Бердібек Соқпақбаевтың "Балалық шаққа саяхат" повестінен алынған үзінді ретінде "Менің салақ жеңгем" әңгімесін ұсынып отырмыз. Өте қызықты әңгімелер жинағынан. Оқыған: Динара Мейрамқызы. Танымал ютуб арнасы. Қызықты әңгіме.
МЕНІҢ САЛАҚ ЖЕҢГЕМ
Мен біреуіне біреуі ұқсамайтын неше түрлі жеңгелерді бастан кештім.
Шешемнің науқасы күннен күнге асқына берді. Ары қарамаса, бері қарамайтын болды. Басын да жөндеп көтере алмайды. Тамақты тәтем жасайды, ыдыс-аяқты тәтем жуады. Тіпті арпаға дейін Смағұл тәтем қуырады. Қуырылған арпаны мен келі сұрап әкеліп, кеузеймін. Келі түюге әбден-ақ жаттығып алғам. Алақанымды түкіріктеп, құлашымды кең жазып соққанда, келінің түбін түсіре жаздаймын.
Кеузелген дәнді тәтем ұшырады.
Талқанды қол диірменмен тартамыз. Бұл азап жұмыс. Ап-ауыр шомбал тасты айналдыруға менің шамам әрең келеді. Жіңішке білектерім салдырап талып кетеді.
Тартылған талқанды елеп, майдасын бір бөлек, сағын бір бөлек аламыз. Сатылған мен Ыдырыс даяр тамақты жегенді ғана біледі. Біреуі үй тіршілігіне намыс көріп, мырзалықпен жоламаса, екіншісі аюдай ебедейсіз болғандықтан жоламайды.
Үйде әйел қолы болмай, береке болмайтыны қатты білінді. Ол үшін ағаларымның бірі үйленуі керек. Кезек, әрине, жасы үлкен Смағұлдікі.
Қайдан қалай тауып әкелгені есімде жоқ, тәтем бір күні қалбиған бір қара әйел алып келді. Шектен шыққан олақ та, салақ та жан екені көрініп тұр. Шаш дегенің таралмай, дудырап, орамалдың жан-жағынан шығып кеткен, бөренедей аяқ-қолы қап-қара. Беті балшықтан жасағандай быттиған май бет. Үстіндегі киімдері әрі лас, әрі тозып біткен. Қап-қара күс шынтағы көйлектің жыртық жеңінен көрініп жүреді.
#аудиокітап #әсерліәңгіме #қазақшаәңгімелер #қазақ #қазақшаәңгімелержинағы #қызықтыәңгімелер #болғаноқиға #әңгімелер #ғибраттыәңгіме #өміриірімі #ғибрат #көңілді
Негізгі бет Ойын-сауық Менің САЛАҚ жеңгем (қызықты әңгіме).
Пікірлер: 7