MIRROR Go Green首次公開唱新團歌
「大家好,我哋係MIRROR!」
皮皮Frankie積極發言 AK變番小電兔
姜糖齊集隔空撐姜濤
#MIRROR 11子今日(11日)到會展出席《 #一秒GO一起GREEN 》開幕儀式,姜濤因身體抱恙,未能出席,但不少姜糖在現場打氣,又在場外影大合照,隔空撐 #姜濤 。11子full team以白衣示人,甫出場即跳唱新團歌《Go Green》,但只是十數秒版本,full version或者要等MV上架才能欣賞。隊長 #Lokman ( #楊樂文 )出場便帶頭高呼:「大家好,我哋係MIRROR!」相信現場觀眾可感受到那股力量,不過FB Live不時lag機,現場聲也很微弱。
眾成員在台上分享環保、低碳生活心得,又玩小遊戲「一秒問答」。連日趕劇抱恙的 #AnsonKong 江𤒹生今日叉充電,又變番小電兔,所有enegry掟晒出嚟。皮皮Frankie(陳瑞輝)今日亦非常精靈,說話時七情上面,「Go green係一個生活態度,一開始我哋唔使去到最盡,咁我哋慢慢慢慢習慣,同我哋一齊有心去做就得啦,係咪?」不過甫開場時他仍不小心入了結界,大夥兒向台右方拍齊,皮皮渾然不覺,要「團媽」Jeremy李駿傑(Remy)拉一拉他。
【Jer:大家一齊係好緊要】
主持人問Jerdan-- #Jer #柳應廷 和 #Edan #呂爵安 怎樣看「一秒GO一起GREEN」,Jer說:「除咗一秒係重點之外,大家一齊係好緊要,好似大家睇到我哋MIRROR咁,一班人一齊就行得好快。」爵安接口道:「大家唔好以為一秒好少,集齊咁多個一秒就可以好強大喇!」
今次活動還衝出香港,設「全球召募」Team Green成員,並由幾位成員講口號召喚team-mate,Lokman打頭陣,Ian陳卓賢緊接以英語說:“Hello everyone,do you wanna be my friend to go green with Watson?” AK即起哄「wow」望住陳;國語版由Remy和Edan負責,ERROR《人到中年口不擇言》那個「水貨安」又來了。阿撈盧瀚霆說:「To my lovers,等幾耐我都會留個位置畀你,喺Team Green嘅位置。」輪到AK,他清一清喉嚨,以甜絲絲聲線說:「各位,如果多一秒,你會唔會同我一齊go green?」說時陳皺眉望定他,似在忍笑。
【即場示範唔用飲管騷肌】
Lokman又說:「 多謝大家對我哋嘅支持。對我哋嘅愛唔係必然,希望我哋可以用我哋嘅愛同感染力,回饋番你哋,回饋番呢個地方,一齊做一個好有意義嘅事情!」之後各人又分享低碳生活心得,虎仔 #邱傲然 說買外賣時醒起要go green,選擇唔要膠袋,AK即像母親讚小朋友般讚「叻!」AK說他出門口前已經想到要帶齊環保三寶包括環保袋(他只舉了這個例),「一秒拎起行得!」Lokman則說「我前一晚已經諗到」,自認運動分子的Alton #王智德 ( #王勁 )最犀利:「唔知我幾時已經諗到,總之我知啦!」自備毛巾,一邊抹身一邊show off。大夥兒又即場示範如何唔用飲管飲嘢順便show肌。
【陳卓賢大表哥最怕食隊友愛心飯盒】
之後大夥兒又玩了一個小遊戲「一秒challenge」。「外星三少女」Anson Lo、Remy跟爵安一組,三人嗌完「Go Green三少女」新團名,Remy突然「下?」爵安笑:「唔係咩?啱呀!」
所有問題均是二揀一,其中一題問:想AK煮飯還是Remy幫手執屋斷捨離?Jer與皮皮都想要Remy執屋,Lokman擺出隊長霸氣問:「你哋唔鍾意AK煮嘢食咩?即刻答!」此時有人說「佢煮嗰啲嘢食黑色㗎喎!」AK扮嬲質問:「邊個話我煮啲嘢食黑色?」爵安幫口笑:「佢呼吸黑色啫!」皮皮就說:「我啱啱去完旅行吖嘛,都未執屋,Jeremy又參加過個節目(《GO!執!事務所》),好勁㗎嘛!咁就不如一齊嚟食素執屋啦!」Remy在旁連聲說:「Call me call me。」
陳與Stanley #邱士縉 一組,表示憑直覺答問題,兩人果然sync到,同步選中「逐次回收」而非「一次過回收」,Stanley表示:「因為我做嘢唔鍾意儲埋一次過做,所有嘢都係每一次都要做!」陳則說自律,「因為生活係源於習慣!」另一題問兩人寧願食外賣還是隊友弄的愛心餅盒,他們想也不想即答外賣,表明對隊友廚藝零信心。陳卓賢有點萌說:「食外賣會穩陴啲,因為每一日都要做嘢,腸胃唔可以唔舒服。」
#娛壹
除了 CLS,亦歡迎你用 Super Thanks 支持我哋繼續用心製作🫶
有你哋支持,我哋會走得更遠
1. 喺 KZitem 影片下方(即係Like Dislike的一行)點選「超級感謝」(Super Thanks);
2. 選擇你想支持嘅Super Thanks金額,目前有:$HKD10、$HKD25、$HKD50、$HKD250四種選項;
3. 透過 App Store/Google Pay 來使用信用卡或預付卡購買,成功後畫面上會出現一個感謝的小動畫;
4. 而成功購買後,喺留言處亦會用彩色來凸顯你的留言,也會顯示你贊助的金額。
多謝你支持娛壹!☺
你的支持❤讓我們得以繼續前行🙌
請訂閱《娛壹》Patreon:
bit.ly/3hZtP25
Негізгі бет MIRROR首公開唱新團歌 又玩團欺?皮皮Frankie積極發言 AK江𤒹生變番小電兔 Anson Lo認難戒買衫 Ian Stanley怕隊友入廚 (
Пікірлер: 149