මී පිරුණු සුවඳ මල් වනේ
ආදරය සිනාසෙනු පෙනේ
පැතුම් බිහිවෙලා කුරුලු වෙස් වලා
අනන්තයට යයි පියාඹලා...
රැව් නැඟෙයි තුරුණු හද විලේ
ජීවිතයෙ අරුත දැන් දැනේ
හැඟුම් පිබිදිලා දෙතොල් මතුරලා
කතා කරයි පියාසල සලා...
සිහිනෙකින් හරී සිතන්නට බැරි
ඉඳුනිලක් ලැබෙයි කැළුම් දෙයි පිරී...
විමන් නොපතමී යහන් නොසොයමී
ඔබගෙ හද බිමේ වැතිර සැතපෙමී...
නෙත් පියන් වැසීලා
සිත් තුටින් පිරීලා
නින්ද යයි සුවෙන් නිසංසලේ...
කොකුම් තුවරලා සඳුන් මුසුවෙලා
සුගන්ධය ගලයි සුළඟෙ විසිරිලා..
පෙරදි තැනක දී දිනෙක බැඳි බැඳී
සිටිය හැටි සිතෙයි මතකෙ ඇඳි ඇඳී...
ඒ ගැනත් මෙසේමයි
ඒ දිනත් මෙවාගෙයි
පෙම් පහන් දිලේ බවෙන් බවේ...
එච්. ආර්. ජෝතිපාල - ඇන්ජලීන් ගුණතිලක
කරුණාරත්න අබේසේකර / සරත් දසනායක
ස්වතන්ත්ර තනුවකි
සංගීතා (1975)
Негізгі бет Mee Pirunu Suwanda Mal Wane - මී පිරුණු සුවඳ මල් වනේ - H. R. Jothipala and Anjeline Gunathilake
Пікірлер: 3