Alimlər revmatoid artritindən qaynaqlanan ağrıları azaltmağa qadir olan təbii maddəni aşkara çıxarıb. Medical Media “MedikForum” saytına istinadla xəbər verir ki, yeni araşdırma səmərəli vasitə ola biləcək maddənin itburnu meyvəsində mövcud olduğunu iddia edir. Qeyd edək ki, adətən, belə vəziyyəti müalicə etmək üçün qeyri-steroid antiinflamatuar dərmanlar istifadə olunur. Bundan əlavə, xəstəliyi dəyişdirən dərmanlar və kortikosteroidlər təyin edilə bilər. Lakin bu müalicələrin çoxu qan təzyiqi, mədə xorası və qanaxma da daxil olmaqla xoşagəlməz təsirlərlə müşayiət edilir.
Alimlər revmatoid artrit xəstəsi olan 89 xəstənin iştirakı ilə ikili kor randomizə edilmiş nəzarət müayinəsi aparmışlar. Könüllülərə altı ay ərzində itburnu meyvələrinin cövhəri və ya plasebo tərkibli əlavə veriblər. Nəticələr göstərib ki, itburnu qəbul edən qrupda oynaqların ağrısının 30% azalması və aktivlik səviyyəsinin yüksəlməsi qeydə alınıb. Bu təbii vasitənin artrit zamanı ağrının azaldılmasına təsiri Skandinaviya və Almaniyada aparılmış əlavə tədqiqatlarla yoxlanılıb və oynaqlarda ağrı, sərtlik və şişkinliyi azaltmağa kömək etdiyi təsdiqlənib.
#MedNews
#MedicalMedia
Негізгі бет Med News - Artrit ağrılarını azaldan təbii vasitə tapılıb
Пікірлер