هذي القصيده مهداه من / حمد عبدالله الجبيري
الى رجل الاعمال / شجاع سعد الضباطي
حنا هل الفزعات والوقفات حزات الصعاب
اذا حضرنا الموقف المشهود مانرجع سدا
تاريخنا يشهدلنا في عرض صفحات الكتاب
قبل التواصل والمواقع لاتجي والمنتدا
قبيلةً يحسب لنا من فعلنا كمً حساب
يوم الجزيره موحشه والجو صافي للعدا
ومن بعد ساد الامن والرايه رست مرسى الهضاب
مانحسد الا الي هداه الله على درب الهدا
طير السعد غرد بجنحانه على متن السحاب
كانه يقول المجد مجدك كل ماحام وشدا
وانا تعليت السحاب الي نشا فوق الضباب
اشوف مجد مطير والمريخ والمجد احتدا
واردد اسم الي يعدل الميل فكاك النشاب
وشلون ماافخر واتفاخر فالضباطي وحدا
فعل الضباطي بان فالوقفات واعتاق الرقاب
مافيه موقف مايجي لاسمه على الساحة صدا
اليا حضر كّفى اكثر الحضار ويكف الغياب
دون القبيله يدفع المليون ويعدّه فدا
شجاع يامقدم هل الطالات ياسمح الجناب
يافزعة الي بالقياد وبالقصاص مهددا
واخوانك الي مثل فعلك بالمواقف ماتهاب
عزالله انهم ضلع جنبك بالمواقف واعضدا
انتم اعيال الي على ذكره يحثون الركاب
الفعل شاهد بالمواقف والكلام موكدا
لاحتارو العرّاف مابين الخطا وفعل الصواب
يقدّم عليها ماتحير والحبال معقدا
يافزعة الي شاب من سود الليال وهو شباب
انتم هل الوقفات والطولات مافيكم ردا
#خالد_البريك #مطير #2024 #السعودية
Негізгі бет مهداه الى رجل الاعمال شجاع بن سعد الضباطي من حمد عبدالله الجبيري اداء خالد ال بريك
Пікірлер: 2