كلنا بصوت عالي بنقول مين السبب في موت احمد رفعت .. اه احمد رفعت مات بفعل فاعل .. لازم كل اجهزة الدولة واصحاب الضمير يفتحوا تحقيق عاجل في وفاة أحمد رفعت ..
اللي انا اعرفه واللي حضراتكم تعرفوا قاله وفضح الكل أحمد حسام ميدو وماخفش من حد ، ووزير الشباب والرياضة الدكتور اشرف صبحي قال انه هيفتح التحقيق في وفاة رفعت نتمى الكلام ده يكون حقيقي لان قلوبنا بتتقطع على شاب لسه في سن الشباب يروح كده ضحية للظلم بسبب اشخاص مات الضمير جواهم
خد بال حضرتك بالعلم والطب أحمد رفعت مات على الاجهزة وقلبه توقف من 3 شهور بعد ما وقع على الارض في مباراة نادي مستقبل وطن والاتحاد السكندري وقتها محدش مننا كان فاهم ان مشهد سقوت احمد رفعت بالشكل اللي خطف قلوبنا جميعا لانه فكرنا بمشهد وفاة محمد عبدالوهاب الله يرحمه سنة 2006
ولكن ربنا اراد انه يعود تاني من الموت علشان ويقدر يتكلم علشان يطلع في التليفزيون ويكشف الحقيقة اللي محدش مننا كان عارفها ولا كان يتخيل ان ممكن شخص لمجرد انه زو منصب يقهر شاب كان عنده احلام كتير انه يوصل لمرحلة ان قلبه يتوقف ويموت للمرة التانية
اللي ياكد ان رفعت رجع من الموت علشان يقول الحقيقة ويموت انه قبل ما يموت كان طبيعي وبيشوف مباراة مع اصحابه وطلع البيت عادي مش حاسس باي تعب وطلب من امه تجبله فاكهة يادوب راحت تحضرله الفاكهة من التلاجة رجعت لقته ودع الدنيا في ثواني
ابراهيم فايق لما جاب اخوا أحمد رفعت عشان يفهم منه اللي حصل وازاي مات اخو رد عليه رد لخص الحكاية اقاله اسألوا أحمد دياب هو عارف ايه اللي حصل لأحمد اخويا بسببه .. بالمناسبة النائب أحمد دياب عضو حزب مستقبل وطن كان البعض بيطالب انه يكون وزير شباب ، اللي حصل لرفعت اشاره من ربنا لينا
احمد رفعت كشف الحقيقة قبل ما يموت والكابتن احمد سليمان بين الحياه والموت والبرلمان يفضح وزير التعليم
السؤال المهم هو الظلم والضغط النفسي ممكن يوقف القلب .. ابراهيم فايق سال الدكتور أحمد اشرف الي كان بيعالج المرحوم عن حالته الصحية رد الطبيب وقال ان احمد رفعت تعرض لضغط نفسي كبير قبل الازمة ولما فاق سالني وقالي هو قلبي ممكن يقف تاني يا دكتور .. فعلا قلبك وقف تاني يا أحمد لانه مقدرش يستحمل الضغط .. على فكرة في ناس كتير بيحصلها الي حصل لرفعت بس الفرق انهم مش مشهورين علشان كده محدش يعرف عنهم حاجة
الكورة مع فايق | أحمد رفعت في آخر لقاء قبل وفاته: تعرضت لضغوط كبيرة من هذا الشخص
لما ابراهيم فايق سال النائب احمد دياب وطلب منه يرد على كلام اخوا احمد رفعت رد عليه وقاله انا ماليش دعوة وماوعتوش بحاجة الحقيقة ان السيد احمد دياب يبدوا انه كان عايز يمشيها بالكوسة ولكن القوات المسلحة المصرية مفهاش كوسة والحمد الله ان لسه في شرفاء في الجيش المصري مابيقبلوش بالكوسة حتى لو من نائب برلمان او عضو في مستقبل وطن
عارفين اللي يوجع فين ان كتير على السوشال ميديا من امس فاقدين الامل ان حق أحمد رفعت هيرجع وده نفس الكلام اللي قاله لاعب الاهلي السابق صالح جمعة اللي قال لو حق أحمد رفعت مرجعش في الدنيا هيرجع في الاخرة نامل ان حق احمد يرجع في الدنيا لان الظلم وحش وبيهد اي وطن
أحمد حسام ميديو هو كمان قال «واقعة أحمد رفعت فضحت أن جميع من يدير الكرة المصرية غرباء عن الرياضة، في البداية كانوا مجرد وكلاء لاعبين وبعد كده أصبحوا مسؤولين عن الكرة» «اللي حصل ان أحمد توفى بسبب أنه وثق في مسؤولين ضحكوا عليه، واستغلوا طيبته وهو عايز يسافر ويحترف ويعمل فلوس
أحمد رفعت... ظلموه وحبسوه... حكاية لاعب توفي 3 مرات.
نفس الكلام ده قاله رامي بكر اداري نادي فيوتشر بس الفرق انه قال الاسم واضح قال ان أحمد دياب رئيس رابطة الاندية المصرية هو السبب في موت أحمد رفعت
أحمد شوبير بيقول لما احمد رفعت بدأ يفوق رحت انا ومصطفى نزوره في المستشفى امه كان زعلانه جدا مني ومرضيتش تخليني اشوفه وبعدين قال نادي فيوتشر ماقصرش مع احمد وبطالب بفتح تحقيق ولو اي حقوق قانونية لازم يرجع.. في الحقيقة يا كابتن عندها حق ربنا مطلع على الحقيقة اللي اكيد هتظهر والكل هيتحاسب
الوسط الرياضي اليوم في حالة حزن شديد بسبب ازمة صحية مفاجأة للكابتن أحمد سليمان هو كمان حصله ازمة قلبية مفاجأة وتم نقله للمستشفى ودخل عمل عملية قسطرة على القلب والحالة الصحية حتى الان مش افضل حاجة ربنا يتم له الشفاء تعب القلوب صعب ياترا مين السبب في تعب قلب الكابتن أحمد سليمان هو كمان يارب تكون سهلة ويقوم منها بالسلامة دعوات حضراتكم له
امس اتكلمت مع حضراتكم عن موضوع دكتوراه وزير التعليم ولما تابعت تعليقات حضراتكم عرفت ان حضراتكم مهتمين بالموضع ومهتمين ان ملف التعليم يحصل فيه اصلاحات .. وبطالبوا بفتح التحقيق في الشهادات العلمية اللي حاصل عليها وزير التعليم الجديد السيد محمد أحمد عبداللطف
الي
قال انه قدم سؤال برلماني عاجل لرئيس الوزراء عشان ييحقق في السيرة الذاتية والمؤهلات بتاعة وزير التربية والتعليم الجديد الوزير محمد عبد اللطيف.
قال ان السيرة الذاتية اللي نشرتها صفحة مجلس الوزراء بتقول ان الوزير محمد عبد اللطيف حاصل على دكتوراه من جامعة "كارديف سيتي" في أمريك
الكورة مع فايق| نادر شوقي يتحدث باكياً عن أزمة أحمد رفعت التي تسبب في وفاته وانهيار أبراهيم فايق
الكورة مع فايق | أحمد رفعت يحكي تفاصيل وعكته الصحية الصعبة وانه لحد دلوقتي مش فاكر حصل ايه يوم سقوطه
لو حضرتك تحب تتواصل معايا على الفيس بوك أو التيك توك تفضل
facebook للتواصل معي
/ samehelmasry25
/ s.samehelmasry25
tiktok للتواصل معي
/ sameh.elmasry25
#سامح_المصري
#سامح_المصرى
#أخبار_مصر
#أخبار_مصر_اليوم
#مصر_اليوم
#اخبار
#اقتصاد
#سياسة
#احمد_رفعت
#وزير_التعليم
#احمد_سليمان
Негізгі бет احمد رفعت كشف الحقيقة قبل ما يموت والكابتن احمد سليمان بين الحياه والموت والبرلمان يفضح وزير التعليم
Пікірлер: 59