്ചും നിസ്സാരരായിരുന്നു. അവരെ നേരിടാന് അല്ലാഹുവിന് ഒരു സൈന്യത്തെ നിയോഗിക്കേണ്ട ആവശ്യമുണ്ടായില്ല. ഒരു ഘോരശബ്ദത്തോടെ അവരുടെ കഥ കഴിഞ്ഞു.
by..: @ajwaadhi935
data collected..: googlequranenc.com/en/home
Негізгі бет Ойын-сауық മനസ്സിനെ ശാന്തമാക്കുന്ന മനോഹരമായ ഖുർആൻ പാരായണവും അർത്ഥവും 👍
Пікірлер: 21