АУЫЛ ПАРКІН КӨГАЛДАНДЫРУ-ПРЕЗИДЕНТ ТАПСЫРМАСЫ! Қызылқоға ауданының әкімі Қ.Қ.Әзмұқановқа Қызылқоға аудандық мәслихаттың депутаты Е.С.Нұровтан Құрметті Қанат Қәдіржанұлы! Президент Қ.Тоқаев 2024 жылғы 08 сәуірде (Қазақстан Республикасы Президентінің ресми сайты) облыстар мен қалалардың әкімдеріне көшелерді тазарту, көгалдандыру және елді мекендердің аумақтарын абаттандыру науқанын бастауды тапсырды. Сонымен қатар жолдарды ретке келтіру міндетін жүктеді. Президенттің айтуынша, елді мекендер мен қоғамдық демалыс орындарын күтіп-баптау әкімдер қызметін бағалаудың тағы бір өлшемі болмақ,-деген болатын. Миялының орталығы аудан әкімшілігі жанындағы паркке егілген 800 тал шыбығы күтусіз жатыр. Талдар егілгелі әлі бірде бір рет суарылмаған, тіпті талды егіп отырғызғанда да, кемшіліктер жібергені көрініп тұр. Балалар ойнайтын алаңның жанында малдың тезегі жатқанынан бұл паркке жауапты адам тағайындалмағаны сырт көзге көрініп тұр. Сізден, аудан әкімшілігі жанындағы паркке егілген талдарды күтімге алуға, абаттандыруды жауапты органдардан талап етіп, тікелей өз бақылауыңызға алуыңызды өтінемін. Өйткені, бұл мәселе Президентіміз Қ.Тоқаевтың тапсырмасы екенін қаперіңізге беремін. Қызылқоға аудандық мәслихаттың депутаты Е.С.Нұров
Пікірлер: 4