Бу рецептэн 25 устуука кырачаан чебурек тахсыахтаах.
Ингредиенэ тиэстэҕэ:
• сымыыт - 1 уст.;
• туус;
• бурдук - 3 ыст. (ыстакаан);
• мас арыыта - 1 ост.нь.;
• оргуйбутунан уу - 1 ыст.;
Начыыҥкатыгар
• фарш - 500 гр;
• луук - 1 уст. (улахан размердаах);
• укуруоп.
Сымыыкка туус эбэбит уонна биилкэнэн булкуйан ылабыт. Онтон 3 ыстакаан бурдук кутабыт, булкуйабыт. Саамай кистэлэҥэ - итии оргуйбутунан уу. Сылаас, буруолуу сылдьар ууну уонна мас арыыбытын бурдуктаах сымыыппытыгар кутабыт уонна биир кэлимсэ буолуор диэри булкуйабыт. Ньуосканан табыллыа суоҕа, оччоҕо остуолга көһөрөбүт уонна үчүгэйдик мэһийэн биэрэбит. Кытаанах соҕус, илиигэ сыстыбат тиэстэ буолуохтаах. Тиэстэни хайаан да сынньатыахтаахпыт, ол эбэтэр холодильникка 30-ча мүнүүтэ угабыт.
Ол кэмҥэ фарш бэлэмниибит. Луук, укуруоп бытархай гына кырбастаан фаршка эбэбит, туустуубут уонна булкуйабыт. Начыыҥкабыт бэлэм.
Тиэстэ холодильниктан таҕыстаҕына сымныыр, уунара тупсар. Тиэстэни тэнитэн, чебуректарбытын оҥорбутунан барабыт.
Чебурек астыырга бэйэм тутуһар быраабылаларбын суруйуом:
•Аһары күүстээх уокка буһарыма, орто уокка буһарар ордук.
•Чебурегыҥ биир өттө олох саһарчы буһарын күүтүмэ, сотору-сотору эргитэ тур. Оннук гымматаххына биир сиикэй өттө үллэн, тэстэн хаалыаҕа. Оннук буолбатын туһугар сотору-сотору эргитэ сылдьан буһар.
•Тиэстэ аһары синньигэс буолара эмиэ куһаҕан, ол эрээри суон соҕус эмиэ гыныма. Ортотунан.
•Фаршкын үчүгэйдик тэнитэн уур уонна элбэҕи «горочкой» кутума. Элбэҕи куттаххына ситэри буһумуон сөп. Убаһа этигэр бу куттала суох.
Бу сүбэлэри хайаан да туһанаарыҥ. Миэхэ ким эмитэ эрдэ маннык сүбэлээбитэ буоллар диибин ээ.
Негізгі бет Мини ЧЕБУРЕКИ🤩
Пікірлер: 16