მოკლედ ეს წვიმა აღარ გვეშვება, თან ცივასავით... და მიუხედავად იმისა, რომ დასვენების დღეა, ალბათ სეირნობას ვერ ახერხებთ და შეყუჟულხართ სახლებში. ხოდა მოდით ცოტას გაგახალისებთ და ერთ სასაცილო ვიდეოს გაჩვენებთ. მოიწიეთ ახლოს, მოუსკუპდით ეკრანს და ჩართეთ ვიდეო.
ეს ჩვენი ბაგა-ბაღის აღსაზრდელები, ჰამადრილი მარტა და მელაკუდა ტროა არიან. დღის განმავლობაში ცალკ-ცალკე ცხოვრობენ, თუმცა დროის გარკვეულ მონაკვეთს ერთად ატარებენ, რომ ცოტა ხანს წაითამაშონ, გაერთონ და არ მოიწყინონ. ესენიც ხომ ბავშვები არიან, მათივე ასაკის და-ძმები არ ჰყავთ, თანატოლებთან ურთიერთობა კი მეტად სასარგებლოა პატარებისთვის. ჭინკა გოგო მარტა ძალიან ცნობისმოყვარეა. დასდევს წრიპა ტროას და უპუწავს ბუსუსებს. არა, ძალიან კი არ წიწკნის, ისე, სიყვარულით ქაჩავს. კვდება ინტერესით, ნეტავ ეს რა არსებააო. ის კიდევ, მელიკო, ჯერ სულ ციცქნაა და თუ ძალიან მოაბეზრებს გიჟმაჟი და ხტუნია მარტა თავს, ნემსებივით წვრილ კბილებს დაუკრეჭს-ხოლმე. აშინებს თავის ჭკუაში.
Негізгі бет მარტა და ტროა თამაშობენ / Marta & Troa playing
Пікірлер: 23