Секој од нас ужива во вкусот на топли мекици за појадок. Тајната за да направите совршено меко тесто за мекици, кое не впива многу масло, е во вистинскиот сооднос на вода и брашно и времето за нараснување на тестото. Следете ја постапката и за час ќе добиете мекици кои се 100 пати подобри од купечките.
Потребни состојки:
500 г брашно
320 мл вода
1 лажичка сол
1 лажичка шеќер
1/2 коцка свеж квасец
1 л. масло за пржење
За да го подготвите тестото за овие мекици најпрво во длабок сад просејте го брашното. Додајте ги квасецот, шеќерот и солта. Налејте вода и со помош на вилушка или дрвена лажица промешајте ги сите состојки додека не добиете меко тесто. Тестото треба да се лепи за да имате успешни мекици. Вака подготвеното тесто оставете го во длабок сад и покријте со кујнска крпа оставајќи го да стаса на собна температура од 70 до 90 минути, во зависност од температурата на собата. Тестото е потребно да надојде 2 до 3 пати повеќе во волумен. Откако тестото ќе стаса намастете ги рацете со масло за јадење и обработете го во садот.
Во големо тенџере на оган загрејте масло за јадење на средна температура. Со помош на намастени раце земете мал дел од стасаното тесто и оформете ги мекиците во облик каков што посакувате. Пржете ги околу 2-3 минути од секоја страна додека не добијат убава златно-кафена боја.
Готовите мекици ставете ги во сад обложен со хартија, за да се впие непотребната мрснотија. Најдобриот начин да ги сервирате е со парче сирење или чаша јогурт, но сите оние кои сакаат благ појадок, овие мекици може да ги послужите со кристален шеќер и малку цимет.
Доколку Ви се допаднаа овие мекици и сакате и понатаму да се дружиме и заедно да приготвуваме најразлични рецепти не заборавајте да ме заследите и да ставите subscribe на мојот KZitem канал.
Забавно готвење!
Негізгі бет Мекици - докажан рецепт кој постојано ќе го подготвувате
No video
Пікірлер: 37