1. Madreng jidan Kitungan a birna
Timyim jidan Kitungan a birna
Ruang rajam Kitungan a birna
Ayimle la Anin a sanibdaijan
Ongnile la Anin a ji'bjibnan.
2. Irsi kandring dissaban buhangji
Pintun tulab dissaban tonanji
Lunguddaman dissaban kulamji
Appayaitin janardin palidan
Appayaitin ranoitad ta'ran.
3. Mandradagi ildamlin yiraitin
Banaggi margi Anin na yiraitin
Dulai margi Anin na yiraitin
Anin Rajatung a On buhangji
Anin a bobtung a On tonanji.
4. Pintun saring ablubin yiraitin
Urdeng saring a urbin yiraitin
Kanudin saring babyibin yiraitin
Duaih pintun mandranji a do'ng
Gegedaman mandranji a do'ng.
5. Dirnaba la dirnaba a birnan
Manniba la manniba a birnan
I hamba la i hamba a birnan
Mandren god lingan i hanaba la
Tar god lingan i hanaba la.
6. Ordar dissan mandranji jaba la
Yar yar dissan mandranji jaba la
Kuddub dissan mandranji jaba la
Ablutunglen Jisun amangban la
Abmengtunglen Jisun amangban la.
7. Kanalkallen table ablulangtin
Ganegelen table abmo'ihlangtin
Kanudilen table babyilangtin
Ranuang rajam urunglangtin la
Manatsi rajam urunglangtin la.
Негізгі бет Mandreng jidan kitugan a birnan//Mr Sukant Raita //A R Collection
Пікірлер: 11