#မောင်နဲ့ကျွန်မ သီချင်းလေး စကြားဖူးတော့ ကျွန်တော် တက္ကသိုလ်ပထမနှစ်တက်ခါစ။
အဆိုတော်ဖြူသီရဲ့သမီး မို့မို့ရဲ့ မျက်စိမှိတ်ချစ်နေမယ် ဆိုတဲ့ အခွေထဲမှာ။ ကာရာအိုကေအခွေထွက်တော့ ကြည်လဲ့လဲ့ဦးနဲ့ ညီညီနေနိုင် သရုပ်ဆောင်ထားတာလေးကလည်း ပရိတ်သတ်ရင်ထဲတော်တော်ရောက်ခဲ့တာပေါ့။ မို့မို့က ပထမအခွေမှာ လူသိပ်မသိလိုက်ဘူး။ ဒုတိယအခွေကျမှ လူသိများသွားတာ။
မောင်နဲ့ကျမ သီချင်းရဲ့ မူရင်းအဆိုရှင်က ထွန်းထွန်းအောင်တဲ့၊ အဆိုတော် အောင်လရဲ့မိခင်ပေါ့။
ဓါတ်ပုံနဲ့ အသံသာ မမြင်ရမကြားရရင် အမျိုးသားအဆိုတော်လို့ အမှတ်မှားကြတာ။
ထွန်းထွန်းအောင်က အခွေ၃ခွေထွက်ခဲ့တယ်။(ကျတော်ရှာတွေ့သလောက်ပေါ့)
• ရင်ထဲကခင်မောင်တိုး (1992)
• တစ်ရေးနိုးလောကနဲ့အတူ (1994)
• အချက်ပြမီး(1997)
မီမီဝင်းဖေဆိုထားတာကိုလည်း အသံဖိုင်ရထားတာကြာပြီ။ ဒါပေသိ ဘယ်အခွေထဲမှာ ဘယ်နှခုနှစ်မှာ ဆိုထားတာကို လမ်းစရှာမတွေ့ဖြစ်နေတာ။
နောက်တော့ ကက်ဆက်အခွေအရောင်းဂရုတစ်ခုမှာ အခွေကာဗာလေးသွားတွေ့တော့မှ ဗလ၊ သန္တာဦး၊ မီမီဝင်းဖေတို့ရဲ့ သံယောဇဉ်ဖွဲ့(1995) အခွေထဲမှာမှန်း မှတ်သားရတယ်။ မဟုတ်ရင် မမီအရင်ဆိုသလား ထွန်းထွန်းအောင်အရင်ဆိုသလား ကျွန်တော်မှတ်တမ်းလုပ်ဖို့ အခက်တွေ့နေရတာပေါ့။ ဆိုလိုတာက ပြန်ဆိုမှတ်တမ်းတစ်ခု ပြည့်စုံဖို့ အချိန်အတော်ပေးရတယ်ဆိုတာပါပဲ။
#မောင်ညို
Ref: ၇၀၈၀၉၀သီချင်းသည်များ
#မောင်နဲ့ကျွန်မ
#ထွန်းထွန်းအောင်
တေးရေး #သူရချစ်မောင်
#တစ်ရေးနိုးလောကနဲ့အတူ
Album Released 1994
ဂီတမှူး အောင်ဒူး၊ ဇော်မျိုးထွဋ်
အသံဖမ်း ရဲခေါင်(မေ)
Lyric:
မောင်နဲ့ကျွန်မ သိပ်ချစ်လို့နေတာ
မောင့်ရဲ့မိဘများနဲ့ အသိုင်းအဝိုင်းများက
သဘောမတူနိုင်ပါဘူး
ကျွန်မရဲ့မာနလေးများ ကျိုးကြေလို့သွား
မောင်ရဲ့အချစ်များနဲ့ ခေါင်းမော့စေခဲ့
မောင်နဲ့ကျွန်မ အကြောင်းကြားနေတာ
အားလုံးမေးငေါ့ကြတဲ့ စကားလုံးများကြား
အသက်မရှူနိုင်တော့ဘူး
ကျွန်မသိက္ခာလေးများ ညစ်ပေလို့သွား
မောင်ရဲ့အချစ်များနဲ့ သန့်ရှင်းစေခဲ့
မောင်သာ ဘေးနားရှိရင် ရင်ဆိုင်ရဲတယ်
မောင်ရဲ့အချစ်များနဲ့ ဖေးမပါဦး
မောင်သာ အနားနားရှိရင် ပျော်နေရဲတယ်
မောင်ရဲ့အချစ်များနဲ့ ထွေးပိုက်ပါဦး
Other Recordings
• မီမီဝင်းဖေ
သံယောဇဉ်ဖွဲ့(1995)
ဗလ၊ သန္တာဦး၊ မီမီဝင်းဖေ
• မို့မို့
မျက်စိမှိတ်ချစ်နေမယ်(2002)
Simply Acoustic Live(2019)
• ကေကေမိုး (2020)
DISCLAIMER:
No copyright infringement intended.
I do not own the audio in this video. They belong to their rightful owners.
Негізгі бет မောင်နဲ့ကျမ • ထွန်းထွန်းအောင် (1994)
No video
Пікірлер: 21