الشوق الشــــــــــــوق أنا
الما زُرتَ للمعشــــــــــــوق أنا
شوقي وآ شوقي
والقيد حمى مروقي
ما زرتَ معشوقي
الفيهُو منطوقي
مَنْ بَرا عروقي
سَهِلِّي أنا مروقي
جوفي محروقِ
والدم جفا عروقي
ثنيت منطوقي
للبيهو فك طوقي
بنوح وبقوقي
لخير مخلوقِ
حنيتَ كالنوقِ
ودماعي في شدوقي
للخضرا وآ شوقي
وقيدي مغلوقِ
أول المخلوق
طه غير مسبوق
في الخير دِيما سَبُوق
مَقامو ما ملحوق
للحبيب حنيت
بل خلاص جنيت
يا الرسول يا ريت
أراك كل مبيت
حبو شاويني
بي نارو كاويني
في النوم ما بكفيني
البيهو نوم عيني
حبو حرقني
في بحرو غرقني
في نورو مرغني
هناك ما مرقني
حبي لي ذاتو
المصطفى ذاتو
ما عندي لَذَّاتُ
إلا مجور ذاتو
حبو ألمني
من باطني كلمني
من سرو علمني
وفُرْقُو ألمني
حبيبي هَويتو
والله هَويتو
والله ما نِسيتو
كأني في بيتو
حبيبي طب روحي
البيهو دوا جروحي
بفديهو بي روحي
يا نفسي ليه روحي
حبو هيمني
في نفسي قيمني
ليهو تيمني
لزورتو شيمني
برقو مازحني
بالوصل صارحني
نسيمو فرحني
لم يبارحني
للحبيب صليت
والدمع خَرّيت
الركيني قول لي جيت
ساكن معاك في البيت
Негізгі бет مدحة " الشوق الشوق " - أداء أولاد الشيخ إبراهيم الركين
Пікірлер: 157