МАҒАН ешқандай байлықтың қажеті жоқ, журналистика мамандығын сүйемін деп күллі қазақтың сүйіктісіне айналған Бейсен Құранбек ағамыз мәңгілік мекені бақиға аттанды. Жарты ғасыр ғана жалған дүниенің бетінде ғұмыр кешсе де артына өлмейтіндей ғибрат, өшпентіндей із қалдырған ағамыз әрбір қазақтың қияметке дейін жүрегінде сақталмақ. Алла тағала ағамызға сегіз жәннәт есігін айқара ашып, қабірін нұр, ақыретін гүл етіп, қияметте пайғамбарымыздың шапағатында болсын деп тілейміз.
Қош бол Бейсен Құранбек,
Аяқтан жүрдің тұрам деп,
Ажалың келіп ап кетті,
Атқанда таңың қылаң боп
Ұлт үшін туған ер едің,
Ұлтым деп өттің ұлан боп,
Масадай шақтың жұртыңды
Ісіңмен жасап ұран көп
Туылар ма екен тағы да
Дәл сендей ерлер қыран боп,
Қырларда жүрген құлан боп.
Ісігің дерт боп ішіңде,
Жайлап әкетті жылан боп,
Өлген де жоқсың өлмейсің,
Өлтірмес қазақ шүбәм жоқ,
Тағылым болып белесің,
Тарихта қалдың тұмар боп.
Жылатып жұрттың жүрегің,
Жасымен ақтың жыр ән боп
Қабірің болмай қараңғы,
Жәннәтта таңып жараңды,
Пенде де болғын күнәң жоқ,
Менде де оған күмән жоқ,
Алдыңнан пейіш әперсін,
Артыңнан жауған Құран көп!
Алланың сүйген пендесі,
Бақұл бұл Бейсен Құранбек
Авторы: Бағжан Бақберген
Оқыған: Айдос Оразай
Негізгі бет Ойын-сауық мен өлген жоқпын!
Пікірлер: 2,3 М.