ငါးလအတွင်း နှစ်ကြိမ် ဓားပြတိုက်ခံရတာဖြစ်၊
AN/MFP ၊ မေ-၃၁
မန္တလေးမြို့၊ မဟာအောင်မြေမြို့နယ်၊ (၈၄)လမ်း၊ မန်းမြို့စျေးထိပ်က ဆယ်သန်းရွှေဆိုင် ဒီညနေပိုင်း အနုကြမ်းစီး ဓားပြတိုက် ခံရပြီး ရွှေ လေးပိဿာကျော် ပါသွားတယ်လို့ သတင်း ရရှိပါတယ်။
ဒီနေ့ မေ(၃၁)ရက် ညနေ(၃)နာခွဲမှာ ရွှေငါး Mark || အမျိုးအစား ကားနံပတ် Mdy/ygn 14-3M-6--- ဆိုတဲ့ ကား အဖြူရောင်နဲ့ လူလေးဦးခန့်က သေနတ်ဖောက်ကာ ဓားပြတိုက်သွားတာလို့ ဆိုပါတယ်။
"မန်းမြို့စျေး ဆယ်သန်းရွှေဆိုင် ဓားပြတိုက် ခံရပါတယ်ရှင်။ ဓားပြတွေကို တွေ့ရင် ဝိုင်းအကြောင်းကြား ပေးကြပါ"လို့ ရွှေဆိုင်က ဆိုပါတယ်။
ပြီးခဲ့တဲ့ ဇန်နဝါရီ(၁၉)ရက်ကလည်း အဲ့ဒီ ဆယ်သန်းရွှေဆိုင် ဓားပြတိုက်ခံရပြီး ရွေနှစ်ပိဿာနဲ့ ငွေကျပ် သိန်း(၂၀၀)ကျော် ပါသွားတယ်လို့ စစ်အုပ်စုက သတင်းထုတ်ပြန်ထားပါတယ်။
မန္တလေးမြို့၊ (၈၄)လမ်းနဲ့ (၃၉)လမ်းထောင့်၊ မန်းမြို့စျေး တောင်ဘက်ထိပ်မှာ ဖွင့်ထားတဲ့ ဆယ်သန်းရွှေဆိုင်ကို အမျိုးသား သုံးဦးက ဓားပြတိုက်တာလို့ ဇန်နဝါရီ(၁၉)ရက်က ဓားပြမှုနဲ့ပတ်သက်ပြီး စစ်အုပ်စုက ဆိုပါတယ်။
အဲဒီ ဓားပြမှုနဲ့ ပတ်သက်ပြီး စစ်အုပ်စုက ကျူးလွန်သူ တရားခံတွေကို မဖမ်းပေမယ့် “ရွှေဆိုင်ဓားပြတိုက်တာ ရဲမှရဲ” ဆိုပြီး လူမှုကွန်ယက်မှာ မှတ်ချက်ရေးတဲ့ အမျိုးသားတစ်ဦးကိုတော့ ရတဲ့နည်းနဲ့ ခြေရာခံကာ စစ်အုပ်စုက အင်အား အလုံးအရင်းနဲ့ စီးနင်း ဖမ်းဆီးခဲ့ပါတယ်။
ပြီးခဲ့တဲ့ ၂၀၂၃ အောက်တိုဘာ(၃၀)ရက်ကလည်း အဲ့ဒီ ဆယ်သန်းရွှေဆိုင်အနီး မန်းမြို့စျေးမှာ ဖွင့်လှစ်ထားတဲ့ ပေါ်ဦးရွှေဆိုင် ဓားပြတိုက်ခံရပြီး ငွေသား အများအပြား ပါသွားတယ်လို့ နီးစပ်သူတွေက ပြောပါတယ်။
ဒါ့အပြင် နိုဝင်ဘာ(၁၇)ရက်ကလည်း မနက်(၁၀)နာရီကျော် လူစည်ကားချိန်မှာ မန္တလေးမြို့လယ်၊ ဆေးတက္ကသိုလ်အနီး၊ လမ်း(၃၀)နဲ့ (၇၃)လမ်းအနီးက အောင်ရွှေဆိုင် ဓားပြတိုက်ခံရပြီး ဆိုင်မှာ ခင်းကျင်းထားတဲ့ ရွှေထည်ပစ္စည်းတွေ အားလုံးကို ဓားပြတွေက စိတ်အေးလက်အေး လုယက် ယူဆောင်သွားတယ်လို့ ဆိုပါတယ်။
စစ်အာဏာသိမ်းပြီးနောက် မန္တလေးမြို့မှာ လူသတ်မှု၊ လုယက်မှု၊ ဓားပြမှုတွေ ဆက်တိုက် ဖြစ်ပွားနေပြီး စစ်အုပ်စုက ကျူးလွန်သူတွေကို အရေးယူနိုင်တာ မရှိသလောက် နည်းပါးတယ်လို့ မြို့ခံတွေက ပြောပါတယ်။
ပြီးခဲ့တဲ့ မတ်လကတော့ မန္တလေးမြို့ အောင်မြေသာစံမြို့နယ် (၂၂)လမ်းက စစ်အုပ်စု လက်အောက်ခံ မြို့နယ် တရားသူကြီးပိုင် ရွှေပန်းတိမ်ကို ပုသိမ်ကြီးမြို့မရဲစခန်းက နယ်ထိန်းရဲ ဦးဆောင်တဲ့ အဖွဲ့က ရဲယူနီဖောင်းတွေနဲ့ ဓားပြတိုက်ခဲ့ရာ စစ်အုပ်စုက ကျူးလွန်သူတွေကို ဖမ်းဆီးအရေးယူခဲ့တယ်လို့ ဆိုပါတယ်။
မန္တလေးမြို့၊ (၈၄)လမ်း၊ မန်းမြို့စျေးက ဆယ်သန်းရွှေဆိုင်ကို လူတစ်စုက ဓားပြတိုက်ခံရစဉ်/Video - ပေးပို့
#Mandalay_Free_Press_MFP
Негізгі бет မန္တလေး မန်းမြို့စျေးက ဆယ်သန်းရွှေဆိုင် ဓားပြတိုက်ခံရ၊ ရွှေလေးပိဿာကျော် ပါသွား၊
No video
Пікірлер: 133