SE ĆU PRODAT
Užan se jutro lih pogledat
Da vidin ča zrcalo govori
Telo čoveka, duša otroka
Znutri mi prozbori
Pa govori…
Tipkaš, pozivaš, života nimaš
Lepi moj, kamo tečeš?
Se si debji, stareji, zapušćeneji
‘’samo još ovo’’ - vavek rečeš.
Ne spiš, ne jiš, šal si va niš
Samo bacelaš
I danas ti pride va toj kožnoj katride
Da se z autići igraš
Se ću prodat
Firmu, kuću, apartman
Barku, auto i stan
Već od sega san trudan
I ni tu kraja
Čovek vavek teje više
A sve se teže diše
I loše ti se piše
Se ću prodat
Ča ostane regalat
Onda z gušton se naspat
I samo uživat
Pustite me
Samo da živen
Ja na Učku
Ovce čuvat gren!
Sučuješ, bušuješ, a znutri se truješ
Se više piješ i pušiš
Šoldi služiš, a ča će ti se
Kad se jenega dana zrušiš?
Stišće te svet, stišću te judi
Danas saki sakemu sudi
I ča više njih kroz život ti pasa
To više voliš svojga breka.
A nutra, duboko
Jako dobro znaš
Kad imaš pacijenci, se arivaš
Va sven imet meru
I va se veru
I nemoj teć
Ni na kurjeru.
Pacijenca? Ča je to?
Se ću prodat…
TEKST, GLAZBA I ARANŽMAN: Mauro Staraj
Негізгі бет Музыка Mauro Staraj & La Banda - Se cu prodat
Пікірлер: 16