Bu gün saat 18 radələrində Masallı şəhərinin Anar Novruzov küçəsində 1955-ci il təvəllüdlü Vaqif Oruc oğlu Qurbanova məxsus evdə yanğın olub.
Asiya.az xəbər verir ki, dərhal hadisə yerinə FHN-nin Masallı Yanğından mühafizə hissəsinin 3 texnikası və canlı qüvvəsi cəlb olunub. Yanğın, ümumi sahəsi 216 kv olan evin mansar(çardaq) hissəsindən başlayıb. Buna görə alov əsasən evin 2-ci mərtəbəsini əhatə edib. Görülən tədbirlər nəticəsində qısa müddətdə yanğın söndürülüb. Alovun evin digər hissələrinə keçməsinin qarşısı alınıb.
Faktla bağlı araşdırma aparılır.
Hadisə ilə bağlı xəsarət alan olmayıb.
Qeyd edək ki, yanan ev tanınmış həkim, Masallı Rayon Mərkəzi Xəstəxanasının baş terapevti, Tibb üzrə fəlsəfə doktoru Vaqif Qurbanova məxsusdur.
Негізгі бет Masallıda doktor Vaqif Qurbanovun evi belə yandı
Пікірлер: 3