Астана қаласында екінші сынып оқушысы мектеп ішіндегі баспалдақтан құлап, ауыр жарақат алды. Баланың бас сүйегі қатты зақымданып, миы шайқалған. Ең сұмдығы, оқушы құлаған баспалдақтың бір жағында қоршау болмаған. Сондықтан оқушылар білім алатын ғимаратта қауіпсіздік шараларын сақтамаған басшылар жазалану керек дейді баланың ата-анасы. Ал мектеп директоры оқушыны сыныптасы итеріп жіберген деп отыр.
Бұл 18 қыркүйек күні Астанадағы №14-мектепте болған сұмдық жағдай. Бейнебақылау камерасына екінші сыныпта оқитын Тамирлан Кәрімқұловтың екінші қабаттың баспалдағынан құлаған сәті жазылып қалған. Төменге баспен құлаған баланың алған жарақаттары тым ауыр. Сорақысы бұған дейін білім ұясындағы ішкі сатылдардың бір жағы қоршаусыз тұрғаны белгілі болды. Сегіз жастағы жеткіншек осы баспалдақ пен қабырға арасындағы ашық жерден құлап кеткен. Содан бері бір апта өтсе де, ұлымның денсаулығы әлі қалпына келмеді деп күйінеді Тамирланның әкесі.
БЕКЖАН ҚОЖАМҚҰЛОВ, Тамирлан Кәрімқұловтың әкесі:
- Бес жерден сынған басы. Айтуы бойынша, көздің үсті сынған. Көздің артына кусок сүйек тұрып қалған. Бүгін айтып тұр көздің жанынан да сынған деп. Образование неге мынаны ремонттағанда принимать етіп алмаған. Бір де бір лестницада жоқ. Үш лестница бар, үшеуінде де жоқ. Кеше құлағаннан кейін барып істеп отыр мынаны.
Тамирлан құлап, ауыр жарақат алған сәтте мұғалімдер жедел жәрдем шақырған. Алайда медицина қызметкерлері уақытында келмеді. Ақыры барлық жауапты органдарға хабарласып, дәрігерлерді әзер алдырдық деп ашулы оқушының әкесі.
БЕКЖАН ҚОЖАМҚҰЛОВ, Тамирлан Кәрімқұловтың әкесі:
- Скорый шақырылған 17:10-да. Ол 6-дан аса келді. Бір сағатта келді. Мен акиматқа звондадым неге скорый жоқ деп. Сосын акиматқа звондаған соң ғана келді скорый. Әйтпесе олардың келетін түрі жоқ. Оны емдету үшін білмеймін қаншама қаражат керек.
Мектеп директоры осы жағдайдан кейін ғана қауіпті баспалдақтардың бір жағы қоршалғанын растады. Айтуынша, төтенше жағдайлар департаментінің өкілдері бұған дейін бірнеше рет білім ұясы ғимаратына тексеру жүргізген. Мамандар ашық тұрған ішкі сатылар бала өміріне қауіпсіз деген қорытынды шығарған екен.
ДИДАР БАЙТАСОВ, Астана қаласы №14 мектеп-гимназиясының директоры:
- Жүйелі түрде ДЧС, СЭС тарапынан тексерулер жүргізіледі. Бұл баспалдақтар бойынша ескерту болмады. 2 «Д» сынып оқушыларын мұғалімі жетектеп информатика сабағына екінші қабатқа көтеріліп бара жатқан кезде сыныптастар бір-бірімен ойнап. Бір сыныптасы итеріп жіберген болатын. Бала екінші қабатқа көтеріліп жатқан кезде төменге құлап жазатайым болды.
Дәрігерлер Тамирланның денсаулығы әлі де орташа ауыр жағдайда деп бағалап отыр. Жеткіншек есін жиған екен. Ал басынан алған ауыр жарақаттан ұлым өмір бойы жарымжан болып қала ма деп қорқады оқушының әкесі. Бұған байланысты полицейлер «балалардың өмірі мен денсаулығының қауіпсіздігін қамтамасыз ету жөніндегі міндеттерді орындамау» бабы бойынша қылмыстық іс қозғаған. Және Тамирланды баспалдақтан итеріп жіберді деген дерек те тексеріліп жатыр. Ал бұл шудан кейін бүгін түс ауа мектеп директоры қызметінен босатылды.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Мектеп ішіндегі баспалдақтан құлап, ауыр жарақат алған оқушының әкесі әділдік іздейді
Пікірлер: 6